Daniel 2:28 - Mbeti ti Nzapa - Tënë so amu fini

²⁸ Me na yayu kâ, mbeni Nzapa ayeke daa so ayeke fa nda ti aye ti ndima. Gbia Nabukodonosor, lo laa lo yeke fa na mo ye so ayeke si gbanda. Baa, ye so mo baa na ya ti bango-li na ndembe so mo yeke na ndö ti gbogbo ti mo so ayeke tongaso:

Daniel 2:28 ပူးပေါင်းရင်းမြစ်များ

Tongo nda ti aye 40:8

Ala kiri tënë na lo: “E baa li ti e, me zo oko ti fa na e nda ti bango-li ni ayeke daa pepe.” Joseph atene na ala: “Nzapa laa ayeke fa nda ti ye kue na azo pepe? Mbi gbu gere ti ala; ala fa na mbi peko ti bango-li ti ala ni.”

Tongo nda ti aye 41:16

Joseph akiri tënë na Faraon, atene: “Ayeke mbi pepe. Me Nzapa laa ayeke kiri ande tënë na gbia Faraon titene lo duti na siriri.”

Tongo nda ti aye 41:25

Joseph atene na Faraon: “Abango-li ti Faraon so kue ayeke gi na ndö ti ye oko: Nzapa afa na Faraon ye so lo ye ti sara.

Tongo nda ti aye 49:1

Jacob airi amolenge ti lo ti koli si lo tene na ala: “Ala bongbi tere ti ala titene mbi fa na ala ye so ayeke si na ala gbanda.

Abia (Psaumes) 115:3

Nzapa ti e ayeke na yayu, lo yeke sara ye so kue be ti lo aye.

Ésaïe 2:2

Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara nde kue ayeke gue kâ tongana ngu so ayeke sua.

Jérémie 10:7

Mo so mo yeke gbia ti amara kue, zo wa laa alingbi ti kpe mbeto ti mo pepe? So laa alingbi titene azo asara na mo. Na popo ti azo ti ndara ti dunia so nga na ya ti akodro-gbia kue, mbeni zo tongana mo ayeke daa pepe.

Jérémie 30:24

Ngonzo ti wâ ti KOTA GBIA ayeke kai ande pepe, ngbii ye so lo leke na be ti lo ti sara, lo sara ni kue si. Gbanda si ala yeke ma ya ti tënë so nzoni.

Jérémie 48:47

Me mbeni lâ, fade mbi yeke sara titene Moab akiri na kozo ndo ti lo; so tënë ti yanga ti KOTA GBIA laa.” Ngbanga so KOTA GBIA afâ na li ti Moab, tënë ni ahunzi na ndo so.

Ezekiel 28:3

Mo baa ti mo, mo tene, mo yeke na ndara, mo hon Daniel; mbeni tënë ti gbe mingo ti honde na le ti mo ayeke daa pepe.

Ezekiel 38:16

Mo yeke ga ti tiri bira na Israel, azo ti mbi. Mo yeke kanga ndö ti kodro ti ala tongana ti so mbinda ayeke kanga ndö ti sese. Ye ni ayeke si ande na lango ti ndani. Fade mbi yeke tokua mo ti gue ti tiri bira na kodro ti mbi. Tongaso si amara nde ahinga atene, mbi yeke Nzapa so mbi yeke nde si mbi yeke nzoni kue. Mbi yeke fa ye ni na ala na lege ti mo, Gog.

Ezekiel 38:8

Gbanda, ngu mingi na pekoni, mbi yeke tokua mo ti sara bira na kodro ti Israel. Andaa na ngoi ni so, azo ti kodro ni so akpe lani bira, ala yeke bongbi tere ti ala na ndö ti ahoto ti Israel, ahoto so abuba aninga awe. Na peko ti so azo ni agboto tere ti ala na popo ti gba ti amara, ala yeke duti na siriri.

Daniel 1:20

Lakue gbia ayeke hunda na ala atënë so ahunda ndara na hingango ye. Nilaa lo baa amaseka-koli osio so ahinga ye fani baleoko ahon azo ti nganga na azo ti yoro so kue ayeke na ya ti kodro ti lo.

Daniel 10:14

Fadeso mbi ga ti sara si mo hinga ye so ayeke si gbanda na azo ti mo. Baa, ye so mo baa tongana bango-li so ayeke kiri ti duti daa ndali ti alango so.’

Daniel 2:18

Lo hunda na ala titene ala voro tere ti ala na Nzapa so ayeke na yayu titene, na lege ti nzoni be ti lo, lo fa na ala nda ti ye ti ndima so. Tongaso si a bongbi ala na tanga ti azo ti nganga so ayeke na Babilone ti fâ ala pepe.

Daniel 2:22

Lo laa lo yeke fa nda ti ye so ali si ahonde. Lo hinga ye so ayeke na vukongo ndo si lumiere akanga tere ti lo kue.

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Daniel 2:45

Mo baa nga têne so zo andu ni oko pepe, alondo na ndö ti hoto abo wen, bengba wen, sese ti sarango na ta, wen ti nginza na lôro ti yanda ni si afâ ya ni kue. Kota Nzapa afa na mo, gbia, ye so ayeke si gbanda. Bango-li ni ayeke taa-tënë biani; nda ni so mbi fa ayeke nga ye so mo lingbi ti zia be ti mo na ndö ni.”

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Daniel 4:5

Na pekoni Daniel, so mbeni iri ti lo ayeke Beltasar, aga. Beltasar ayeke iri ti nzapa ti mbi so a mu na lo. Yingo ti anzapa so ayeke nde si ayeke nzoni kue asi Daniel singo. Mbi fa bango-li ni na lo, mbi tene:

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Amos 4:13

Biani, lo laa lo sara akota hoto, lo sara pupu, lo yeke fa na zo aye so lo leke na be ti lo ti sara. Lo yeke sara si lumiere ti ndaperere aga vukongo ndo, lo yeke tambula na ndö ti akota hoto ti sese so: iri ti lo ayeke KOTA GBIA, Nzapa so ayeke na ndö ti dunia kue.

Wungo ti azo 24:14

Fadeso, mbi yeke kiri na kodro ti mbi. Ga, mbi fa na mo kozoni ye so azo ti Israel ayeke sara ande na azo ti kodro ti mo na ya ti alango so ayeke ga.”

Matthieu 6:9

Lege so alingbi ala sambela na ni ayeke tongaso: ‘Babâ ti e so mo yeke na yayu, ayeke nzoni azo ane iri ti mo so ayeke nde si ayeke nzoni kue;

Ndia ti fani use ni 31:19

Fadeso, Moïse mo na Josué, ala su bia so na mbeti. Ti mo Moïse, mo fa bia ni na azo ti Israel; mo sara kue titene ala manda ni, bia ni angba na yanga ti ala si aga bia so ayeke fa asioni ti ala na le ti ala.

Ndia ti fani use ni 4:30

Gbanda, tongana ye so kue mbi tene tënë ni na ala so asi na ala si ye ti vundu asi na ala, ala yeke kiri na mbage ti KOTA GBIA Nzapa ti ala si ala yeke ma yanga ti lo.

2 Timothée 3:1

Ayeke nzoni mo hinga ye so: na ya ti alango ti ndani, fade angoi ayeke ga ngangu.

Ahebro 1:1

Ando, Nzapa atene tënë fani mingi na akotara ti e na lege nde nde; lo zia tënë ni na yanga ti awayanga-Nzapa si ala tene.

2 Pierre 3:3

Kozo ye so mbi ye ala hinga ayeke so: na ya ti alango ti ndani, azo so ayeke sara ye na lege ti asioni nzara ti be ti ala wani ayeke ga. Azo ni ayeke he ala,

Aye so Nzapa afa 1:1

Mbeti so afa tënë ti aye so Jésus Christ afa na Jean na ya ti mbeni ye tongana bango-li. Nzapa amu lege na Christ ti fa ni si azo ti kua ti lo ahinga ye so Nzapa aleke titene asi fafadeso. Christ atokua *ange ti lo ti fa ye ni na Jean.