Daniel 2:20 - Mbeti ti Nzapa - Tënë so amu fini

²⁰ lo tene: “E mu singila na Nzapa; e mu singila na lo ngbene ye kpu na kpu, lakue lakue! Biani, ndara na ngangu ayeke ti lo.

Daniel 2:20 ပူးပေါင်းရင်းမြစ်များ

Tongo nda ti aye 14:20

E gonda Nzapa so ayeke na yayu kâ na ndö ti aye kue, lo so lo sara titene awato ti mo ati na maboko ti mo so.” Abram amu na lo *dime ti aye so kue lo yeke na ni.

1 Agbia 8:56

“Mbi mu singila na KOTA GBIA so amu siriri na azo ti lo, azo ti Israel, alingbi na zendo so lo mu. Biani, anzoni tënë so kue lo tene ando na lege ti Moïse, zo ti kua ti lo, mbeni oko angba senge pepe.

1 Mbai 29:20

Na pekoni, David atene na bongbi ti azo ni: “Ala mu singila na KOTA GBIA, Nzapa ti ala.” Tongaso, azo ni kue amu singila na KOTA GBIA, Nzapa ti akotara ti ala. Ala kuku akpo li ti ala na sese na dawa ti KOTA GBIA nga na dawa ti gbia.

2 Mbai 20:21

Na pekoni, Yosafat na azo ni ama tere si lo zia azo ti hengo bia ti mu li ti tambula ti aturugu; ala yu bongo so a zia nde ndali ti KOTA GBIA si ala yeke he bia ti sepela na lo, atene: “Ala sepela KOTA GBIA, ngbanga ti so nzoni be ti lo angba kpu na kpu!”

Néhémie 9:5

Na pekoni, azo ti mara ti Lévi Yeshua, Kadmiel, Bani, Hashabeneya, Sherebia, Hodia, Shebania na Petahia atene na azo ni, atene: “Ala londo! Ala mu singila na KOTA GBIA Nzapa ti ala lakue lakue, kpu na kpu!” “*KOTA GBIA, ayeke nzoni zo oko oko amu singila na mo, ngbanga ti so iri ti mo alingbi na gonda! Iri ti mo ayeke kota ahon tënë so kue zo alingbi ti tene ti mu singila na mo nga ti sepela mo!

Mbeti ti Job 12:13

Andaa ndara na ngangu ayeke ti Nzapa; wango na hingango nda ti ye ayeke ti lo.

Abia (Psaumes) 113:1

Aleluya! Ala azo ti kua ti *KOTA GBIA, ala sepela! Ala sepela iri ti KOTA GBIA!

Abia (Psaumes) 113:2

Ayeke nzoni azo amu singila na KOTA GBIA, ti londo fadeso ti gue na ni, kpu na kpu!

Abia (Psaumes) 115:18

Me ti e, e yeke mu singila na KOTA GBIA ti londo fadeso ti gue na ni, kpu na kpu. Aleluya!

Abia (Psaumes) 147:5

KOTA GBIA ti e ayeke kota, lo yeke na ngangu mingi; nda ti hingango ye ti lo ayeke daa pepe.

Abia (Psaumes) 41:13

Mo gbu mbi awe, mbi ngba na nduzu, mo mu na mbi nzoni tere awe; mo sara si mbi ngba na dawa ti mo kpu na kpu.

Abia (Psaumes) 50:23

Zo so sandaga ti lo ayeke singila so lo mu na mbi, lo laa lo yeke zo ti gondango mbi. Zo so abata lege ti lo mbirimbiri, mbi yeke fa na lo so mbi yeke wasongo- azo.

Abia (Psaumes) 62:11

Ala zia be ti ala na ndö ti sarango ngangu na azo pepe, ala zia be ti ala na ndö ti aye so ala gbu na ngangu pepe. Tongana ala wara mosoro mingi, ala zia be ti ala na ndö ni pepe.

Amato 8:14

Kua ti mbi ayeke ti mu wango na azo; mbi yeke mu lege na ala ti sara aye ti ala nzoni. Mbi laa mbi yeke hingango nda ti aye; ngangu ayeke ti mbi.

Jérémie 32:19

Apialo ti mo ayeke kota; na lege ti ngangu ti mo, mo yeke sara si apialo ni abaa gigi. Ye so azo ayeke sara, mo yeke baa ni kpoo. Tongaso, mo yeke sara na zo oko oko alingbi na lege ti dutingo ti lo nga na lengo ti sarango ye ti lo.

Ezekiel 28:3

Mo baa ti mo, mo tene, mo yeke na ndara, mo hon Daniel; mbeni tënë ti gbe mingo ti honde na le ti mo ayeke daa pepe.

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Jude 1:24

Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.

Aye so Nzapa afa 5:12

Ala yeke dekongo, atene: “Taba so azo afâ lo, lo lingbi titene azo asepela lo ndali ti ngangu, na mosoro, na ndara, na komandema ti lo; lo lingbi titene azo ane lo, agonda lo si avoro lo!”