Daniel 2:18 - Mbeti ti Nzapa - Tënë so amu fini

¹⁸ Lo hunda na ala titene ala voro tere ti ala na Nzapa so ayeke na yayu titene, na lege ti nzoni be ti lo, lo fa na ala nda ti ye ti ndima so. Tongaso si a bongbi ala na tanga ti azo ti nganga so ayeke na Babilone ti fâ ala pepe.

Daniel 2:18 ပူးပေါင်းရင်းမြစ်များ

Tongo nda ti aye 18:28

E hinga pepe, azo ti mbirimbiri ni ayeke baleoku pepe si ala yeke gi baleosio na oku. Ndali ti azo oku so ayeke daa pepe so, mo yeke buba gbata ni kue?” KOTA GBIA akiri tënë, atene: “Tongana mbi wara azo ti mbirimbiri baleosio na oku, mbi yeke buba gbata ni pepe.”

Abia (Psaumes) 136:26

Ala mu singila na Nzapa ti yayu! – Biani, nzoni be ti lo angba kpu na kpu!

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 91:15

Tongana lo iri mbi, fade mbi yeke kiri tënë na lo, mbi yeke duti na tere ti lo na ya ti ye ti ngangu so asi na lo; mbi yeke zi lo na ya ti ye ti sioni si mbi yeke sara titene a gonda lo.

Ésaïe 37:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Ezekiel 36:37

“Tënë so mbi Kota Gbia NZAPA, mbi tene ayeke so: Mbi yeke kiri ti zia lege na azo ti Israel ti gi mbi si mbi yeke sara ye ndali ti ala; mbi yeke sara titene ala kiri awu mingi tongana bongbi ti ataba.

Daniel 2:23

Mo, Nzapa ti akotara ti mbi, mbi mu singila na mo, mbi gonda mo! Mo mu na mbi ndara na ngangu. Biani, mo fa na mbi nda ti ye so e hunda na mo. Mo fa na e tënë ti ye so aso be ti gbia so.”

Daniel 3:17

Me ayeke nzoni mo hinga, mo tene, Nzapa ti e so e yeke sara na lo, tongana lo lingbi ti zi e na ya ti kota wâ ni nga na maboko ti mo, fade lo yeke zi e senge.

Daniel 4:26

Nze baleoko na use na pekoni, gbia ayeke tambula na ndö ti yangbo ti lo so ayeke na Babilone.

Jonas 1:9

Jonas akiri tënë na ala, atene: “Mara ti mbi ayeke hebro; mbi yeke voro KOTA GBIA, Nzapa so ayeke na yayu, lo so asara kota ngu-ingo nga na sese.”

Malashii 3:18

Fade ala yeke kiri ti hinga kangbi so ayeke na popo ti zo ti mbirimbiri na zo ti sioni; kangbi so ayeke na popo ti zo so ayeke sara kua ti Nzapa na zo so ayeke sara kua ti lo pepe.

Matthieu 18:12

“Ti be ti ala, tongana mbeni zo ayeke na ataba ngbangbo oko si mbeni oko agirisa, lo yeke zia atanga ni balegumbaya na gumbaya na li ti hoto ti gue ti gi lo so agirisa so pepe?

Matthieu 18:19

“Mbi kiri mbi tene na ala: tongana azo use na popo ti ala na sese so ama tere ti hunda mbeni ye na lege ti sambela, ataa nyen, fade Babâ ti mbi so ayeke na yayu ayeke mu ye ni na ala.

Awatokua 12:4

So a gbu Pierre awe si a bi lo na da ti kanga awe, aturugu baleoko na omene akangbi ya ti ala osio osio ti bata lo. Herode aleke na be ti lo ti ga na lo na le ti azo kue ti fâ ngbanga ti lo na peko ti *matanga ti Pake.

Rome 15:30

A-ita, na iri ti *Kota Gbia ti e Jésus Christ nga na lege ti ndoye so Yingo ayeke mu na e: mbi hunda na ala mingi ti bongbi oko na mbi ti tiri bira na lege ti sambelango Nzapa ndali ti mbi.

2 Pierre 2:9

so ti tene, *Kota Gbia alingbi ti zi azo so amu tere ti ala kue na lo na ya ti ye ti tarango be si lo yeke bata azo ti kirikiri ti fâ ngbanga na li ti ala na lango ti fango ngbanga.

1 Samuel 17:37

David akiri atene: “*KOTA GBIA so azi mbi na maboko ti bamara nga na maboko ti urse so, fade lo yeke zi mbi na maboko ti zo ti Filistii so.” Tongaso, Saul atene na David: “Mo gue, fade KOTA GBIA aduti na mo.”