Daniel 3:13 - Mbeti ti Nzapa - Tënë so amu fini

¹³ Tongaso ngonzo ti wâ alondo na be ti Nabukodonosor si lo mu yanga titene ala ga na lo Shadrak, Meshak na Abed-Nego. Azo aga na ala na dawa ti gbia.

Daniel 3:13 ပူးပေါင်းရင်းမြစ်များ

Tongo nda ti aye 4:5

Me lo yamba Kain na sandaga ti lo na ngia pepe. Kain asara ngonzo ngangu mingi si lo yeke kanga ndö ti le ti lo.

Amato 17:12

Tengbingo tere na mama ti mbeni sioni nyama so a zi amolenge ti lo na tere ti lo, so laa ayeke nzoni ahon tengbingo tere na zo so ahinga ndo pepe si sarango aye ti buba ahon ndö ti lo.

Amato 27:3

Têne na mbutu ane; me ngonzo ti zo so li ti lo ayeke daa pepe ane ahon aye use so kue.

Amato 29:22

Zo ti ngonzo asara si papa alondo; zo so be ti lo gi wâ wâ asara si siokpari awu ahon ndoni.

Daniel 1:7

Makonzi ti ambaiwa azia fini iri na ndö ti ala. Lo di iri ti Daniel, Beltasar; lo di iri ti Hanania, Shadrak; lo di iri ti Mishael, Meshak si lo di iri ti Azaria, Abed-Nego.

Daniel 2:12

Gi so gbia ama tënë so, ngonzo alondo na be ti lo tongana wâ. Lo mu yanga titene a fâ azo ti nganga so kue ayeke na Babilone.

Daniel 3:19

Tongaso be ti Nabukodonosor asi na ngonzo ti wâ si le ti lo abe na tere ti Shadrak, Meshak na Abed-Nego. Lo mu yanga titene a sara wâ ni si akiri aza ngangu fani mbarambara, ahon ti so a yeke sara ka lakue.

Matthieu 10:18

Fade azo ni ayeke mu ala ti gue na ala na gbe ti akomanda na agbia ndali ti mbi si ala, adisiple ti mbi, ala yeke tene ye so ala hinga na ndö ti mbi na azo ni nga na azo ti amara nde.

Marc 13:9

Me ti ala, ala sara hange! Fade azo ayeke gue na ala na gbe ti ngbanga; azo ayeke pika ala na ya ti ada ti sambelango Nzapa. Ala yeke luti na le ti agovoronere na agbia ndali ti mbi titene ala tene tënë ti mbi na le ti ala.

Nzoni Tënë so Luc asu na mbeti 21:12

Me kozoni si aye so kue asi, fade azo ayeke gbu ala ti sara ngangu na ala, azo ayeke gue na ala na ya ti ada ti sambelango Nzapa, azo ayeke bi ala na da ti kanga; azo ayeke gue na ala na gbe ti agbia nga na gbe ti agovoronere ndali ti iri ti mbi.

Nzoni Tënë so Luc asu na mbeti 6:11

Ngonzo agbu awafango-ndia na afarizien si ala yeke tene tënë na popo ti ala na ndö ti ye so ala lingbi ti sara na Jésus.

Awatokua 24:24

Ambeni lango na pekoni, Félix na wali ti lo Drusile aga; wali ni ayeke zuife. Félix atokua ti iri Paul titene lo ma tënë so lo yeke tene na ndö ti mabe na Jésus Christ.