Daniel 11:37 - Mbeti ti Nzapa - Tënë so amu fini

³⁷ Gbia ni ayeke baa anzapa ti akotara ti lo tongana senge ye. Ataa nzapa so awali aye mingi, wala mbeni nzapa nde, lo yeke baa ala tongana senge ye. Biani, lo yeke baa tere ti lo kota ahon anzapa kue.

Daniel 11:37 ပူးပေါင်းရင်းမြစ်များ

Tongo nda ti aye 3:16

Na pekoni, Nzapa atene na wali: “Mbi yeke sara ande titene na ndembe so mo yeke na ngo, mo yeke baa pasi mingi na ni; na ya ti pasi si mo yeke du amolenge. Fade nzara ti be ti mo kue ayeke gi na mbage ti koli ti mo, me lo yeke sara komandema na ndö ti mo.”

Tongo nda ti aye 3:5

Me Nzapa ahinga atene, na lango so ala yeke te ni, fade le ti ala ayeke zi si ala yeke ga tongana Nzapa ti hinga ye so ayeke nzoni na ye so ayeke sioni.”

B. ti abia 7:10

Mbi su yanga ti mo, asara mbi tongana nzoni vin! Biani, nzoni vin so a bata ndali ti kamba ti be ti mbi, anzere na yanga ti e so e yeke lango.

Ésaïe 14:13

Mo yeke tene ando na be ti mo, mo tene: “Mbi yeke ma ngbii mbi si na yayu, mbi yeke zia mbata ti mbi ti gbia na ndö ti atongoro ti Nzapa. Mbi yeke duti na ndö ti hoto so anzapa ayeke wara tere daa, yongoro kâ na mbage ti Banga.

Ésaïe 14:14

Mbi yeke ma na ndö ti ambinda, mbi yeke ga tongana Nzapa so ayeke na yayu kâ na ndö ti aye kue.”

Ezekiel 24:16

“*Molenge ti zo, wali so anzere na le ti mo so, mbi yeke zi fini ti lo gi biaku tongaso. Me fade mo yeke toto kuâ ti lo pepe, mo yeke dema tere ti mo pepe, ngu ti le ti mo ayeke yuru pepe.

Ezekiel 28:2

“*Molenge ti zo, tene na makonzi ti Tir, mo tene: Tënë so Kota Gbia NZAPA atene ayeke so: Be ti mo asuku na baba si mo tene: ‘Mbi yeke nzapa, mbi duti na ndö ti mbata ti gbia na popo ti anzapa na be ti kota ngu-ingo.’ Mo tene na be ti mo, mo tene, mo lingbi na nzapa, andaa mo yeke gi senge zo, mo yeke nzapa pepe.

Daniel 11:36

‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.

Daniel 11:38

Fade lo yeke voro anzapa so pepe, me lo yeke voro nzapa ti agbagba ti bira, nzapa so akotara ti lo ahinga ni ando pepe. Lo yeke mu na nzapa so lôro, wen ti nginza, atêne ti ngangu ngere na ambeni ye ti ngangu ngere.

Daniel 8:11

Didi ni asara nga bira na makonzi ti aturugu ti yayu ni; didi ni akanga lege ti *sandaga so azo ayeke mu na ya ti lango oko oko na makonzi ni; lo sara si ndo so a zia ni nde ndali ti makonzi ni aga sioni.

Ndia ti fani use ni 21:11

Mbeni zo na popo ti ala, azo ti Israel, abaa na popo ti azo ti kanga ni mbeni pendere wali, lo sara nzara ti wali ni si lo ye ti mu lo ti ga wali ti lo.

Ndia ti fani use ni 5:21

“Alingbi mo sara nzara ti wali ti mba ti mo pepe; mo sara nzara ti ye so mba ti mo ayeke na ni pepe, ataa yaka ti lo, ataa zo ti kua ti lo ti koli, ataa zo ti kua ti lo ti wali, ataa bagara ti lo, ataa lele ti lo.”

2 Tesalonike 2:4

Zo ti sioni so ayeke londo ti tiri bira na aye so kue azo ayeke baa ni tongana anzapa, na aye so kue azo ayeke voro ni. Lo yeke gue ande ngbii ti duti na ya ti kota da ti Nzapa si lo yeke tene, ni wani laa ni yeke Nzapa.

1 Timothée 4:3

Azo ni so ayeke gbanzi azo ti mu wali wala koli, ala yeke gbanzi azo ti te ambeni kobe. Andaa Nzapa asara kobe titene azo ti lo so ahinga taa-tënë nzoni ate ni na mungo na lo singila.