Daniel 2:9 - Mbeti ti Nzapa - Tënë so amu fini

⁹ Tongana ala fa na mbi bango-li ni pepe, fade a yeke fâ gi oko ngbanga na li ti ala kue. Ala ma tere ti tene na mbi gi atënë ti mvene na atënë ti handa ti sara si ye ni aga nde. Mbi ye titene ala fa na mbi gi bango-li ni. Tongaso si mbi hinga, mbi tene, ala yeke na ngangu ti fa nda ni na mbi.”

Daniel 2:9 ပူးပေါင်းရင်းမြစ်များ

1 Agbia 22:22

Yingo ni akiri tënë, atene: ‘Fade mbi yeke gue si mbi yeke ga yingo ti mvene na yanga ti awayanga-nzapa kue ti gbia.’ KOTA GBIA atene na lo: ‘So nzoni lege ti handango lo laa; gue, mo sara gi tongaso.’ ”

1 Agbia 22:6

Tongaso gbia ti Israel abongbi awayanga-nzapa nduru na ngbangbo osio si lo hunda ala, lo tene: “Alingbi mbi gue, mbi tiri bira na Ramot, na sese ti Galaad wala mbi zia lege ni?” Ala kiri tënë na lo, atene: “Mo lingbi ti gue senge! Fade Kota Gbia ayeke zia gbata ni na maboko ti mo, gbia.”

Esther 4:11

“Azo ti kua ti gbia kue nga na azo ti akodro-sese oko oko ti gbia kue, ataa koli wala wali ahinga atene, gi ndia oko laa ayeke daa: zo so gbia airi lo pepe si zo ni ague nduru na tere ti gbia na ndo so lo yeke duti ka daa na ya ti yangbo ti lo, gi kuâ laa zo ni ayeke wara. Zo so ayeke ngba na fini ayeke gi zo so gbia ayoro na lo keke ti lo ti gbia so a sara na lôro. Ti mbi, asara laso nze oko so gbia atisa mbi pepe ti gue na tere ti lo.”

Amato 12:19

Taa-tënë ayeke ngba lakue; me tënë ti mvene ayeke ninga gi nzene-ngbonga.

Ésaïe 41:23

Ala fa na e ye so ayeke si gbanda si e hinga, e tene, ala yeke taa anzapa. Ala sara gi mbeni ye ti nzoni wala ti sioni, tongaso si e baa ni si fade e ne ala!

Ésaïe 44:25

Fadeso mbi yeke mingo aye ti dongo be ti azo ti fango nda ti ye na mvene; mbi yeke sara si azo ti bango nda ti aye atene tënë kirikiri. Mbi yeke sara si azo ti ndara akiri na peko; mbi yeke sara si hingango ye ti ala aga buba ye.

Ezekiel 13:17

“Ti mo, *molenge ti zo, mo baa ndo fadeso na mbage ti awali ti kodro ti mo so ayeke tene peko ti tënë ti yanga ti Nzapa so alondo na be ti ala wani. Mo tene peko ti tënë ti yanga ti mbi na tere ti ala.

Ezekiel 13:19

Ala bi buba na tere ti mbi na le ti azo ti mbi ndali ti kete le ti *orze nga ndali ti nduru mapa. Ala yeke tene mvene na azo ti mbi so ayeda ti ma atënë ti mvene ti ala, awali ni. Tongaso ala yeke fâ azo so alingbi na kuâ pepe si ala yeke bata azo so alingbi na kuâ.

Ezekiel 13:6

Aye so ala baa na ya ti mbeni ye tongana bango-li ayeke mvene si bango nda ti aye ti ala ayeke ti handa na azo. Ala yeke tene: ‘So tënë ti yanga ti KOTA GBIA laa’, andaa mbi KOTA GBIA laa, mbi tokua ala pepe. Me ala yeke ku titene mbi sara si tënë ti ala aga taa-tënë!

Daniel 2:16

Daniel ague hio ti baa gbia; lo gue, lo gbu gere ti gbia si gbia alingbi ti zia mbeni ngoi na lo titene lo fa na gbia ni nda ti bango-li ni.

Daniel 2:21

Lo laa lo yeke leke angoi nde nde; lo yeke leke akapa ti aye nde nde; lo yeke tumba agbia na ndö ti mbata si lo yeke zia ala na ndö ti mbata. Lo laa lo yeke mu ndara na azo ti ndara si lo yeke sara titene zo ahinga ndo.

Daniel 2:8

Gbia akiri tënë na ala, atene: “Mbi hinga biani mbi tene, ala yeke gi lege ti wara ngoi, ngbanga ti so ala baa atene, tënë so mbi tene so, mbi luti na ndö ni biani awe.

Daniel 3:15

Fade ala yeke kiri ti ma toto ti tatalita, ti ngoli, ti kete kundi na ti kota kundi, ti kalangba na mara ti angoli nde nde na aye ti sarango na mozoko nde nde. Ala yeke fadeso nduru ti kuku na sese ti voro yanda ti lôro so mbi sara ni so? Tongana ala ke, fade a yeke bi ala biaku na ya ti kota wâ so ayeke za ngangu. Nzapa wa si ayeke zi ala na maboko ti mbi?”

Daniel 5:28

PARSIN aye ti tene ya ni akangbi awe: ya ti kodro ti mo akangbi awe, a mu ni na azo ti Medii na ti Perse.”

Daniel 7:25

lo yeke tene asioni tënë na tere ti Nzapa so ayeke na yayu kâ na ndö ti aye kue si lo yeke sara ngangu na azo so Nzapa asoro ala. Lo yeke leke na be ti lo ti sanze alango ti nze nga na andia ti azo ti Nzapa. Fade a yeke zia azo ti Nzapa na maboko ti gbia ni na ya ti ngu ota na ndambo.

2 Korente 2:17

Azo mingi ayeke mu tënë ti Nzapa ti de buze na ni; e yeke tongana ala pepe. Ti e, Nzapa laa atokua e, nilaa na lege ti gango so e ga oko na Christ, e yeke tene taa-tënë na le ti Nzapa.