Daniel 2:47 - Mbeti ti Nzapa - Tënë so amu fini

⁴⁷ Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Daniel 2:47 ပူးပေါင်းရင်းမြစ်များ

Tongo nda ti aye 41:39

Na pekoni, Faraon atene na Joseph: “So Nzapa afa na mo aye so kue so, mbeni zo so ahinga ndo si lo yeke zo ti ndara tongana mo ayeke daa pepe.

2 Agbia 5:15

Lo kiri na tere ti Élisée, lo na azo so kue amu peko ti lo. Lo ga lo luti na dawa ti Élisée si lo tene: “Fadeso mbi hinga, mbi tene, na ndö ti sese kue, taa Nzapa ayeke daa pepe, gi na sese ti Israel oko. Mbi gbu gere ti mo titene mo mu na maboko ti mbi, zo ti kua ti mo, kadoo so mbi yeke mu na mo.”

Mbeti ti Job 12:19

Lo yeke sara si awayango-sandaga atambula gere senge; azo so aduti na ndö ti mbata kpu na kpu, lo yeke kinda ala na sese.

Abia (Psaumes) 136:2

Ala mu singila na Nzapa ti anzapa! – Biani, nzoni be ti lo angba kpu na kpu!

Abia (Psaumes) 136:3

Ala mu singila na Kota Gbia ti akota gbia! – Biani, nzoni be ti lo angba kpu na kpu!

Abia (Psaumes) 72:11

Agbia kue ayeke kuku na gbe ti lo, amara kue ayeke sara kua na lo.

Abia (Psaumes) 82:1

Bia ti Asaf. Nzapa aluti na ya ti bongbi so lo yeke na li ni, lo luti na popo ti anzapa si lo yeke fâ ngbanga:

Abia (Psaumes) 96:4

Biani, KOTA GBIA ayeke kota, lo lingbi titene azo asepela lo mingi! Lo yeke sara ye ti ziango mbeto na be ti zo si lo yeke na ndö ti anzapa kue.

Ezekiel 26:7

“Biani, tënë so mbi Kota Gbia NZAPA, mbi tene ayeke so: Mbi yeke sara titene Nabukodonosor, gbia ti Babilone, kota gbia ti agbia alondo na mbage ti Banga ti ga na tere ti mo, gbata ti Tir. Lo yeke ga na ambarata, apusu ti mbarata, azo ti kpengo na mbarata nga na aturugu gbani gbani.

Daniel 11:36

‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.

Daniel 2:19

Na bi, na ya ti mbeni ye tongana bango-li, Nzapa afa na Daniel nda ti ye ti ndima ni. Tongaso Daniel alondo ti gonda Nzapa so ayeke na yayu;

Daniel 2:22

Lo laa lo yeke fa nda ti ye so ali si ahonde. Lo hinga ye so ayeke na vukongo ndo si lumiere akanga tere ti lo kue.

Daniel 2:28

Me na yayu kâ, mbeni Nzapa ayeke daa so ayeke fa nda ti aye ti ndima. Gbia Nabukodonosor, lo laa lo yeke fa na mo ye so ayeke si gbanda. Baa, ye so mo baa na ya ti bango-li na ndembe so mo yeke na ndö ti gbogbo ti mo so ayeke tongaso:

Daniel 2:29

Gbia, na ndembe so mo yeke na ndö ti gbogbo ti mo, mo gbu li ti mo na ndö ti aye so ayeke si gbanda. Lo so lo yeke fa nda ti aye ti ndima afa na mo awe ye so ayeke si gbanda.

Daniel 2:30

Ti mbi, a fa na mbi nda ti ye ti ndima ni fango; me ayeke ngbanga ti so mbi yeke na ndara mbi hon azo kue pepe. A fa ni na mbi, tongaso si a lingbi ti fa na mo gbia, nda ti bango-li ti mo si mo lingbi ti hinga nda ti ye so mo yeke gi be ti mo daa.

Daniel 2:37

O gbia! Mo yeke gbia ti agbia. Nzapa so ayeke na yayu laa azia mo gbia; lo mu na mo komandema, ngangu na gonda.

Daniel 3:15

Fade ala yeke kiri ti ma toto ti tatalita, ti ngoli, ti kete kundi na ti kota kundi, ti kalangba na mara ti angoli nde nde na aye ti sarango na mozoko nde nde. Ala yeke fadeso nduru ti kuku na sese ti voro yanda ti lôro so mbi sara ni so? Tongana ala ke, fade a yeke bi ala biaku na ya ti kota wâ so ayeke za ngangu. Nzapa wa si ayeke zi ala na maboko ti mbi?”

Daniel 3:28

Nabukodonosor amu tënë si atene: “E mu singila na Nzapa ti Shadrak, ti Meshak na ti Abed-Nego! Lo tokua *ange ti lo ti soo azo ti kua ti lo na kuâ. Ala zia be ti ala kue gi na ndö ti lo si ala ke ti ma yanga ti mbi so mbi yeke gbia. Ala yeda ti mu tere ti ala na kuâ, ahon titene ala sara na mbeni nzapa nde si ala voro mbeni nzapa so ayeke Nzapa ti ala pepe.

Daniel 3:29

Ndani laa, mbi mu yanga fadeso, mbi tene: ‘Zo so ayeke tene sioni tënë ti Nzapa ti Shadrak, ti Meshak na ti Abed-Nego, ataa zo ni ayeke ti mara wa, wala ti yanga ti kodro wa, fade a yeke fâ ya ti zo ni nduru nduru; fade da ti zo ni aga ndo ti azende. Biani, mbeni nzapa nde ti soo zo na kuâ tongaso ayeke daa pepe.’ ”

Daniel 4:17

Mo baa keke so akono si aga ngangu, li ni ague ngbii akpo le ti nduzu si azo ti dunia kue alingbi ti baa ni;

Daniel 4:25

Atënë so kue a tene na ndö ti Nabukodonosor asi gi tongana ti so Daniel afa.

Daniel 4:32

Lo baa azo ti sese kue na le ti lo tongana ye senge, lo yeke sara ye so be ti lo aye na aye so ayeke na yayu nga na azo ti sese. Ye so lo ye ti sara, zo oko alingbi ti kanga lege ni na lo pepe, wala zo oko ti tene na lo: ‘Nyen laa mo yeke sara so?’, zo ni ayeke daa pepe.

Daniel 5:11

Na ya ti kodro ti mo so, mbeni koli ayeke daa so yingo ti anzapa so ayeke nde si ayeke nzoni kue asi lo singo. Lani so babâ ti mo angba gbia, azo abaa lo tongana zo so le ti lo ahan mingi, so ahinga ye mingi si ayeke na ndara tongana anzapa. Ndani laa, babâ ti mo Nabukodonosor azia lo makonzi na li ti azo ti nganga, azo ti yoro, azo ti mazi na azo ti bango nda ti aye.

Amos 3:7

Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

1 Korente 14:25

atënë ti be ti lo asigigi polele si lo yeke kuku na sese ti voro Nzapa; lo yeke tene na yanga ti lo, lo tene: “Nzapa ayeke na popo ti ala biani.”

Ndia ti fani use ni 10:17

Biani, KOTA GBIA Nzapa ti ala ayeke kota mingi, lo hon anzapa kue, lo yeke Kota Gbia mingi lo hon agbia kue; lo yeke kota, lo yeke ngangu mingi si lo yeke zia mbeto na be ti zo. Lo yeke mu mbage ti mbeni zo pepe, zo alingbi ti pete goro na lo pepe.

1 Timothée 6:15

Lo yeke kiri ande na ngoi so Nzapa wani afa. Nzapa oko so ayeke na ndö ti aye kue, azo ayeke tene nzoni tënë ti lo, lo yeke Gbia ti agbia, Kota Gbia ti akota gbia.

Josué 22:22

“Nzapa, Nzapa, KOTA GBIA! Nzapa, Nzapa, KOTA GBIA! Lo yeke Nzapa so ayeke na ndö ti anzapa kue. Lo hinga nda ti ye so e sara. Fade azo ti Israel kue ayeke hinga nda ti ye ni. Tongana e sara ngangu li wala e sara mbeni ye so ayeke sioni mingi ti ke KOTA GBIA, ayeke nzoni lo soo e na lango ni so pepe!

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.

Aye so Nzapa afa 17:14

Fade ala yeke tiri na Molenge ti Taba, me Molenge ti Taba ayeke hon ndö ti ala, ngbanga ti so lo yeke Kota Gbia ti akota gbia si lo yeke Gbia ti agbia. Lo na azo so lo iri ala, lo soro ala si ala yeke azo ti lo, ala yeke hon ndö ti agbia baleoko so.”

Aye so Nzapa afa 19:16

A su iri na ndö ti kota bongo ti lo nga na ndö ti gere ti lo; iri ni ayeke: “Gbia ti agbia, *Kota Gbia ti akota gbia.”