Daniel 2:30 - Mbeti ti Nzapa - Tënë so amu fini

³⁰ Ti mbi, a fa na mbi nda ti ye ti ndima ni fango; me ayeke ngbanga ti so mbi yeke na ndara mbi hon azo kue pepe. A fa ni na mbi, tongaso si a lingbi ti fa na mo gbia, nda ti bango-li ti mo si mo lingbi ti hinga nda ti ye so mo yeke gi be ti mo daa.

Daniel 2:30 ပူးပေါင်းရင်းမြစ်များ

Tongo nda ti aye 41:16

Joseph akiri tënë na Faraon, atene: “Ayeke mbi pepe. Me Nzapa laa ayeke kiri ande tënë na gbia Faraon titene lo duti na siriri.”

Abia (Psaumes) 139:2

Tongana mbi londo, mo hinga; tongana mbi duti, mo hinga. Aye so mbi yeke leke na be ti mbi kâ, mo hinga ni kozoni awe.

Ésaïe 45:4

Ndali ti Jacob, zo ti kua ti mbi, ndali ti Israel so mbi soro lo, mbi iri mo taa na iri ti mo. Ataa so mo hinga mbi pepe, mbi mu nengo na mo.

Daniel 1:17

Nzapa asara si amaseka-koli osio so ahinga nda ti aye. Lo sara si ala hinga mbeti si ala duti nga na ndara mingi. Ti Daniel, lo hinga nda ti aye so ayeke ga na le ti zo tongana bango-li nga na abango-li kue.

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Daniel 2:49

Daniel ahunda mbeni ye na gbia. Nilaa gbia azia Shadrak, Meshak na Abed-Nego ti sara komandema na ndö ti kodro ti Babilone kue. Me ti Daniel, lo ngba ti lo na yangbo ti gbia.

Amos 4:13

Biani, lo laa lo sara akota hoto, lo sara pupu, lo yeke fa na zo aye so lo leke na be ti lo ti sara. Lo yeke sara si lumiere ti ndaperere aga vukongo ndo, lo yeke tambula na ndö ti akota hoto ti sese so: iri ti lo ayeke KOTA GBIA, Nzapa so ayeke na ndö ti dunia kue.

Matthieu 24:22

Tongana Nzapa azi fade ambeni lango ti pasi ni pepe, ka zo oko ti soo kuâ ayeke daa pepe. Me lo zi ambeni lango ni ndali ti azo so lo soro ala.

Marc 13:20

Tongana *Kota Gbia azi fade ambeni lango ni pepe, ka zo oko ti soo kuâ ayeke daa pepe. Me lo zi ambeni lango ni ndali ti azo so lo soro ala ti ga azo ti lo.

Awatokua 3:12

So Pierre abaa azo ni, lo tene na ala: “Azo ti Israel, ngbanga ti nyen laa be ti ala ayeke do ndali ti ye so asi so? Ala yeke baa e kpoo tongaso ngbanga ti nyen? Ala baa ti ala atene, na ngangu ti e wani wala ngbanga ti so e gbu tënë ti Nzapa mingi laa e sara titene koli so atambula?

Rome 8:28

E hinga so, ye kue abongbi ti sara nzoni na azo so aye Nzapa, azo so lo iri ala na lege so be ti lo aye.

2 Korente 4:15

Aye so kue ayeke si na e ndali ti ala titene azo so Nzapa asara nzoni be na ala, wungo ti ala ayeke gue gi na nduzu, tongaso si gba ti azo amu singila na lo si ala gonda lo.