Daniel 3:25 - Mbeti ti Nzapa - Tënë so amu fini

²⁵ Gbia akiri atene na ala: “Me mbi baa azo osio so kamba ayeke na tere ti ala pepe, ala yeke tambula taa na be ti wâ; ka oko ayeke na tere ti ala pepe si osio zo ni akpa mbeni nzapa!”

Daniel 3:25 ပူးပေါင်းရင်းမြစ်များ

Mbeti ti Job 1:6

Mbeni lâ, ala so ayeke lango na yayu aga aluti na dawa ti *KOTA GBIA. Satan, lo so ayeke bi tënë na li ti zo, lo nga lo ga na popo ti ala.

Mbeti ti Job 38:7

na ngoi so atongoro ti ndaperere abongbi yanga oko si ayeke he bia, na ngoi so ala so alango na yayu ayeke dekongo na ngia? Mo hinga ni?

Mbeti ti Job 5:19

Fani mingi aye ti ngangu ayeke si na mo, me lo yeke zi mo na ya ni; ti hunzi na ni, lo yeke sara si sioni akiri ti wara mo pepe.

Abia (Psaumes) 34:7

Zo ti mawa adekongo, KOTA GBIA ama lo si lo zi lo na ya ti aye ti ngangu kue.

Amato 30:4

Zo wa laa ague na yayu si lo londo kâ lo zu na sese, zo wa? Zo wa laa agbu pupu laoko na ya ti maboko ti lo, zo wa? Zo wa laa akanga ngu laoko na ya ti bongo ti lo, zo wa? Zo wa laa aleke nda ti sese kue, zo wa? Iri ti lo ayeke nyen? Iri ti molenge ti lo ayeke nyen? Mo hinga ni?

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Jérémie 1:19

Fade ala yeke tiri na mo, me ala yeke hon ndö ti mo pepe, ngbanga ti so mbi yeke na mo ti zi mo na maboko ti ala; so tënë ti yanga ti KOTA GBIA laa.”

Jérémie 1:8

Sara mbeto ti ala pepe, ngbanga ti so mbi yeke na mo; fade mbi yeke zi mo na maboko ti ala.” So tënë ti yanga ti KOTA GBIA laa.

Jérémie 15:21

Fade mbi yeke gboto mo na maboko ti azo ti sioni; mbi yeke zi mo na maboko ti azo so ayeke sara ngangu na zo.”

Daniel 3:18

Ataa lo zi e pepe, o gbia, hinga, mo tene, e yeke sara ande na anzapa ti mo pepe; e yeke voro nga yanda ti lôro so mo zia aluti na nduzu so pepe.”

Daniel 3:24

Li ti gbia Nabukodonosor kue akpe si hio, lo londo na nduzu. Lo hunda awamungo-wango ti lo, lo tene: “E kanga akoli ota na kamba si e bi ala na ya ti wâ pepe?” Awamungo-wango ni akiri tënë na lo, atene: “Gbia, tënë ni laa!”

Daniel 3:28

Nabukodonosor amu tënë si atene: “E mu singila na Nzapa ti Shadrak, ti Meshak na ti Abed-Nego! Lo tokua *ange ti lo ti soo azo ti kua ti lo na kuâ. Ala zia be ti ala kue gi na ndö ti lo si ala ke ti ma yanga ti mbi so mbi yeke gbia. Ala yeda ti mu tere ti ala na kuâ, ahon titene ala sara na mbeni nzapa nde si ala voro mbeni nzapa so ayeke Nzapa ti ala pepe.

Daniel 6:23

Nzapa ti mbi atokua *ange ti lo si ange ni akanga yanga ti abamara ni, ala sara sioni na mbi oko pepe, ngbanga ti so Nzapa abaa so tënë ayeke na li ti mbi pepe, lo baa so mbi sara nga sioni ye oko na mo pepe, gbia ti mbi.”

Marc 16:18

ala yeke gbu angbo na maboko ti ala wala ala yeke nyon sioni yoro, me sioni ye oko ayeke si na ala pepe; ala yeke zia maboko ti ala na ndö ti azo ti kobela si kobela ti azo ni ayeke kai.”

Nzoni Tënë so Luc asu na mbeti 1:35

Ange ni akiri tënë na lo, atene: “Fade Yingo-Vuru ayeke ga na ndö ti mo si ngangu ti Nzapa, lo so lo yeke na yayu kâ na ndö ti aye kue ayeke duti na ndö ti mo tongana gbe ti de. Ndani laa molenge so mo yeke du lo ayeke ga zo so ayeke nde si ayeke nzoni kue; azo ayeke iri lo Molenge ti Nzapa.

Awatokua 28:5

Paul ayingi maboko ti lo si ngbo ni ati na le ti wâ ni, me mbeni ye oko asara lo pepe.

Rome 1:4

Me na lege ti Yingo-Vuru, zingongo ti lo na popo ti akuâ afa na ngangu so lo yeke Molenge ti Nzapa: Jésus Christ, *Kota Gbia ti e.

1 Pierre 3:13

Tongana ala mu be ti ala kue ti sara nzoni ye, zo wa laa alingbi ti sara ye ti sioni na ala, zo wa?