Daniel 2:7 - Mbeti ti Nzapa - Tënë so amu fini

⁷ Ti fani use ni, azo ti nganga ni atene na gbia, atene: “Gbia, mo fa na e, azo ti kua ti mo, bango-li ni si e lingbi ti fa nda ni na mo.”

Daniel 2:7 ပူးပေါင်းရင်းမြစ်များ

Zo ti bongbingo azo 10:4

Tongana makonzi ti mo asara ngonzo na tere ti mo, ayeke nzoni mo do ndo ti kua ti mo, mo zia pepe. Be ti mo aduti kpoo, tongaso si mo kanga lege na ambeni sioni sarango ye.

Daniel 2:4

Ala kiri tënë na lo na yanga ti *arameen, atene: “Gbia na nduzu! Mo fa na e, azo ti kua ti mo, bango-li ni si e fa nda ni na mo.”

Daniel 2:8

Gbia akiri tënë na ala, atene: “Mbi hinga biani mbi tene, ala yeke gi lege ti wara ngoi, ngbanga ti so ala baa atene, tënë so mbi tene so, mbi luti na ndö ni biani awe.

Daniel 2:9

Tongana ala fa na mbi bango-li ni pepe, fade a yeke fâ gi oko ngbanga na li ti ala kue. Ala ma tere ti tene na mbi gi atënë ti mvene na atënë ti handa ti sara si ye ni aga nde. Mbi ye titene ala fa na mbi gi bango-li ni. Tongaso si mbi hinga, mbi tene, ala yeke na ngangu ti fa nda ni na mbi.”

Daniel 4:7

So mbi ngba ti lango na ndö ti gbogbo ti mbi, mbi baa li ti mbi tongaso: Mbi baa mbeni keke so aluti taa na be ti sese; keke ni ayo na nduzu ahon ndoni.