Daniel 3:26 - Mbeti ti Nzapa - Tënë so amu fini

²⁶ Na pekoni, Nabukodonosor aga nduru na tere ti yanga ti du ti kota wâ ni si lo dekongo, lo tene: “Shadrak, Meshak na Abed-Nego, azo ti kua ti Nzapa so ayeke na ndö ti aye kue, ala sigigi aga ge!” Tongaso Shadrak, Meshak na Abed-Nego alondo na ya ti wâ ni si ala sigigi.

Daniel 3:26 ပူးပေါင်းရင်းမြစ်များ

Tongo nda ti aye 14:18

Melkisedeke, gbia ti kodro ti Salem, aga na mapa na vin. Melkisedeke ayeke wayango-sandaga ti Nzapa, Nzapa so ayeke na yayu kâ na ndö ti aye kue.

1 Agbia 8:51

Biani, ala yeke azo ti mo, ala ga azo ti mo awe, ala so mo sara si ala sigigi na Ezipte, kodro so ala baa ando pasi daa ahon ndoni so.

Esdras 5:11

Ala kiri tënë na e, atene: ‘E yeke azo ti kua ti Nzapa ti yayu na ti sese. E yeke leke kota da so mbeni kota gbia ti Israel asara ni ando si kua ni ahunzi aninga ngu mingi fadeso awe.

Abia (Psaumes) 66:12

Mo yeda si azo ti kpengo na mbarata atambula na ndö ti li ti e. E hon na ya ti wâ, e hon na ya ti ngu, me mo zi e na ya ni ti mu na e kodro so gba ti aye asi singo daa.

Ésaïe 28:16

Ndani laa, tënë so Kota Gbia NZAPA atene ayeke so: “Baa, mbi zia na *Sion têne so mbi tara ni awe, ngangu têne ti gere ti da so a lu ni ngangu. Zo so aluti na ndö ni, fade lo yeke ti pepe.

Ésaïe 52:12

Ti so ni, ala yeke sigigi na loro pepe; ala yeke sigigi na ya ti kodro ni pepe tongana azo ayeke kpe kpengo, ngbanga ti so KOTA GBIA laa ayeke tambula na dawa ti ala; Nzapa ti Israel laa ayeke tambula na peko ti ala.

Jérémie 11:4

Ando, mbi sara si akotara ti ala asigigi na sese ti Ezipte so ayeke tongana kota wâ so a yeke kporo wen na ya ni. Na ndembe ni so, mbi mu yanga na ala, mbi tene: Ala ma tënë ti mbi, ala sara ye so kue mbi mu yanga na ala ti sarango ni. Tongaso, fade ala yeke duti azo ti mbi si mbi, mbi yeke duti Nzapa ti ala.

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Daniel 3:17

Me ayeke nzoni mo hinga, mo tene, Nzapa ti e so e yeke sara na lo, tongana lo lingbi ti zi e na ya ti kota wâ ni nga na maboko ti mo, fade lo yeke zi e senge.

Daniel 4:2

Na mbeni bi, tongana mbi yeke na ndö ti gbogbo ti mbi, mbi baa li ti mbi. Bango-li ni azia mbeto mingi na be ti mbi si be ti mbi angba lakue gi na nduzu ndali ti aye so mbi baa.

Daniel 6:20

Na ndaperere, so ndo angba kâ, gbia alondo si lo gue hio na du ti abamara ni.

Daniel 6:21

So lo yeke ga nduru na du ni, na vundu na be ti lo, lo dekongo ti iri Daniel, lo tene: “Daniel, zo ti kua ti Nzapa so ayeke na fini! Nzapa ti mo so mo ngba ti sara na lo lakue so azi mo na yanga ti abamara ni awe?”

Daniel 7:25

lo yeke tene asioni tënë na tere ti Nzapa so ayeke na yayu kâ na ndö ti aye kue si lo yeke sara ngangu na azo so Nzapa asoro ala. Lo yeke leke na be ti lo ti sanze alango ti nze nga na andia ti azo ti Nzapa. Fade a yeke zia azo ti Nzapa na maboko ti gbia ni na ya ti ngu ota na ndambo.

Awatokua 16:17

Lo mu peko ti e na Paul si lo yeke dekongo, atene: “Azo so ayeke azo ti kua ti Nzapa, lo so lo yeke na yayu kâ na ndö ti aye kue! Ala yeke fa na ala azo, lege titene ala soo kuâ!”

Awatokua 16:37

Me Paul atene: “E yeke azo ti Rome. Azo ti fango ngbanga awara mbeni tënë na li ti e pepe; me ala pika e na le ti azo kue si abi e na da ti kanga. Fadeso ala ye ti zi e na hondengo ni? E ke awe! Ayeke nzoni ala wani aga azi e.”

Awatokua 27:23

Na bi so, mbeni *ange ti Nzapa ti mbi, so mbi yeke sara na lo, asi na mbi

Galasii 1:10

Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.

Josué 3:17

Awayango-sandaga so ayeke yo sanduku ti mbuki ti KOTA GBIA aluti na ndö ti kuru sese na be ti Jourdain. Na ndembe so ala ngba ti luti, azo ti Israel kue ayeke hon, ngu andu gere ti ala pepe, ngbii azo ni kue afâ ngu ti Jourdain ni.

Josué 4:10

Awayango-sandaga so ayeke yo sanduku ti mbuki ni aluti na nduzu taa na be ti Jourdain ngbii azo ni asara ye so kue KOTA GBIA amu yanga na Josué si lo tene peko ni na ala so. Lege so Josué asara ye alingbi na yanga so Moïse amu na lo so laa. Azo ni afâ ngu ni hio.

Aye so Nzapa afa 19:5

Mbeni go alondo na mbage ti mbata ti gbia ni si atene: “Ala azo ti kua ti Nzapa kue, ala akota zo na akete zo, ala so ayeke kpe mbeto ti lo, ala sepela Nzapa!”