Daniel 3:22 - Mbeti ti Nzapa - Tënë so amu fini

²² Ndali ti so gbia aluti biani na ndö ti yanga so lo mu, azo asara wâ ni si akiri aza ngangu ahon ti so ala yeke sara lakue. Nilaa aturugu so amu Shadrak, Meshak na Abed-Nego si abi ala na ya ti wâ ni, menga ti wâ ni agbi aturugu ni si ala kui.

Daniel 3:22 ပူးပေါင်းရင်းမြစ်များ

1 Agbia 13:28

Lo londo, lo gue, lo wara kuâ ti zo ti Nzapa so ayeke na ndö ti lege. Lele na bamara ayeke luti na tere ti kuâ ni. Bamara ni ate kuâ ni pepe, lo suru nga ya ti lele ni pepe.

Sigingo 12:33

Azo ti Ezipte abaa atene, ala yeke kui kue. Nilaa ala hunda na azo ti Israel ti londo na kodro ti ala hio ti hon.

Amato 11:8

A yeke zi zo ti mbirimbiri na ya ti ye ti ngangu; na plase ti lo, zo ti sioni ati na ya ni.

Amato 21:18

Pasi so alingbi fade ti si na azo ti mbirimbiri nga na azo so sarango ye ti ala ayeke na legeni, fade pasi ni ayeke kiri ti ti na ndö ti azo ti sioni nga na azo ti sarango ye na mayere.

Daniel 1:7

Makonzi ti ambaiwa azia fini iri na ndö ti ala. Lo di iri ti Daniel, Beltasar; lo di iri ti Hanania, Shadrak; lo di iri ti Mishael, Meshak si lo di iri ti Azaria, Abed-Nego.

Daniel 2:15

Daniel ahunda lo, atene: “Gbia amu kpengba mbela tongaso ngbanga ti nyen?” Ariok atene peko ti tënë ni na Daniel.

Daniel 6:24

Ngia asi be ti gbia si lo mu yanga titene a sigigi na Daniel na ya ti du ni. Gi so a sigigi na Daniel na ya ti du ni awe, azo abaa so ka oko ayeke na tere ti lo pepe, ngbanga ti so lo zia be ti lo na ndö ti Nzapa ti lo.

Matthieu 27:5

Tongaso Judas atuku nginza ni na ya ti kota da ti Nzapa si lo sigigi, lo gue. Na pekoni, lo kanga kamba na go ti lo si lo fâ tere ti lo.

Awatokua 12:19

Herode amu yanga titene ala gi lo, me ala wara lo pepe. Tongaso Herode ahunda aturugu ni na nda ti tënë ni si lo mu yanga titene a fâ ala. Na pekoni, Herode alondo na Judée si lo gue, lo duti kete na gbata ti Sezare.