Daniel 11:40 - Mbeti ti Nzapa - Tënë so amu fini

⁴⁰ ‘Na lango ti ndani, gbia ti Mbongo ayeke kiri ti sara bira na lo. Me gbia ti Banga ayeke mu pusu ti bira, na azo ti kpengo na mbarata na amangboko mingi si lo yeke ga na ndö ti lo tongana kota pupu. Lo yeke li na ya ti akodro nde nde; lo yeke li na ya ti mbeni kodro tongana ngu so asuku si amu ndo kue.

Daniel 11:40 ပူးပေါင်းရင်းမြစ်များ

Ésaïe 21:1

Nengo tënë na ndö ti benyama so ayeke nduru na kota ngu-ingo. Tongana ti so kota pupu afâ ya ti sese ti mbage ti Mbongo, wato alondo na benyama si ayeke ga, lo londo na kodro so ayeke zia mbeto na be ti azo.

Ésaïe 5:28

Ala leke yanga ti ale ti kokora ti ala aza, ala gboto ya ti kamba ti kokora ti ala. Asokoto ti gere ti ambarata ti ala akpengba tongana têne, gere ti apusu ti ambarata ti ala ayeke turne wirrr tongana ngangu pupu.

Ésaïe 66:15

Biani, KOTA GBIA ayeke ga na ya ti wâ, apusu ti mbarata ti lo ayeke tongana kota pupu. Lo yeke ga ti fa sioni ngonzo ti lo, ti suku na azo na lege ti menga ti wâ.

Jérémie 4:13

“Baa, awato laa ayeke ga so! Ala yeke tongana mbinda! Apusu ti ambarata ti ala ayeke tongana ngangu pupu; ambarata ti ala akpe ahon *ngoalo. So mawa na e: ti e ahunzi awe!”

Ezekiel 38:4

Mbi yeke yoro *kongi na ngbangba ti mo si mbi yeke gboto mo na ngangu ti hon na mo, mbi yeke sigigi na mo na ya ti kodro ni, mo na aturugu ti mo, ambarata ti mo, azo ti kpengo na mbarata ti mo; ala so kue ayu apendere bongo, gba ti aturugu so ala kue agbu *avala na ayongoro zeme na maboko ti ala.

Ezekiel 38:9

Mo na aturugu ti mo kue nga na gba ti amara so ayeke na tere ti mo, ala yeke ga ti tiri bira na azo ni; ala yeke ti na ndö ti azo ni tongana kota pupu; ala yeke kanga ndö ti kodro ti ala tongana gba ti mbinda.

Daniel 11:10

‘Fade amolenge ti gbia ti Banga ayeke londo ti sara bira; ala yeke bongbi aturugu gbani gbani. Mbeni oko ti amolenge ni ayeke ga na aturugu ti lo si ala yeke mu akodro mingi. Na kiringo ti gbia ni na kodro ti lo, lo yeke li na ya ti mbeni gbata tongana ngu so asuku si amu ndo kue; lo yeke sara bira na ya ti mbeni gbata so ngangu gbagba ayeke na tere ni.

Daniel 11:11

Ngonzo ayeke gbu gbia ti Mbongo sioni sioni si lo yeke gue ti sara bira na gbia ti Banga. Gbia ti Banga ayeke bongbi aturugu gbani gbani, me ala yeke ti na gbe ti gbia ti Mbongo.

Daniel 11:13

Gbia ti Banga ayeke kiri ti bongbi aturugu gbani gbani ahon ti kozo. Na peko ti ngu mingi, lo yeke mu gba ti aturugu na akungba ti bira mingi ti ga na ni.

Daniel 11:22

Aturugu gbani gbani so amu ndo tongana ngu so asuku alingbi ti kinda lo pepe; lo yeke nika ala kue. Lo yeke fâ nga makonzi ti azo ti *mbuki.

Daniel 11:25

‘Lo yeke gbu ngangu, lo yeke sara ye ti koli si lo yeke mu gba ti aturugu ti gue ti tiri bira na gbia so ayeke na Mbongo. Gbia ti Mbongo na aturugu so awu ahon ndoni si ala yeke ngangu mingi ayeke leke tere ti ala ti tiri bira. Me ala yeke gbu le ni na gbia ti Banga pepe, ngbanga ti so a yeke leke mbeni tënë na hondengo ni na tere ti gbia ti Mbongo ni.

Daniel 11:35

Fade azo mingi na popo ti azo so le ti ala ahan ayeke kui. Kuâ ti ala ayeke sara si a *sukula sioni ti azo ti kodro, ala ga nzoni si ala vuru nzoni ti ku na lango ti ndani. Lango ti ndani ayeke si gi na ngoi so a diko awe.

Daniel 11:39

Nzapa so laa ayeke mu maboko na gbia ni ti tiri na azo ti gbata so ngangu gbagba ayeke na tere ni. Azo so ayeda na lo, gbia ni ayeke sara si ala wara gonda. Lo yeke zia ala amakonzi na ndö ti gba ti azo si lo yeke kangbi na ala sese tongana futa ti ala.

Daniel 11:7

Mbeni zo ti sewa ti molenge-wali ni laa ayeke ga gbia na peko ti babâ ti lo. Zo ni ayeke gue ti gi yanga ti aturugu so ayeke na Banga. Lo yeke li taa na ya ti ngangu gbagba ti aturugu ni; lo yeke sara bira na ala si lo yeke kinda ala.

Daniel 12:4

‘Me ti mo Daniel, mo honde tënë so hondengo. Kozo si lango ti ndani alingbi, tënë so a su na ya ti mbeti so, mo fa ni na gigi pepe. Fade gba ti azo ayeke diko mbeti ni si hingango ndo ti ala ayeke kono.’ ”

Daniel 12:9

Lo kiri tënë na mbi, lo tene: ‘Daniel, mo gue! Tënë so ayeke ngba na hondengo ni, a yeke kpo nzoroko daa, angba tongaso ngbii asi na lango ti ndani.

Daniel 8:17

Gabriel aga na tere ti mbi na ndo so mbi yeke daa so. Mbeto agbu mbi mingi tongana lo yeke ga nduru na mbi. Mbi ti mbi kpo li ti mbi na sese. Me lo tene na mbi, lo tene: ‘Daniel, mo yeke gi senge zo. Ayeke nzoni mo hinga, mo tene, ye so mo baa na ya ti mbeni ye tongana bango-li so abaa tënë ti lango ti ndani.’

Habakuk 3:14

Mo koro li ti amakonzi ti awato ni taa na ale ti kokora ti ala wani. Lani awato ni aga na loro tongana kota pupu ti ngu-Nzapa ti tumba e. Ala yeke dekongo na ngia, mo baa mo tene, ala gbu zo awe si ala yeke gue ti te lo na hondengo ni.

Zakarii 9:14

Fade KOTA GBIA ayeke sigigi ti duti na ndö ti azo ni. Ale ti kokora ti lo ayeke hon tongana wâ ti bekpa. Kota Gbia NZAPA ayeke huru tatalita, lo yeke ga na ya ti ngangu pupu ti Mbongo.

Aye so Nzapa afa 16:12

Omene ange ni atuku ye ti ya ti kopo ti lo na ya ti bale ti Efrate. Ngu ni ahole ti leke lege na agbia so alondo na To si ayeke ga.

Aye so Nzapa afa 9:16

A fa na mbi wungo ti aturugu so ayeke kpe na ambarata: ala yeke kutu ngbangbo use.