Daniel 2:40 - Mbeti ti Nzapa - Tënë so amu fini

⁴⁰ Na pekoni, fade mbeni osio kodro so akpengba tongana wen ayeke londo. Tongana ti so wen ayeke fâ ya ti aye kue si ayeke nika aye kue si aga fuku ti sese, fade kodro ni ayeke fâ si ayeke nika akodro so kue ayeke kozo ti lo.

Daniel 2:40 ပူးပေါင်းရင်းမြစ်များ

Mbeti ti Job 9:17

Gi ndali ti kete kete ye, lo yeke nika mbi; lo zia gba ti ka na tere ti mbi senge senge.

Jérémie 15:12

Zo alingbi ti fâ ya ti wen, wen so alondo na Banga so? Zo alingbi ti fâ ya ti bengba wen?”

Daniel 2:33

Agere ni ayeke na wen; agere ni so ayeke do na sese, mbeni mbage ni ayeke na wen si mbeni mbage ni ayeke na sese ti sarango na ta.

Daniel 2:39

Na peko ti mo, fade mbeni kodro ayeke londo; kodro ni ayeke duti na ngangu tongana ti mo pepe. Na pekoni, fade mbeni ota kodro ayeke londo; kodro ni laa ayeke na bengba wen so. Lo yeke sara komandema na ndö ti sese kue.

Daniel 2:41

Mo baa agere ti yanda ni na ali ti gere ni: mbeni mbage ni ayeke na sese ti sarango na ta si mbeni mbage ni ayeke na wen. So aye ti fa atene, fade ya ti kodro ni ayeke kangbi. Fade kodro ni ayeke kpengba kete tongana ti so wen akpengba, ngbanga ti so a bongbi wen na sese ti sarango na ta tongana ti so mo baa.

Daniel 7:7

Na pekoni mbi baa ndo, mbi baa na bi na ya ti mbeni ye tongana bango-li osio nyama ni. Lo yeke mu mbeto mingi na zo, lo yeke taa sioni sioni; ngangu ti lo ahon ndoni. Lo yeke na akota pembe ti wen so lo yeke te na ye, lo yeke suru na ya ti aye kete kete. Aye so lo yeke te ni pepe, lo yeke do na gere ti lo. Lo yeke ti lo nde na akozo nyama ota so; lo yeke na didi baleoko.

Daniel 8:24

Ngangu ti lo ayeke gue ande gi na nduzu, me ngangu ni alondo na lo wani pepe. Lo yeke buba aye sioni; ye so kue lo yeke sara ayeke ga nzoni na lo. Ataa azo ti ngangu na azo so Nzapa asoro ala, lo yeke fâ ala, lo hunzi ala kue.

Daniel 9:26

Na peko ti ngoi baleomene na use so, fade a yeke fâ zo so a tuku mafuta na li ti lo so; zo oko ayeke mu maboko na lo pepe. Na pekoni mbeni makonzi ayeke londo, lo na aturugu ti lo ayeke ga ti buba gbata ni nga na ndo so a zia ni nde ndali ti Nzapa. Me na ndani, lango ti makonzi ni ayeke hunzi na lege ti ngonzo ti Nzapa so ayeke tuku na ndö ti lo. Me lo yeke sara bira ngbii asi na lango ti kuâ ti lo si lo yeke buba ndo kue alingbi na ye so a diko ndali ti lo.

Amos 1:3

Tënë so *KOTA GBIA atene ayeke so: “Mbi yeke na tënë na azo ti Damas ndali ti asioni ye ota, wala osio so ala sara: ala fâ ya ti azo ti Galaad na wen ti dengo ya ti sese. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Jean 11:48

Tongana e ngba ti baa lo bango na aye so lo yeke sara so, fade azo kue ayeke ma na be na lo si akota zo ti Rome ayeke ga ti buba kota da ti Nzapa ti e nga na mara ti e!”