Daniel 2:29 - Mbeti ti Nzapa - Tënë so amu fini

²⁹ Gbia, na ndembe so mo yeke na ndö ti gbogbo ti mo, mo gbu li ti mo na ndö ti aye so ayeke si gbanda. Lo so lo yeke fa nda ti aye ti ndima afa na mo awe ye so ayeke si gbanda.

Daniel 2:29 ပူးပေါင်းရင်းမြစ်များ

Tongo nda ti aye 41:25

Joseph atene na Faraon: “Abango-li ti Faraon so kue ayeke gi na ndö ti ye oko: Nzapa afa na Faraon ye so lo ye ti sara.

Ezekiel 38:10

“Tënë so mbi Kota Gbia NZAPA, mbi tene ayeke so: Na lango ni so, fade atënë mingi mingi ayeke ga na be ti mo; mo yeke leke pialo so ayeke sioni.

Daniel 2:22

Lo laa lo yeke fa nda ti ye so ali si ahonde. Lo hinga ye so ayeke na vukongo ndo si lumiere akanga tere ti lo kue.

Daniel 2:23

Mo, Nzapa ti akotara ti mbi, mbi mu singila na mo, mbi gonda mo! Mo mu na mbi ndara na ngangu. Biani, mo fa na mbi nda ti ye so e hunda na mo. Mo fa na e tënë ti ye so aso be ti gbia so.”

Daniel 2:28

Me na yayu kâ, mbeni Nzapa ayeke daa so ayeke fa nda ti aye ti ndima. Gbia Nabukodonosor, lo laa lo yeke fa na mo ye so ayeke si gbanda. Baa, ye so mo baa na ya ti bango-li na ndembe so mo yeke na ndö ti gbogbo ti mo so ayeke tongaso:

Daniel 2:45

Mo baa nga têne so zo andu ni oko pepe, alondo na ndö ti hoto abo wen, bengba wen, sese ti sarango na ta, wen ti nginza na lôro ti yanda ni si afâ ya ni kue. Kota Nzapa afa na mo, gbia, ye so ayeke si gbanda. Bango-li ni ayeke taa-tënë biani; nda ni so mbi fa ayeke nga ye so mo lingbi ti zia be ti mo na ndö ni.”

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Amos 4:13

Biani, lo laa lo sara akota hoto, lo sara pupu, lo yeke fa na zo aye so lo leke na be ti lo ti sara. Lo yeke sara si lumiere ti ndaperere aga vukongo ndo, lo yeke tambula na ndö ti akota hoto ti sese so: iri ti lo ayeke KOTA GBIA, Nzapa so ayeke na ndö ti dunia kue.