Daniel 2:45 - Mbeti ti Nzapa - Tënë so amu fini

⁴⁵ Mo baa nga têne so zo andu ni oko pepe, alondo na ndö ti hoto abo wen, bengba wen, sese ti sarango na ta, wen ti nginza na lôro ti yanda ni si afâ ya ni kue. Kota Nzapa afa na mo, gbia, ye so ayeke si gbanda. Bango-li ni ayeke taa-tënë biani; nda ni so mbi fa ayeke nga ye so mo lingbi ti zia be ti mo na ndö ni.”

Daniel 2:45 ပူးပေါင်းရင်းမြစ်များ

Tongo nda ti aye 41:26

Anzoni mama ti bagara mbarambara so ayeke ngu mbarambara. Anzoni li ti ble mbarambara so ayeke nga ngu mbarambara. Bango-li ti gbia ayeke gi oko.

Tongo nda ti aye 41:28

Tënë so mbi yeke fade na ni ti tene na gbia Faraon laa: ye so Nzapa aye ti sara si lo fa ni na gbia so.

Tongo nda ti aye 41:32

Tongana Nzapa asara si gbia Faraon abaa li ti lo fani use, ayeke mbeni ye so Nzapa aleke ni awe. Lo yeke sara titene ye ni asi fafadeso.

2 Samuel 7:22

Kota Gbia NZAPA, mo yeke kota; mbeni nzapa ti lingbi na mo ayeke daa pepe. Na ya ti atënë so kue e ma, e ma a tene, mbeni nzapa tongana mo ayeke daa pepe, gi mo oko.

1 Mbai 16:25

Biani, KOTA GBIA ayeke kota, lo lingbi titene azo asepela lo mingi! Lo yeke sara ye ti ziango mbeto na be ti zo si lo yeke na ndö ti anzapa kue.

Néhémie 4:14

Na ndo so kue ala yeke daa, tongana ala ma toto ti didi, ala bongbi na tere ti mbi. Fade Nzapa ti e ayeke tiri bira ndali ti e!”

Néhémie 9:32

Nzapa ti e, mo yeke kota Nzapa, mo yeke ngangu, mo yeke mu mbeto na zo; *mbuki so mo sara na e, mo yeke bata tënë ni mbirimbiri. Ti londo na ngoi ti agbia ti Asirii ngbii asi laso, aye ti ngangu so asi na e wani, agbia ti e na amakonzi ti e, awayango-sandaga na awayanga-Nzapa ti e, akotara ti e na azo ti mo kue, ayeke nzoni mo baa ni tongana senge ye pepe.

Mbeti ti Job 36:26

Biani, Nzapa ayeke kota, me e hinga li ti e daa pepe; e lingbi ti diko wungo ti ngu ti lo pepe.

Abia (Psaumes) 135:5

Biani, mbi hinga so KOTA GBIA ayeke kota; Kota Gbia ti e ayeke na ndö ti anzapa kue.

Abia (Psaumes) 145:3

*KOTA GBIA ayeke kota, lo lingbi titene azo asepela lo gbani gbani; zo alingbi ti hinga nda ti kota ti lo pepe.

Abia (Psaumes) 2:9

Fade mo yeke sara ngangu komandema na ndö ti ala, mo yeke kungbi ala tongana ta ti sese.’ ”

Abia (Psaumes) 48:1

Bia ti azo ti Kore.

Abia (Psaumes) 96:4

Biani, KOTA GBIA ayeke kota, lo lingbi titene azo asepela lo mingi! Lo yeke sara ye ti ziango mbeto na be ti zo si lo yeke na ndö ti anzapa kue.

Ésaïe 28:16

Ndani laa, tënë so Kota Gbia NZAPA atene ayeke so: “Baa, mbi zia na *Sion têne so mbi tara ni awe, ngangu têne ti gere ti da so a lu ni ngangu. Zo so aluti na ndö ni, fade lo yeke ti pepe.

Daniel 2:24

Na pekoni, Daniel alondo ague na ndo ti Ariok, lo so gbia amu yanga na lo titene lo fâ azo ti nganga ti Babilone so. So Daniel asi awe, lo tene na Ariok, lo tene: “Mo fâ azo ti nganga so ayeke na Babilone pepe! Mo gue na mbi na gbe ti gbia, fade mbi yeke fa na lo nda ti bango-li ti lo ni.”

Daniel 2:28

Me na yayu kâ, mbeni Nzapa ayeke daa so ayeke fa nda ti aye ti ndima. Gbia Nabukodonosor, lo laa lo yeke fa na mo ye so ayeke si gbanda. Baa, ye so mo baa na ya ti bango-li na ndembe so mo yeke na ndö ti gbogbo ti mo so ayeke tongaso:

Daniel 2:29

Gbia, na ndembe so mo yeke na ndö ti gbogbo ti mo, mo gbu li ti mo na ndö ti aye so ayeke si gbanda. Lo so lo yeke fa nda ti aye ti ndima afa na mo awe ye so ayeke si gbanda.

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Daniel 8:25

Ndali ti so lo yeke na mayere mingi, lo yeke wara lege ti handa azo. Ndali ti baba so asi be ti lo singo, lo yeke fâ gba ti azo so aduti si ala hinga atene, mbeni sioni ye ayeke ga na ndö ti ala pepe so. Lo yeke londo ti sara bira na Makonzi ti amakonzi. Na ndembe ni so, fade a yeke fâ lo, me zo laa ayeke fâ lo pepe.

Aggée 2:22

Mbi yeke kinda mbata ti agbia si mbi yeke zi ngangu ti akodro-gbia ti amara; mbi yeke kinda apusu ti mbarata na azo ti kpengo na ni; ambarata na azo ti kpengo na ambarata ni ayeke ti. Zo oko oko ayeke fâ mba ti lo na yongoro zeme.

Zakarii 12:3

Biani, na lango ni so, fade mbi yeke sara titene Jérusalem aga tongana mbeni ngbongboro têne ndali ti amara kue; têne so zo alingbi ti yo ni na nduzu pepe. Zo so kue aye ti yo ni, lo yeke wara ka. Tongaso, amara ti sese kue ayeke bongbi oko ti tiri na lo.

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Matthieu 21:24

Jésus akiri tënë na ala: “Mbi nga, mbi yeke hunda ala na mbeni tënë, gi tënë oko. Tongana ala kiri peko ni na mbi, fade mbi yeke di na ala iri ti zo so amu lege na mbi ti sara aye so.

Matthieu 24:35

Fade yayu na sese ayeke hon, me atënë ti mbi ayeke hon oko pepe.”

Nzoni Tënë so Luc asu na mbeti 17:20

*Afarizien ahunda Jésus, atene: “Kodro-gbia ti Nzapa ayeke ga lawa?” Lo kiri tënë na ala, lo tene: “Gango ti Kodro-gbia ti Nzapa ayeke ye so zo ayeke baa ni na le pepe.

Ndia ti fani use ni 10:17

Biani, KOTA GBIA Nzapa ti ala ayeke kota mingi, lo hon anzapa kue, lo yeke Kota Gbia mingi lo hon agbia kue; lo yeke kota, lo yeke ngangu mingi si lo yeke zia mbeto na be ti zo. Lo yeke mu mbage ti mbeni zo pepe, zo alingbi ti pete goro na lo pepe.

Aye so Nzapa afa 1:19

Ye so mo baa ni so, wala ye ti fadeso, wala ye so ayeke si gbanda, mo su tënë ni na mbeti.

Aye so Nzapa afa 19:17

Na pekoni, mbi baa mbeni *ange so ayeke luti na ya ti lâ. Lo dekongo ngangu na andeke so kue ayeke huru yongoro kâ na le ti nduzu, lo tene: “Ala ga abongbi tere ti ala ndali ti kota matanga ti Nzapa!

Aye so Nzapa afa 4:1

Na pekoni, mbi baa mbeni ye nde: mbi baa mbeni yanga ti da so azi na yayu. Mbeni go so mbi ma kozoni si atoto tongana tatalita so, atene na mbi: “Mo ma na nduzu ge; fade mbi yeke fa na mo aye so, alingbi asi na pekoni.”