Daniel 2:49 - Mbeti ti Nzapa - Tënë so amu fini

⁴⁹ Daniel ahunda mbeni ye na gbia. Nilaa gbia azia Shadrak, Meshak na Abed-Nego ti sara komandema na ndö ti kodro ti Babilone kue. Me ti Daniel, lo ngba ti lo na yangbo ti gbia.

Daniel 2:49 ပူးပေါင်းရင်းမြစ်များ

Esther 2:19

A kiri abongbi amaseka-wali ti fani use ni. Andaa na ngoi ni so, Mardochée ayeke sara kua na yanga ti yangbo ti gbia kâ.

Esther 2:21

Na ngoi ni so, tongana Mardochée ayeke sara kua ti lo na yanga ti yangbo ti gbia kâ, ambaiwa use, Bigtan na Teresh so ayeke azo ti batango yanga ti ada ti lango ti gbia, aleke tënë na hondengo ni ti fâ gbia Zerses. Ala ye ti fâ lo, ngbanga ti so ala baa so lo sara na ala ye ti songo be mingi.

Esther 3:2

Gbia amu yanga titene azo kue akuku akpo li ti ala na sese na gbe ti Haman. Nilaa azo so kue ayeke sara kua na yanga ti yangbo ti gbia ayeke kuku si ayeke kpo li ti ala na sese na gbe ti Haman. Me Mardochée ake ti kuku na gbe ti lo.

Amato 28:12

Tongana azo ti mbirimbiri abaa nzoni, kota ngia ayeke daa; me tongana azo ti sioni asi na kota ndo, azo kue ayeke honde tere ti ala.

Jérémie 39:3

Tongaso aturugu ti kota kamba kue ti gbia ti Babilone ali na ya ti gbata ni si ala duti na yanga ti gbagba so iri ni Ti-be-gbagba. Azo so aduti na ndo so ayeke Nergal-Sareser, kota komanda ti aturugu, lo na Samgar-Nebo, na Sar-Sekim, makonzi ti azo ti kua ti gbia, ala na tanga ti aturugu ti kota kamba kue ti gbia ti Babilone.

Daniel 1:17

Nzapa asara si amaseka-koli osio so ahinga nda ti aye. Lo sara si ala hinga mbeti si ala duti nga na ndara mingi. Ti Daniel, lo hinga nda ti aye so ayeke ga na le ti zo tongana bango-li nga na abango-li kue.

Daniel 1:7

Makonzi ti ambaiwa azia fini iri na ndö ti ala. Lo di iri ti Daniel, Beltasar; lo di iri ti Hanania, Shadrak; lo di iri ti Mishael, Meshak si lo di iri ti Azaria, Abed-Nego.

Daniel 2:17

So Daniel akiri na da ti lo awe, lo tene peko ti tënë ni na amba ti lo Hanania, Mishael na Azaria.

Daniel 3:1

Gbia Nabukodonosor asara yanda so ayeke na lôro: yongo ni na nduzu ayeke metere baleota, konongo ni ayeke metere ota. Lo zia ni aluti na nduzu na lando ti Dura, na kodro ti Babilone.

Daniel 6:2

Darius abaa nzoni titene lo zia amakonzi ngbangbo oko na baleuse titene ala mu maboko na lo ti sara komandema na ndö ti kodro ni.

Amos 5:15

Ala ke ye ti sioni, ala ye ye ti nzoni. Na le ti ngbanga, ala kiri afâ ngbanga na lege ti ndia; e hinga pepe, fade KOTA GBIA, Nzapa so ayeke na ndö ti dunia kue ayeke baa mawa ti tanga ti azo ti sewa ti Joseph.