Daniel 2:48 - Mbeti ti Nzapa - Tënë so amu fini

⁴⁸ Na pekoni, gbia asara si Daniel aga kota zo mingi. Lo mu na lo gba ti anzoni ye, lo zia lo ti sara komandema na ndö ti kodro ti Babilone kue. Lo zia nga lo makonzi na li ti azo ti nganga so kue ayeke na Babilone.

Daniel 2:48 ပူးပေါင်းရင်းမြစ်များ

2 Samuel 19:32

Barzilai, zo ti Rogelim, na sese ti Galaad ague nga na yanga ti ngu ti Jourdain. Lo na gbia afâ ngu ni si gi na yanga ti ngu ni, lo zia gbia ti kiri.

2 Agbia 5:1

Naaman ayeke makonzi ti aturugu ti gbia ti Sirii. Kota zo ti lo aye tënë ti lo mingi si ayeke gonda lo, ngbanga ti so na lege ti lo, Nzapa asara si azo ti Sirii aso benda na ndö ti awato ti ala. Me koli so, ngangu zo ti tiringo bira so, lo yeke zo ti buruma.

Mbeti ti Job 1:3

Lo yeke na ataba saki mbarambara, *azambala saki ota, abagara ti fango na yaka saki oko, amama ti lele ngbangbo oku nga na gba ti azo ti kua. Lo yeke kota zo ahon azo ti mbage ti To kue.

Jérémie 5:5

Tongaso fade mbi yeke gue na mbage ti akota zo si mbi tene tënë na ala. Ala laa ahinga ye so KOTA GBIA aye; ala laa ahinga atënë ti ndia ti Nzapa ti ala.” Me ala kue ayeke gi legeoko: ala ke ti duti na gbe ti komandema ti KOTA GBIA, ala fâ ya ti ye so abongbi ala na Nzapa awe.

Daniel 2:6

Me tongana ala fa na mbi bango-li ni si ala fa na mbi nda ni, fade mbi yeke mu na ala gba ti amatabisi, mbi yeke futa ala si mbi yeke sara titene azo agonda ala mingi. Tongaso, ayeke nzoni ala fa na mbi bango-li ni si ala fa nda ni na mbi.”

Daniel 3:1

Gbia Nabukodonosor asara yanda so ayeke na lôro: yongo ni na nduzu ayeke metere baleota, konongo ni ayeke metere ota. Lo zia ni aluti na nduzu na lando ti Dura, na kodro ti Babilone.

Daniel 3:12

Gbia, ambeni zuife ayeke daa so mo zia ala na li ti akua ti kodro ti Babilone. Azo ni ayeke Shadrak, Meshak na Abed-Nego. Ala ma yanga ti mo pepe: ala ke ti sara na anzapa ti mo, ala ke nga ti voro yanda ti lôro so mo zia ni aluti na nduzu so.”

Daniel 3:30

Na pekoni, gbia akiri azia Shadrak, Meshak na Abed-Nego na kota ndo ahon ti kozo na kodro ti Babilone.

Daniel 4:6

‘Beltasar, mo yeke makonzi na li ti azo ti bango nda ti aye kue; mbi hinga, mbi tene, yingo ti anzapa so ayeke nde si ayeke nzoni kue asi mo singo; mbeni ye ti ndima akara mo pepe. Mbi baa li ti mbi, ayeke nzoni mo fa na mbi nda ni.

Daniel 4:9

Akugbe ni ayeke pendere si ale ni ayeke gbani gbani. Tongaso kobe ayeke daa ndali ti aye kue. Anyama ti ngonda ayeke lango na gbe ni; andeke ti nduzu ayeke sara ada ti ala na tere ti amaboko ni. Aye so kue ayeke na fini ayeke wara kobe gi na lege ti keke ni.

Daniel 5:11

Na ya ti kodro ti mo so, mbeni koli ayeke daa so yingo ti anzapa so ayeke nde si ayeke nzoni kue asi lo singo. Lani so babâ ti mo angba gbia, azo abaa lo tongana zo so le ti lo ahan mingi, so ahinga ye mingi si ayeke na ndara tongana anzapa. Ndani laa, babâ ti mo Nabukodonosor azia lo makonzi na li ti azo ti nganga, azo ti yoro, azo ti mazi na azo ti bango nda ti aye.

Daniel 5:16

Me ti mbi, mbi ma a tene, mo lingbi ti fa nda ti aye so akara azo na nda ti aye so ahonde. Fadeso, tongana mo diko mbeti so si mo fa nda ni na mbi, fade a yeke yu na mo bongo ti agbia so abe bengo; a yeke zia na go ti mo ye ti go so a sara na lôro si mo yeke duti oko ti akota zo ota ti ya ti govoroma ti kodro ni.”

Daniel 5:29

Biaku na pekoni, Baltazar amu yanga na azo ti gbe ti lo titene ala yu Daniel na bongo ti gbia so abe bengo; ala zia na go ti lo ye ti go so ayeke na lôro. Lo mu yanga titene ala to mbela ti tene na azo atene, fade a yeke zia Daniel ti duti oko ti akota zo ota ti ya ti govoroma ti kodro ni.

Daniel 5:7

Lo dekongo ngangu si lo mu yanga titene azo airi azo ti nganga ti Babilone, azo ti mazi, azo ti yoro na azo ti bango nda ti aye ti ga. So azo ti bango nda ti aye ni aga awe, gbia atene na ala, atene: “Zo so ayeke diko mbeti so si lo fa na mbi nda ni, fade a yeke yu na lo bongo ti agbia so abe bengo; a yeke zia na go ti lo ye ti go so ayeke na lôro si lo yeke duti oko ti akota zo ota ti ya ti govoroma ti kodro ni.”

Daniel 8:27

Tongaso, mbi Daniel, mbi woko kue si mbi ti na kobela aninga lango kete. Na pekoni, so tere ti mbi akai awe, mbi kiri na kua so gbia amu na mbi. Mbeto asara mbi mingi ndali ti ye so mbi baa na ya ti mbeni ye tongana bango-li so, ngbanga ti so mbi ma ya ni pepe.”

Wungo ti azo 24:11

So ye ni aga tongaso so, londo mo kiri na kodro ti mo! Mbi tene lani, mbi tene, fade mbi yeke mu gba ti anzoni ye na mo; me KOTA GBIA agbanzi mo na ni awe!”

1 Samuel 17:25

Zo oko oko ayeke tene: “Ala baa koli so ayeke ga so pepe? Lo yeke ga ti gi yanga ti azo ti Israel laa! Zo so ayeke fâ lo, fade gbia ayeke mu na lo gba ti mosoro. Gbia ayeke mu molenge ti lo ti wali ti ga wali ti lo si gbia ayeke zia sewa ti lo afuta lapo mbeni pepe.”

1 Samuel 2:8

Zo so ayeke na ngangu pepe si ayeke lango na ya ti fuku ti sese, KOTA GBIA laa ayeke mu lo na nduzu. Zo ti mawa so ayeke lango na ya ti azende, KOTA GBIA ayeke mu lo ti zia lo na popo ti akota zo. Lo yeke mu azo ti mawa ti zia ala na kota ndo. Agere ti sese ayeke ti KOTA GBIA; lo laa lo leke sese ni na ndö ni.

1 Samuel 25:2

Mbeni koli ayeke na kodro ti Maon. Lo yeke bata anyama ti lo na Karmel; lo yeke na amosoro mingi. Lo yeke na ataba saki ota na angasa saki oko. Lo yeke lani na Karmel titene a fâ kua ti tere ti anyama ti lo.