Daniel 2:26 - Mbeti ti Nzapa - Tënë so amu fini

²⁶ Gbia atene na Daniel, so mbeni iri ti lo ayeke Beltasar, atene: “Mo lingbi ti fa na mbi bango-li ni si mo fa nga na mbi nda ni?”

Daniel 2:26 ပူးပေါင်းရင်းမြစ်များ

Tongo nda ti aye 41:15

Faraon atene na Joseph: “Mbi baa li ti mbi, me zo oko ti fa na mbi nda ti bango-li ni ayeke daa pepe. Mbi ma tënë ti mo. Azo atene na mbi atene, mo lingbi ti fa nda ti bango-li na zo so atene bango-li ti lo na mo senge.”

Daniel 1:7

Makonzi ti ambaiwa azia fini iri na ndö ti ala. Lo di iri ti Daniel, Beltasar; lo di iri ti Hanania, Shadrak; lo di iri ti Mishael, Meshak si lo di iri ti Azaria, Abed-Nego.

Daniel 4:8

Keke ni angba ti kono si akpengba: li ni ague ngbii akpo le ti nduzu si azo ti dunia kue alingbi ti baa ni.

Daniel 5:12

Azo abaa lo tongana zo so ahinga ndo ahon azo mingi, so ahinga nda ti aye si ayeke na ndara so ayeke nde; lo lingbi ti fa nda ti abango-li, nda ti aye so ahonde na nda ti aye so akara azo. Ala iri Daniel ni aga, lo so gbia adi iri ti lo Beltasar so. Fade lo yeke fa na mo nda ti mbeti so a su na tere ti dere ti da so.”

Daniel 5:16

Me ti mbi, mbi ma a tene, mo lingbi ti fa nda ti aye so akara azo na nda ti aye so ahonde. Fadeso, tongana mo diko mbeti so si mo fa nda ni na mbi, fade a yeke yu na mo bongo ti agbia so abe bengo; a yeke zia na go ti mo ye ti go so a sara na lôro si mo yeke duti oko ti akota zo ota ti ya ti govoroma ti kodro ni.”

Daniel 7:1

Na ya ti kozo ngu so Baltazar ayeke gbia ti Babilone, Daniel abaa li ti lo na ndembe so lo ngba ti lango na ndö ti gbogbo ti lo. Na ya ti bango-li ni, aye aga na li ti lo si lo baa ni na ya ti mbeni ye tongana bango-li. Na pekoni lo su ni na mbeti si lo fa gi amama ti tënë ni.

1 Samuel 17:33

Saul atene na David: “Mo lingbi ti gue ti tiri bira na zo ti Filistii so pepe. Mo yeke gi kete molenge; me lo, lo yeke mbeni zo so ato nda ti tiri bira ngbene ye so lo de maseka.”