Daniel 3:17 - Mbeti ti Nzapa - Tënë so amu fini

¹⁷ Me ayeke nzoni mo hinga, mo tene, Nzapa ti e so e yeke sara na lo, tongana lo lingbi ti zi e na ya ti kota wâ ni nga na maboko ti mo, fade lo yeke zi e senge.

Daniel 3:17 ပူးပေါင်းရင်းမြစ်များ

Tongo nda ti aye 17:1

Abram ayeke na ngu balegumbaya na gumbaya si KOTA GBIA asi na lo; lo tene na lo: “Mbi yeke Nzapa so ngangu ti mbi ahon angangu kue. Tambula na lege so mbi ye; mo sara aye ti mo kue gi na legeni.

Tongo nda ti aye 18:14

Mbeni ye ti kpene so KOTA GBIA alingbi ti sara pepe ayeke daa? Na ngu ti peko, gi na mara ti ngoi so e yeke daa so, na ndembe so mbi yeke kiri ti ga ge, Sara adu molenge-koli awe.”

Mbeti ti Job 34:29

Me tongana Nzapa akanga maboko aduti, zo wa laa ayeke fâ ngbanga na li ti lo? Tongana lo honde le ti lo, zo wa laa alingbi ti baa lo, zo wa? Andaa lo yeke bata kodro nga na azo.

Mbeti ti Job 5:19

Fani mingi aye ti ngangu ayeke si na mo, me lo yeke zi mo na ya ni; ti hunzi na ni, lo yeke sara si sioni akiri ti wara mo pepe.

Abia (Psaumes) 115:3

Nzapa ti e ayeke na yayu, lo yeke sara ye so kue be ti lo aye.

Abia (Psaumes) 37:39

KOTA GBIA laa ayeke soo azo ti mbirimbiri; na ngoi ti ye ti ngangu, lo yeke tongana ngangu gbagba na tere ti ala.

Abia (Psaumes) 37:40

KOTA GBIA ayeke mu maboko na ala, lo yeke zi ala; lo yeke zi ala na maboko ti azo ti sioni si lo yeke soo ala, ngbanga ti so ala kpe na lo ti bata tere ti ala.

Abia (Psaumes) 73:20

Tongana ti so zo abaa li ti lo si na ndaperere, lo girisa ni, Kota Gbia, na ndembe so mo yeke londo, mo yeke sara si azo agirisa ala.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 54:14

Sarango ye ti mbirimbiri ayeke sara si mo luti ngangu. Zo oko ti kiri ti sara ngangu na mo ayeke daa pepe, mbeto ayeke kiri ti sara mo pepe, zo oko ti kiri ti zia mbeto na be ti mo ayeke daa pepe. Mbeni ye ti zia kota mbeto na be ti mo ayeke si nduru na mo pepe.

Jérémie 1:8

Sara mbeto ti ala pepe, ngbanga ti so mbi yeke na mo; fade mbi yeke zi mo na maboko ti ala.” So tënë ti yanga ti KOTA GBIA laa.

Jérémie 15:20

Na dawa ti ala, mbi yeke sara si mo ga tongana mbeni gbagba so a sara na bengba wen, so zo alingbi ti kungbi ni pepe. Fade ala yeke tiri na mo, me ala yeke kinda mo pepe, ngbanga ti so mbi yeke na mo ti soo mo, ti zi mo na maboko ti ala; so tënë ti yanga ti KOTA GBIA laa.

Jérémie 15:21

Fade mbi yeke gboto mo na maboko ti azo ti sioni; mbi yeke zi mo na maboko ti azo so ayeke sara ngangu na zo.”

Daniel 3:26

Na pekoni, Nabukodonosor aga nduru na tere ti yanga ti du ti kota wâ ni si lo dekongo, lo tene: “Shadrak, Meshak na Abed-Nego, azo ti kua ti Nzapa so ayeke na ndö ti aye kue, ala sigigi aga ge!” Tongaso Shadrak, Meshak na Abed-Nego alondo na ya ti wâ ni si ala sigigi.

Daniel 6:16

Me awato ti Daniel akiri aga na loro na ndo ti gbia si ala tene na lo, atene: “Gbia, ayeke nzoni mo hinga, mo tene, na lege ti ndia ti azo ti Medii na ti Perse, tongana gbia asu maboko na gbe ti mbela wala na gbe ti ndia awe, zo alingbi ti mingo ngangu ni pepe.”

Daniel 6:23

Nzapa ti mbi atokua *ange ti lo si ange ni akanga yanga ti abamara ni, ala sara sioni na mbi oko pepe, ngbanga ti so Nzapa abaa so tënë ayeke na li ti mbi pepe, lo baa so mbi sara nga sioni ye oko na mo pepe, gbia ti mbi.”

Daniel 6:27

“Mbi mu yanga na ala kue, mbi tene: Na ya ti kodro so kue ayeke na gbe ti komandema ti mbi, alingbi azo kue akpe mbeto ti Nzapa ti Daniel si ane lo. Biani, lo yeke Nzapa so ayeke na fini, lo ngba lakue lakue. Lengo-gbia ti lo ayeke ngba kpu na kpu, fade ngoi ti lo ti duti gbia ayeke hunzi laoko pepe.

Mishe 7:7

Me ti mbi, mbi yeke baa ndo na mbage ti *KOTA GBIA, mbi yeke ku Nzapa, wasongo mbi; fade Nzapa ti mbi ayeke ma mbi.

Nzoni Tënë so Luc asu na mbeti 1:37

So ti fa atene, ye ti hon ngangu ti Nzapa ayeke daa pepe.”

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Awatokua 21:13

Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

2 Korente 1:10

Lo laa lo zi e na ya ti kuâ, fade lo yeke kiri ti zi e na ya ni. Biani, e zia be ti e ti ku lo, fade lo yeke kiri ti zi e.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

1 Samuel 17:37

David akiri atene: “*KOTA GBIA so azi mbi na maboko ti bamara nga na maboko ti urse so, fade lo yeke zi mbi na maboko ti zo ti Filistii so.” Tongaso, Saul atene na David: “Mo gue, fade KOTA GBIA aduti na mo.”

1 Samuel 17:46

Laso, fade KOTA GBIA ayeke zia mo na maboko ti mbi; mbi yeke fâ mo, mbi yeke fâ li ti mo. Gi laso, fade mbi yeke mu kuâ ti aturugu ti Filistii na andeke ti nduzu nga na anyama ti ngonda titene ala te ni. Tongaso, fade azo ti dunia kue ahinga atene Nzapa ayeke na Israel.