Daniel 12:12 - Mbeti ti Nzapa - Tënë so amu fini

¹² Ti lo nzoni, zo so ayeke ku ngbii lango saki oko ngbangbo ota na baleota na oku alingbi!

Daniel 12:12 ပူးပေါင်းရင်းမြစ်များ

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ezekiel 4:6

Tongana lango ni so ahunzi awe, fade mo kiri mo lango na sese na mbage ti maboko ti mo ti koli; mo yeke yo sioni ti azo ti Juda na ndö ti mo na ya ti lango baleosio. Mbi diko na li ti mo lango oko ndali ti ngu oko so ala sara na sioni ni.

Daniel 8:14

Kozo ange ni akiri tënë na lo: ‘Alingbi lakui na ndaperere saki use na ngbangbo ota ahon si. Na pekoni, fade a yeke sara titene ndo so a zia ni nde ndali ti Nzapa akiri aga tongana ti kozo.’ ”

Rome 11:15

So Nzapa apusu azuife yamba so, ni laa asara si songo akiri na popo ti azo ti dunia na Nzapa. Tongana Nzapa akiri ande na azuife na tere ti lo, fade ye ni ayeke duti tongana nyen? Ye ni ayeke duti tongana ti azo so akui si akiri na fini!

Aye so Nzapa afa 11:2

Me mo zia ya ti gbagba ni, mo haka ni pepe, ngbanga ti so a zia ni na maboko ti azo ti amara nde si fade ala yeke do na gere na ya ti nze baleosio na use gbata so ayeke nde si ayeke nzoni kue.

Aye so Nzapa afa 12:6

Tongaso, wali ni akpe ague na benyama. Nzapa aleke mbeni ndo kâ ndali ti lo titene a mu na lo kobe na ya ti alango saki oko na ngbangbo use na baleomene.

Aye so Nzapa afa 13:5

A mu na nyama ni lege ti tenengo atënë ti baba na atënë ti zongango Nzapa; a mu na lo ngangu ti sarango ye na ya ti nze baleosio na use.

Aye so Nzapa afa 20:4

Na pekoni, mbi baa ambata ti gbia. Azo so aduti na ndö ni, a mu na ala ngangu ti fâ ngbanga. Mbi baa nga yingo ti ala so azo afâ go ti ala ndali ti so ala sara ye alingbi gi na taa-tënë so Jésus afa nga na tënë ti Nzapa. Ala ke ti voro nyama ni wala limo so akpa nyama ni, ala yeke na nzoroko ti nyama ni na ndö ti le ti ala wala na ndö ti maboko ti ala pepe. Ala kiri na fini si ala na Christ abongbi ale-gbia na ya ti ngu saki oko.