Daniel 12:7 - Mbeti ti Nzapa - Tënë so amu fini

⁷ Lo so ayu bongo ti len si ayeke luti na ndö ti ngu so ayoro maboko ti lo use kue na nduzu. Lo deba yanga ti lo, lo tene: ‘Na iri ti KOTA GBIA so ayeke na fini lakue lakue, mbi deba yanga ti mbi, mbi tene: aye so ayeke ninga ande ngu ota na ndambo. Tongana a zi ngangu kue ti azo ti Nzapa awe si fade aye ni so ayeke hunzi.’

Daniel 12:7 ပူးပေါင်းရင်းမြစ်များ

Mbeti ti Job 27:2

Mbi deba na iri ti Nzapa so ayeke na fini! Lo laa lo ke ti fâ ya ti ngbanga ti mbi na legeni. Mbi deba na iri ti lo so ngangu ti lo ahon angangu kue! Lo laa lo sara si vundu asi singo na be ti mbi.

Ésaïe 62:12

Fade a yeke iri ala: “Azo so ayeke nde si ayeke nzoni kue, azo so KOTA GBIA azi ala awe”. Ti mo Jérusalem, azo ayeke kiri ti iri mo pepe, atene: “Gbata so azo ado azia”, me ala yeke iri mo, atene: “Gbata so be ti Nzapa aye”.

Jérémie 4:2

Tongana mo deba yanga ti mo na lege ti taa-tënë nga na lege ti tënë so ayeke na legeni si ayeke mbirimbiri, mo tene: ‘KOTA GBIA ayeke na fini’, fade amara nde ayeke sara tufa na ndö ti ala wani na lege ti lo si ala yeke pika kate ti ala ndali ni.

Ezekiel 20:5

Mo tene na ala, mo tene: Tënë so Kota Gbia NZAPA atene ayeke so: Na lango so mbi soro Israel, mbi yoro maboko ti mbi na nduzu, mbi deba yanga ti mbi na *ahale ti sewa ti Jacob. Mbi sara si ala hinga mbi na sese ti Ezipte; mbi yoro maboko ti mbi na nduzu, mbi deba yanga ti mbi na ala, mbi tene: ‘Mbi yeke KOTA GBIA, Nzapa ti ala.’

Daniel 10:5

So mbi yo le ti mbi na nduzu, mbi baa mbeni zo aluti, lo yu bongo ti *len si kamba ti ndö ti bongo ti lo ayeke na lôro ti nzoni ni.

Daniel 11:13

Gbia ti Banga ayeke kiri ti bongbi aturugu gbani gbani ahon ti kozo. Na peko ti ngu mingi, lo yeke mu gba ti aturugu na akungba ti bira mingi ti ga na ni.

Daniel 12:6

Mbeni oko atene na lo so ayu bongo ti *len si lo luti na ndö ti ngu so, atene: ‘Aye ti kpene so ayeke hunzi lawa?’

Daniel 12:8

“Mbi Daniel, mbi ma tënë so, me mbi hinga nda ni pepe. Ndani laa mbi hunda ndo, mbi tene: ‘Babâ, aye so kue ayeke hunzi ande tongana nyen?’

Daniel 4:31

“So ngoi ni so ahon awe, mbi Nabukodonosor, mbi yo le ti mbi na nduzu si ndara ti mbi ti zo akiri daa. Mbi mu singila na Nzapa so ayeke na yayu kâ na ndö ti aye kue, mbi sepela lo si mbi gonda lo so angba lakue lakue: lo yeke gbia lakue lakue, kodro ti lo ayeke ngba kpu na kpu.

Daniel 4:34

Ndani laa, fadeso mbi Nabukodonosor, mbi sepela, mbi ya iri si mbi gonda gbia so ayeke na yayu! Aye so kue lo yeke sara ayeke na legeni; asarango ye ti lo kue ayeke mbirimbiri. Lo yeke na ngangu ti sara si azo ti baba aga akete zo.”

Daniel 7:21

Mbi ngba ti baa ndo, mbi baa didi ni ayeke sara bira na azo so Nzapa asoro ala si lo yeke nduru ti kinda ala na ya ti bira ni.

Daniel 7:25

lo yeke tene asioni tënë na tere ti Nzapa so ayeke na yayu kâ na ndö ti aye kue si lo yeke sara ngangu na azo so Nzapa asoro ala. Lo yeke leke na be ti lo ti sanze alango ti nze nga na andia ti azo ti Nzapa. Fade a yeke zia azo ti Nzapa na maboko ti gbia ni na ya ti ngu ota na ndambo.

Daniel 8:14

Kozo ange ni akiri tënë na lo: ‘Alingbi lakui na ndaperere saki use na ngbangbo ota ahon si. Na pekoni, fade a yeke sara titene ndo so a zia ni nde ndali ti Nzapa akiri aga tongana ti kozo.’ ”

Daniel 8:24

Ngangu ti lo ayeke gue ande gi na nduzu, me ngangu ni alondo na lo wani pepe. Lo yeke buba aye sioni; ye so kue lo yeke sara ayeke ga nzoni na lo. Ataa azo ti ngangu na azo so Nzapa asoro ala, lo yeke fâ ala, lo hunzi ala kue.

Nzoni Tënë so Luc asu na mbeti 21:14

Ala leke na be ti ala biani ti gi be ti ala kozoni pepe ndali ti tënë so ala yeke tene ti gbu koko ti ala.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Ndia ti fani use ni 26:19

Biani, KOTA GBIA Nzapa ti ala aye ti mu iri ti ala na nduzu, ti ne ala, ti sara titene ala wara gonda ahon tanga ti amara so kue lo sara ala. Lo ye titene ala ga azo ti lo wani so ayeke nde si ayeke nzoni kue, tongana ti so lo tene na ala.

Ndia ti fani use ni 32:36

Biani, fade KOTA GBIA ayeke fâ ngbanga ti azo ti lo, lo yeke baa mawa ti azo ti kua ti lo na ndembe so lo yeke baa so ngangu ti ala ahunzi awe, mbeni zo ti mu maboko na ala ayeke daa pepe, ngbaa, wala zo so asigigi na gbe ti ngbaa ayeke daa mbeni pepe.

Ndia ti fani use ni 32:40

Biani, mbi yoro maboko ti mbi na nduzu, mbi deba, mbi tene: Fini ti mbi kpu na kpu!

Ndia ti fani use ni 7:6

Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Ala yeke azo so lo soro ala na popo ti amara kue ti sese ti ga azo ti lo wani.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

Aye so Nzapa afa 12:14

Me a mu *akpangi use ti kota *ngoalo na wali ni titene lo huru na ni, lo gue na benyama. Lo gue na ndo so a leke ndali ti lo titene lo duti yongoro na tere ti sioni nyama ni. Kâ, a yeke mu kobe na wali ni na ya ti ngu ota na ndambo.

Aye so Nzapa afa 12:6

Tongaso, wali ni akpe ague na benyama. Nzapa aleke mbeni ndo kâ ndali ti lo titene a mu na lo kobe na ya ti alango saki oko na ngbangbo use na baleomene.

Aye so Nzapa afa 13:5

A mu na nyama ni lege ti tenengo atënë ti baba na atënë ti zongango Nzapa; a mu na lo ngangu ti sarango ye na ya ti nze baleosio na use.

Aye so Nzapa afa 4:10

So ala he bia ni, akangba baleuse na osio akuku na gbe ti lo so ayeke duti na ndö ti mbata ti gbia ni so. Ala yeke voro lo so lo yeke na fini si ala yeke tuku akpoto ti gbia ti ala na gbe ti lo, ala tene:

Aye so Nzapa afa 4:9

Aye osio so ayeke na fini so ayeke he bia ti gonda, ti ne, ti mu singila na lo so aduti na ndö ti mbata ti gbia si lo yeke na fini kpu na kpu so.