Daniel 12:4 - Mbeti ti Nzapa - Tënë so amu fini

⁴ ‘Me ti mo Daniel, mo honde tënë so hondengo. Kozo si lango ti ndani alingbi, tënë so a su na ya ti mbeti so, mo fa ni na gigi pepe. Fade gba ti azo ayeke diko mbeti ni si hingango ndo ti ala ayeke kono.’ ”

Daniel 12:4 ပူးပေါင်းရင်းမြစ်များ

Ésaïe 11:9

Na ndö ti hoto so kue ayeke nde si ayeke nzoni kue, fade sioni ye na buba ye ayeke duti daa pepe, ngbanga ti so hingango KOTA GBIA ayeke si singo na ya ti kodro ni tongana ti so ngu asi singo na ya ti kota ngu-ingo.

Ésaïe 29:11

Na ala, aye so kue Nzapa afa ayeke tongana tënë so a su na ya ti mbeti so a kanga yanga ni si a kpo nzoroko na ndö ni. A mu mbeti ni na zo so ahinga ti diko mbeti si a tene na lo: “Diko mbeti so!” Me zo ni akiri tënë: “Mbi lingbi ti diko ni pepe, ngbanga ti so a kpo nzoroko na ndö ti mbeti ni.”

Ésaïe 30:26

Na lango so KOTA GBIA ayeke kanga le ti ka ti azo ti lo si lo yeke sara titene ka ni amu, fade nze ayeke su tongana lâ, lumiere ti lâ ti lango oko ayeke lingbi na lumiere ti lâ ti lango mbarambara.

Ésaïe 32:3

Le ti azo so alingbi fade ti baa ndo ayeke kiri ti kanga pepe, mê ti azo so alingbi fade ti ma ndo ayeke kiri ti ma ndo nzoni.

Ésaïe 8:16

Tënë so mbi tene, mo bata ni nzoni; wango so mbi mu, le ti mo akpengba na ndö ni; mo fa ni gi na adisiple ti mbi.

Jérémie 5:1

“Ala tambula na ndö ti alege ti Jérusalem mbage na mbage kue, ala baa ndo, ala hunda ndo, ala gi ndo na ndö ti abalabala ti wara mbeni zo, zo so ayeke sara ye mbirimbiri, zo so ayeke sara ye na legeni. Tongana ala wara mbeni zo oko tongaso, fade mbi yeke zi siokpari na li ti azo ti Jérusalem.”

Daniel 10:1

Na ngu ota ni so Sirus ayeke gbia ti Perse, a fa na Daniel, lo so a di iri ti lo Beltasar, mbeni tënë so alondo na Nzapa. Tënë ni ayeke taa-tënë si afa tënë ti kota ye ti mawa so ayeke si. Daniel agbu li ti lo daa mingi si lo hinga nda ti tënë ni na lege ti ye so lo baa na ya ti mbeni ye tongana bango-li.

Daniel 10:14

Fadeso mbi ga ti sara si mo hinga ye so ayeke si gbanda na azo ti mo. Baa, ye so mo baa tongana bango-li so ayeke kiri ti duti daa ndali ti alango so.’

Daniel 10:21

Me mbi yeke fa na mo ye so a su na ya ti mbeti ti taa-tënë. Zo oko ti mu maboko na mbi titene mbi tiri na awato so ayeke daa pepe, gi Michel oko so ayeke ange so ayeke bata azo ti Israel.

Daniel 11:33

Azo so le ti ala ahan na popo ti azo ti kodro ayeke sara si ambeni zo mingi ahinga ye. Me na ya ti mbeni ngoi, a yeke fâ ambeni, a yeke gbi ambeni na wâ; ti ambeni, a yeke nzi aye ti ala kue si a yeke gbu ala na ya ti bira.

Daniel 11:40

‘Na lango ti ndani, gbia ti Mbongo ayeke kiri ti sara bira na lo. Me gbia ti Banga ayeke mu pusu ti bira, na azo ti kpengo na mbarata na amangboko mingi si lo yeke ga na ndö ti lo tongana kota pupu. Lo yeke li na ya ti akodro nde nde; lo yeke li na ya ti mbeni kodro tongana ngu so asuku si amu ndo kue.

Daniel 12:13

Ti mo Daniel, mo gbu ngangu ngbii asi na ndani. Na pekoni, fade mo yeke wu tere ti mo si mo yeke londo titene mo wara aye ti peko ti kua ti mo na lango ti ndani.’ ”

Daniel 12:5

“Mbi Daniel, mbi yeke baa ndo si mbi baa azo use so ayeke luti na yanga ti ngu, oko na mbage ge, oko na mbage kâ.

Daniel 12:9

Lo kiri tënë na mbi, lo tene: ‘Daniel, mo gue! Tënë so ayeke ngba na hondengo ni, a yeke kpo nzoroko daa, angba tongaso ngbii asi na lango ti ndani.

Daniel 8:17

Gabriel aga na tere ti mbi na ndo so mbi yeke daa so. Mbeto agbu mbi mingi tongana lo yeke ga nduru na mbi. Mbi ti mbi kpo li ti mbi na sese. Me lo tene na mbi, lo tene: ‘Daniel, mo yeke gi senge zo. Ayeke nzoni mo hinga, mo tene, ye so mo baa na ya ti mbeni ye tongana bango-li so abaa tënë ti lango ti ndani.’

Daniel 8:19

Na pekoni, lo tene na mbi: ‘Mbi ye ti fa na mo ye so ayeke si ande na lango ti ndani, lango so ngonzo ti Nzapa ayeke hunzi na ni, ngbanga ti so a fa lango so ye kue ayeke hunzi na ni awe.

Daniel 8:26

Ye so mo baa na ya ti mbeni ye tongana bango-li na ndö ti asandaga ti lakui na ti ndaperere si a tene tënë ni so ayeke taa-tënë. Me ti mo, ayeke nzoni mo honde ye so mo baa so hondengo, ngbanga ti so ye so a tene ni so, lango ni ade yongoro.’

Matthieu 24:14

Fade a yeke fa Nzoni Tënë ti *Kodro-gbia na ndö ti dunia kue, tongaso si azo ti amara kue ama ni. Na pekoni, fade ye kue ayeke hunzi.”

Rome 10:18

Tongaso mbi hunda ndo, mbi tene: azo ti Israel ama tënë so a yeke fa so pepe? Biani, ala ma tënë ni kue! Mbeti ti Nzapa atene: “Azo ama go ti azo ti fango tënë na ndö ti sese kue, tënë ti ala asi na nda ti dunia kue.”

Aye so Nzapa afa 10:4

So abekpa mbarambara ni asungba, mbi ye ti su tënë ni na mbeti, me mbi ma mbeni go so alondo na yayu si atene na mbi: “Bata tënë ti abekpa mbarambara so na be ti mo; mo su ni na mbeti pepe.”

Aye so Nzapa afa 22:10

Lo kiri lo tene na mbi: “Atënë ti peko ti yanga ti Nzapa so a su na ya ti buku so, mo honde ni pepe, ngbanga ti so ngoi ti singo ti aye ni aga nduru awe.

Aye so Nzapa afa 5:1

Mbi baa mbeni mbeti so a rule ni rulengo; mbeti ni ayeke na maboko ti koli so aduti na ndö ti mbata ti gbia so. A su mbeti na ya ni nga na peko ni kue, a zia *anzoroko mbarambara na ndö ni ti kanga na ni.