Daniel 2:22 - Mbeti ti Nzapa - Tënë so amu fini

²² Lo laa lo yeke fa nda ti ye so ali si ahonde. Lo hinga ye so ayeke na vukongo ndo si lumiere akanga tere ti lo kue.

Daniel 2:22 ပူးပေါင်းရင်းမြစ်များ

Tongo nda ti aye 41:16

Joseph akiri tënë na Faraon, atene: “Ayeke mbi pepe. Me Nzapa laa ayeke kiri ande tënë na gbia Faraon titene lo duti na siriri.”

Mbeti ti Job 12:22

Ye so ahonde na ya ti vukongo ndo, lo yeke sigigi na ni polele; ye so ayeke na ndo so avuko pitipiti, lo yeke fa ni na gigi polele.

Mbeti ti Job 26:6

Ndo ti akuâ ayeke polele na le ti Nzapa; *kota du so alinda mingi so, mbeni ye ti honde ni na le ti lo ayeke daa pepe.

Abia (Psaumes) 104:2

vurungo ndo akanga tere ti mo tongana kota bongo; mo gbara ayayu tongana ti so zo ayeke gbara da ti bongo;

Abia (Psaumes) 25:14

KOTA GBIA ayeke fa tënë ti be ti lo na azo so ayeke kpe mbeto ti lo; lo yeke fa nga na ala tënë ti mbuki ti lo.

Abia (Psaumes) 36:9

Anzoni kobe asi singo na ya ti da ti mo, azo ayeke te ni ya ti ala asi; anzerengo ye ti mo ayeke tongana ngu ti *bale, azo ayeke nyon na ngia.

Zo ti bongbingo azo 8:1

Zo wa laa ayeke tongana zo ti ndara? Zo wa laa ahinga ti fa nda ti tënë so: “Ndara ti zo asara si ndö ti le ti lo aza zango si kangango ndö ti le ti lo ahon”?

Ésaïe 41:22

Ala ga, ala tene na e ye so ayeke si ande. Ye so ahon awe, ala fa na e, ye ni ayeke lani tongana nyen? Fade e yeke gbu li ti e daa si e yeke baa ye so ayeke si na pekoni. Wala ala fa na e ye ti kekereke si e hinga ye so ayeke si ande.

Ésaïe 41:26

Zo wa laa afa tënë ni na tongo nda ni titene e hinga ni, zo wa? Zo wa laa afa tënë ni giriri si e tene: ‘Tënë ni ayeke taa-tënë’? Zo oko afa tënë ni pepe, zo oko azi yanga pepe, zo oko ama nga tënë ti ala pepe.

Ésaïe 42:9

Akozo ye so asi ahon awe. Fadeso, mbi yeke kiri ti fa na ala afini ni. Kozo si ye ni asi, mbi yeke tene tënë ni na ala.

Ésaïe 45:7

Mbi yeke sara vurungo ndo, mbi yeke sara vukongo ndo. Mbi yeke sara si ye aga nzoni, mbi yeke sara si mawa aga. Mbi laa mbi yeke KOTA GBIA so mbi yeke sara aye so kue.

Jérémie 23:24

Tongana mbeni zo ahonde tere ti lo, mbi lingbi ti baa lo pepe? So tënë ti yanga ti KOTA GBIA laa. Mbi yeke na ndo kue: ataa na yayu wala na sese; ala hinga tongaso pepe? So tënë ti yanga ti KOTA GBIA laa.”

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Daniel 2:11

Ye so mo hunda so ayeke ngangu mingi. Zo oko ti fa tënë ni na gbia ayeke daa pepe. Gi anzapa si alingbi ti fa ni; me ndo ti lango ti ala ayeke na popo ti azo ti sese pepe.”

Daniel 2:19

Na bi, na ya ti mbeni ye tongana bango-li, Nzapa afa na Daniel nda ti ye ti ndima ni. Tongaso Daniel alondo ti gonda Nzapa so ayeke na yayu;

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Daniel 5:11

Na ya ti kodro ti mo so, mbeni koli ayeke daa so yingo ti anzapa so ayeke nde si ayeke nzoni kue asi lo singo. Lani so babâ ti mo angba gbia, azo abaa lo tongana zo so le ti lo ahan mingi, so ahinga ye mingi si ayeke na ndara tongana anzapa. Ndani laa, babâ ti mo Nabukodonosor azia lo makonzi na li ti azo ti nganga, azo ti yoro, azo ti mazi na azo ti bango nda ti aye.

Daniel 5:14

Mbi ma a tene, mo yeke zo so yingo ti anzapa asi mo singo; mo hinga ndo mingi, mo hinga ye mingi si mo yeke na ndara so ambeni zo ayeke na ni pepe.

Matthieu 13:13

Ndani laa mbi yeke tene tënë na azo ni na lege ti toli, ngbanga ti so ala yeke baa ndo, me ala yeke baa ye pepe; ala yeke ma ndo, me ala yeke ma ya ti atënë ni pepe, ala yeke ma nga mbeni ye oko pepe.

Jean 1:9

Tënë ni ayeke taa lumiere so aga na ndö ti dunia so; lo za si zo oko oko abaa ndo polele.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

Efeze 3:5

Na ya ti angoi so ahon, Nzapa afa tënë ni na azo pepe; me fadeso, na lege ti Yingo ti lo, lo fa tënë ni na *awatokua ti lo nga na awayanga-Nzapa so lo zia ala nde ndali ti lo.

Ndia ti fani use ni 29:28

Aye so angba na hondengo ni ayeke ti KOTA GBIA Nzapa ti e. Me aye so a sigigi na nda ni ayeke ti e na *ahale ti e kpu na kpu. Tongaso, alingbi e sara ye alingbi na atënë ti ndia so kue.

1 Timothée 6:16

Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Jacques 1:17

Nzoni ye so kue zo ayeke wara gi senge senge na matabisi so kue ayeke nzoni alondo na yayu, na maboko ti Nzapa, lo so lo sara ye so kue ayeke su na le ti nduzu. Lo yeke sanze pepe, lo yeke yingi pepe si vukongo ndo ayeke na mbage ti lo oko pepe, tongana lo turne tere ti lo.

1 Jean 1:5

Tënë so e ma na yanga ti lo si e yeke fa peko ni na ala ayeke so: Nzapa ayeke lumiere, vukongo ndo ayeke na ya ti lo oko pepe.