Daniel 3:19 - Mbeti ti Nzapa - Tënë so amu fini

¹⁹ Tongaso be ti Nabukodonosor asi na ngonzo ti wâ si le ti lo abe na tere ti Shadrak, Meshak na Abed-Nego. Lo mu yanga titene a sara wâ ni si akiri aza ngangu fani mbarambara, ahon ti so a yeke sara ka lakue.

Daniel 3:19 ပူးပေါင်းရင်းမြစ်များ

Tongo nda ti aye 31:2

Jacob abaa le ti Laban si lo baa so sarango ye ti Laban na mbage ti lo aga nde na ti kozoni.

Esther 3:5

So Haman abaa biani so Mardochée ake ti kuku na gbe ti lo si ake ti kpo li ti lo na sese, be ti lo asi na ngonzo mingi.

Esther 7:7

Wâ ti ngonzo amu gbia, lo londo hio na ndo so ala yeke sara matanga ni daa so si lo gue na ndo so a lu apendere kongo daa na ya ti yangbo ni. So Haman ahinga atene, gbia aye gi kuâ ti lo, lo ngba na ndo so ti gbu gere ti Esther, wali ti gbia, titene Esther asoo fini ti lo.

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Amato 16:14

Tongana ngonzo asara gbia, lo lingbi ti fâ zo; me zo ti ndara alingbi ti de be ti lo.

Amato 21:24

Zo ti baba so abaa azo tongana mbumbuse ye, a iri lo “zo-ti-hengo-ndo”; sarango ye na kuru baba ahon ndö ti lo.

Ésaïe 51:23

Mbi yeke mu kopo ni na azo so lani ayeke sara pasi na mo. Ala yeke tene lani na mo, atene: ‘Lango na sese, e tambula na ndö ti mo!’ Mo yeke zia lani peko ti mo si aga tongana sese, wala tongana lege so azo ayeke hon daa.”

Daniel 2:12

Gi so gbia ama tënë so, ngonzo alondo na be ti lo tongana wâ. Lo mu yanga titene a fâ azo ti nganga so kue ayeke na Babilone.

Daniel 3:13

Tongaso ngonzo ti wâ alondo na be ti Nabukodonosor si lo mu yanga titene ala ga na lo Shadrak, Meshak na Abed-Nego. Azo aga na ala na dawa ti gbia.

Daniel 3:20

Na pekoni, lo mu yanga na akpengba turugu ti lo ti kanga Shadrak, Meshak na Abed-Nego na kamba titene a bi ala na ya ti kota wâ ni.

Daniel 5:6

le ti lo aga nde si li ti lo kue akpe; ya ti agere ti lo kue akanga si alikunu ti lo ayeke pika tere.

Daniel 6:24

Ngia asi be ti gbia si lo mu yanga titene a sigigi na Daniel na ya ti du ni. Gi so a sigigi na Daniel na ya ti du ni awe, azo abaa so ka oko ayeke na tere ti lo pepe, ngbanga ti so lo zia be ti lo na ndö ti Nzapa ti lo.

Awayango-sandaga 26:18

“Na peko ti aye so kue, tongana ala ma yanga ti mbi pepe, fade mbi yeke kiri ti pika ala ngangu fani mbarambara ndali ti asiokpari ti ala.

Awayango-sandaga 26:21

“Tongana ala ngba ti sara ngangu li na mbi si ala ke ti ma yanga ti mbi, fade mbi yeke kiri ti pika ala ngangu fani mbarambara ndali ti asiokpari ti ala.

Awayango-sandaga 26:24

fade mbi nga, mbi yeke sara ngangu li na ala, mbi yeke kiri ti pika ala fani mbarambara ndali ti asiokpari ti ala.

Awayango-sandaga 26:28

fade mbi nga, na sioni ngonzo na be ti mbi, mbi yeke sara ngangu li na ala; mbi wani, mbi yeke kiri ti pika ala fani mbarambara ndali ti asiokpari ti ala.

Awatokua 5:33

So azo ti fango ngbanga ni ama tënë so, ngonzo agbu ala ahon ndoni si ala ye ti fâ awatokua ni.

Awatokua 7:54

So azo ti *Kota Bongbi ti Fango Ngbanga ni ama tënë so, ngonzo ti ala alondo tongana wâ si ala yeke te pembe ti ala na tere ti Étienne.