Daniel 12:13 - Mbeti ti Nzapa - Tënë so amu fini

¹³ Ti mo Daniel, mo gbu ngangu ngbii asi na ndani. Na pekoni, fade mo yeke wu tere ti mo si mo yeke londo titene mo wara aye ti peko ti kua ti mo na lango ti ndani.’ ”

Daniel 12:13 ပူးပေါင်းရင်းမြစ်များ

Abia (Psaumes) 1:5

Ndani laa, na lango ti fango ngbanga, fade a yeke fâ ngbanga na li ti ala; azo ti siokpari ayeke duti na ya ti bongbi ti azo ti mbirimbiri pepe.

Abia (Psaumes) 16:5

KOTA GBIA, mo laa mo yeke ye so ayeke ga ti mbi, mo laa mo yeke nzoni ye so mbi wara; gigi ti mbi ayeke gi na maboko ti mo.

Abia (Psaumes) 16:9

Nilaa, be ti mbi ayeke duti na ngia, mbi yeke dodo na ngia si mbeni sioni ye ti si na mbi ayeke daa oko pepe.

Sigingo 33:14

KOTA GBIA akiri tënë na Moïse, atene: “Mbi wani, mbi yeke gue na ala! Mo gi be ti mo pepe.”

Daniel 12:3

Azo so le ti ala ahan, fade ala yeke za tongana lumiere ti le ti nduzu. Azo so amu maboko na ambeni zo mingi ti ga azo ti mbirimbiri, fade ala yeke su lakue lakue tongana atongoro.

Daniel 12:4

‘Me ti mo Daniel, mo honde tënë so hondengo. Kozo si lango ti ndani alingbi, tënë so a su na ya ti mbeti so, mo fa ni na gigi pepe. Fade gba ti azo ayeke diko mbeti ni si hingango ndo ti ala ayeke kono.’ ”

Zakarii 3:7

Tënë so KOTA GBIA so ayeke na ndö ti dunia kue atene ayeke so: “Tongana mo tambula na lege ti mbi si mo sara ye alingbi na andia ti mbi, mo laa, mo yeke ga makonzi ti kota da ti mbi na ti ya ti gbagba ti kota da ni. Mbi yeke zia nga mo na popo ti azo so ayeke sara kua ti mbi ge so.”

Matthieu 19:28

Jésus atene na ala: “Mbi tene na ala taa-tënë: na ndembe so ye kue ayeke kiri ti ga fini ni, fade *Molenge ti Zo ayeke duti na ndö ti mbata ti gonda ti lo ti Gbia. Ala baleoko na use so amu peko ti mbi, ala yeke duti na ndö ti ambata ti gbia baleoko na use titene ala fâ ngbanga ti amara baleoko na use ti Israel.

Nzoni Tënë so Luc asu na mbeti 21:36

Tongaso ala lango pepe! Ala ngba ti sambela lakue si ala wara ngangu ti sigigi na ya ti aye so ayeke si ande so si ala wara lege ti luti na nduzu na dawa ti *Molenge ti Zo.”

2 Korente 5:1

Biani, na ndö ti sese so, tere ti e ti zo akpa da ti bongo so ayeke buba mbeni lâ; me e hinga, e tene, na yayu, e yeke na da so ayeke ngba lakue lakue. Nzapa laa asara ni, maboko ti zo laa asara ni pepe.

2 Tesalonike 1:7

Ala so ayeke baa pasi, fade lo yeke mu na ala lege ti wungo tere, e na ala kue. Lo yeke sara ye ni tongaso na ndembe so Kota Gbia Jésus ayeke londo na yayu ti si, lo na angangu *ange ti lo;

Aye so Nzapa afa 14:13

Mbi kiri mbi ma mbeni go so alondo na yayu, atene: “Su tënë so na mbeti, mo tene: ‘Ti ala nzoni, azo so angba na lege ti kua ti *Kota Gbia si ala kui fadeso! Yingo atene: Biani, fade ala yeke wu tere ti ala na peko ti aye so ala sara, ngbanga ti so aye so ala sara ayeke mu peko ti ala.’ ”