Daniel 3:29 - Mbeti ti Nzapa - Tënë so amu fini

²⁹ Ndani laa, mbi mu yanga fadeso, mbi tene: ‘Zo so ayeke tene sioni tënë ti Nzapa ti Shadrak, ti Meshak na ti Abed-Nego, ataa zo ni ayeke ti mara wa, wala ti yanga ti kodro wa, fade a yeke fâ ya ti zo ni nduru nduru; fade da ti zo ni aga ndo ti azende. Biani, mbeni nzapa nde ti soo zo na kuâ tongaso ayeke daa pepe.’ ”

Daniel 3:29 ပူးပေါင်းရင်းမြစ်များ

2 Agbia 10:27

Na pekoni, ala kungbi na sese ngbongboro têne so ala leke aluti na nduzu ndali ti Baal so, ala kungbi nga da ti nzapa Baal ni na sese. Ala sara si da ni aga mbeni kabinee ndali ti azo ti lege. Kabinee ni angba ngbii asi laso.

Esdras 6:11

Zo so ake ti sara ye alingbi na ambela so, yanga so mbi mu ayeke so: fade a yeke gboto mbeni yongoro keke ti da ti lo, a yeke kpo ni na nduzu si a yeke bi zo ni na yanga ni. Na pekoni, fade da ti zo ni ayeke ga ndo ti gba ti azende.

Abia (Psaumes) 3:8

KOTA GBIA, londo! Nzapa ti mbi, soo mbi! Biani, mo pika ngbangba ti awato ti mbi kue, mo kungbi pembe ti azo ti sioni.

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Daniel 1:19

Gbia asara lisoro na ala. Na popo ti amaseka-koli so kue, lo wara mbeni zo oko so alingbi na Daniel, Hanania, Mishael na Azaria pepe. Tongaso amaseka-koli ni aga azo ti sarango kua na gbia.

Daniel 1:7

Makonzi ti ambaiwa azia fini iri na ndö ti ala. Lo di iri ti Daniel, Beltasar; lo di iri ti Hanania, Shadrak; lo di iri ti Mishael, Meshak si lo di iri ti Azaria, Abed-Nego.

Daniel 2:17

So Daniel akiri na da ti lo awe, lo tene peko ti tënë ni na amba ti lo Hanania, Mishael na Azaria.

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Daniel 2:49

Daniel ahunda mbeni ye na gbia. Nilaa gbia azia Shadrak, Meshak na Abed-Nego ti sara komandema na ndö ti kodro ti Babilone kue. Me ti Daniel, lo ngba ti lo na yangbo ti gbia.

Daniel 2:5

Gbia akiri tënë na ala, atene: “Mbi mu yanga awe, mbi tene: Tongana ala fa na mbi bango-li ni pepe si ala fa na mbi nda ni pepe, fade a yeke fâ ya ti ala nduru nduru si ada ti ala aga ndo ti azende.

Daniel 3:12

Gbia, ambeni zuife ayeke daa so mo zia ala na li ti akua ti kodro ti Babilone. Azo ni ayeke Shadrak, Meshak na Abed-Nego. Ala ma yanga ti mo pepe: ala ke ti sara na anzapa ti mo, ala ke nga ti voro yanda ti lôro so mo zia ni aluti na nduzu so.”

Daniel 3:15

Fade ala yeke kiri ti ma toto ti tatalita, ti ngoli, ti kete kundi na ti kota kundi, ti kalangba na mara ti angoli nde nde na aye ti sarango na mozoko nde nde. Ala yeke fadeso nduru ti kuku na sese ti voro yanda ti lôro so mbi sara ni so? Tongana ala ke, fade a yeke bi ala biaku na ya ti kota wâ so ayeke za ngangu. Nzapa wa si ayeke zi ala na maboko ti mbi?”

Daniel 3:17

Me ayeke nzoni mo hinga, mo tene, Nzapa ti e so e yeke sara na lo, tongana lo lingbi ti zi e na ya ti kota wâ ni nga na maboko ti mo, fade lo yeke zi e senge.

Daniel 3:28

Nabukodonosor amu tënë si atene: “E mu singila na Nzapa ti Shadrak, ti Meshak na ti Abed-Nego! Lo tokua *ange ti lo ti soo azo ti kua ti lo na kuâ. Ala zia be ti ala kue gi na ndö ti lo si ala ke ti ma yanga ti mbi so mbi yeke gbia. Ala yeda ti mu tere ti ala na kuâ, ahon titene ala sara na mbeni nzapa nde si ala voro mbeni nzapa so ayeke Nzapa ti ala pepe.

Daniel 6:28

Lo yeke zi azo si lo yeke soo azo na kuâ; lo yeke sara aye ti dongo be na aye ti kpene, lo yeke sara ni na yayu nga na sese. Lo laa lo zi Daniel na yanga ti abamara.”

Ndia ti fani use ni 32:31

Me awato ti ala wani ahinga atene, nzapa ti batango ala alingbi na Nzapa ti e pepe.