Daniel 11:36 - Mbeti ti Nzapa - Tënë so amu fini

³⁶ ‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.

Daniel 11:36 ပူးပေါင်းရင်းမြစ်များ

Abia (Psaumes) 136:2

Ala mu singila na Nzapa ti anzapa! – Biani, nzoni be ti lo angba kpu na kpu!

Abia (Psaumes) 33:10

Aye so amara nde aye ti sara, KOTA GBIA akanga lege ni. Aye so azo aleke na be ti ala ti sarango ni, KOTA GBIA abuba lege ni.

Amato 19:21

Apialo asi singo na ya ti be ti zo; me ye so KOTA GBIA aleke na be ti lo ti sara, ni laa ayeke si.

Ésaïe 10:23

Biani, Kota Gbia NZAPA, lo so lo yeke na ndö ti dunia kue aleke tënë ti bubango ye kue awe, fade lo yeke sara ye ni na ya ti kodro ni kue.

Ésaïe 10:25

Biani, gi na ya ti kete ngoi, sioni ngonzo ti mbi so alondo na tere ti ala ayeke kai. Me ngonzo ti mbi ni ayeke kiri ti hunzi azo ni kue.”

Ésaïe 10:5

*KOTA GBIA atene: “Mawa na Asirii! Lo yeke tongana nduru keke ti ngonzo ti mbi; tongana lo gbu keke so na maboko ti lo, andaa sioni ngonzo ti mbi laa.

Ésaïe 14:13

Mo yeke tene ando na be ti mo, mo tene: “Mbi yeke ma ngbii mbi si na yayu, mbi yeke zia mbata ti mbi ti gbia na ndö ti atongoro ti Nzapa. Mbi yeke duti na ndö ti hoto so anzapa ayeke wara tere daa, yongoro kâ na mbage ti Banga.

Ésaïe 14:14

Mbi yeke ma na ndö ti ambinda, mbi yeke ga tongana Nzapa so ayeke na yayu kâ na ndö ti aye kue.”

Ésaïe 26:20

Azo ti mbi, ala gue na da ti ala, ala kanga yanga ti da ni na li ti ala. Ala honde tere ti ala na ya ti kete ngoi ngbii ngonzo ti KOTA GBIA ahon si.

Ésaïe 30:33

A leke gba ti keke ti wâ kozoni awe; keke ni ayeke nga ndali ti gbia. Na ya ti du so akono si alinda mingi, a zia gba ti akeke angoro na ni ti tingo na wâ. Tongaso, pupu ti yanga ti KOTA GBIA so ayeke tongana *sufre so ayeke sua ayeke bi wâ daa.

Ésaïe 46:10

Aye so ayeke si ande, mbi fa tënë ni gi na tongo nda ni. Ye so ade ti si pepe, mbi tene tënë ni ngbene ye aninga awe. Mbi tene: “Pialo ti mbi ayeke si alingbi na ni. Ye so kue mbi ye ti sara, mbi yeke sara ni.”

Ésaïe 57:9

Mo mu mafuta, mo gue na ni na kota gbia, mo gue na mara ti ayombo nde nde. Mo tokua azo ti mo yongoro kâ, ala zu ngbii, ala si na ndo ti akuâ.

Ezekiel 28:2

“*Molenge ti zo, tene na makonzi ti Tir, mo tene: Tënë so Kota Gbia NZAPA atene ayeke so: Be ti mo asuku na baba si mo tene: ‘Mbi yeke nzapa, mbi duti na ndö ti mbata ti gbia na popo ti anzapa na be ti kota ngu-ingo.’ Mo tene na be ti mo, mo tene, mo lingbi na nzapa, andaa mo yeke gi senge zo, mo yeke nzapa pepe.

Ezekiel 35:13

Ala tene tënë na tere ti mbi na baba; ala tene atënë ti baba na tere ti mbi: mbi ma atënë ni kue awe.

Daniel 11:16

Zo so ayeke ga ti mu kodro ni ayeke sara ye tongana ti so be ti lo aye, ngbanga ti so zo ti kanga lege na lo ayeke daa pepe. Lo yeke duti na ya ti pendere kodro ni si lo yeke buba aye kue.

Daniel 11:3

Me kâ na Grese, mbeni ngangu gbia ayeke londo; komandema ti lo ayeke duti ngangu si lo yeke sara ye so be ti lo aye.

Daniel 11:37

Gbia ni ayeke baa anzapa ti akotara ti lo tongana senge ye. Ataa nzapa so awali aye mingi, wala mbeni nzapa nde, lo yeke baa ala tongana senge ye. Biani, lo yeke baa tere ti lo kota ahon anzapa kue.

Daniel 12:7

Lo so ayu bongo ti len si ayeke luti na ndö ti ngu so ayoro maboko ti lo use kue na nduzu. Lo deba yanga ti lo, lo tene: ‘Na iri ti KOTA GBIA so ayeke na fini lakue lakue, mbi deba yanga ti mbi, mbi tene: aye so ayeke ninga ande ngu ota na ndambo. Tongana a zi ngangu kue ti azo ti Nzapa awe si fade aye ni so ayeke hunzi.’

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Daniel 5:19

Ndali ti so Nzapa asara si lo ga kota zo mingi, azo kue, azo ti amara nde nde kue na azo ti ayanga ti kodro nde nde kue ayeke do na mbeto na le ti lo. Lo yeke fâ zo so be ti lo aye si lo yeke zia zo so be ti lo aye ti ngba na fini; lo yeke zia na kota ndo zo so be ti lo aye si lo yeke zia na kete ndo zo so be ti lo aye.

Daniel 5:20

Me na pekoni, pikango kate ahon ndö ti lo si lo baa tere ti lo kota ahon azo kue. Tongaso Nzapa azi lo na ndö ti mbata ti gbia si azo akiri ane lo pepe.

Daniel 7:8

So mbi ngba ti gbu li ti mbi na ndö ti adidi ni, mo ye ti baa, mbeni fini didi so ayeke kete ato nda ti sigigi na popo ti adidi ni. Na dawa ti kete didi ni, a gboto didi ota ti akozo didi ni. Le ti fini didi ni ayeke daa tongana ti zo si yanga ni ayeke daa so ayeke tene gba ti atënë ti baba.

Daniel 8:19

Na pekoni, lo tene na mbi: ‘Mbi ye ti fa na mo ye so ayeke si ande na lango ti ndani, lango so ngonzo ti Nzapa ayeke hunzi na ni, ngbanga ti so a fa lango so ye kue ayeke hunzi na ni awe.

Daniel 8:4

Mbi baa koli-taba ni ayeke pika ye na didi ti lo na mbage ti Do, na mbage ti Banga nga na mbage ti Mbongo. Mbeni nyama so alingbi ti gbu le ni na lo ayeke daa pepe; mbeni zo so alingbi ti zi zo na maboko ti lo ayeke daa pepe. Koli-taba ni ayeke sara gi ye so be ti lo aye si lo yeke kono lakue.

Zakarii 11:16

Biani, mbi yeke sara titene mbeni fini wabatango-taba abaa gigi na ya ti kodro ni: ataba so ahon kirikiri, tënë ti ala ayeke so be ti lo oko pepe; ala so agirisa, lo yeke gi ala pepe; ala so awara ka, lo yeke kanga ka ti ala pepe; ala so ayeke na seni, lo yeke mu kobe na ala pepe. Me ti ala so akono nzoni, lo yeke te ala si lo yeke zi *sokoto ti gere ti ala.”

Jean 5:30

Mbi lingbi ti sara ye ti be ti mbi wani pepe. Mbi yeke fâ ngbanga gi na lege ti tënë so mbi ma. Ngbanga ti mbi ayeke na legeni, ndali ti so mbi yeke gi ti sara ye ti be ti mbi wani pepe, me ye so be ti lo so atokua mbi aye.”

Jean 6:38

Mbi londo na yayu, mbi ga na ndo so ti sara ye ti be ti mbi pepe, me ti sara ye so be ti lo so atokua mbi aye.

Awatokua 4:28

Tongaso ala sara ye so kue mo leke kozoni na be ti mo na lege ti ngangu ti mo.

Ndia ti fani use ni 10:17

Biani, KOTA GBIA Nzapa ti ala ayeke kota mingi, lo hon anzapa kue, lo yeke Kota Gbia mingi lo hon agbia kue; lo yeke kota, lo yeke ngangu mingi si lo yeke zia mbeto na be ti zo. Lo yeke mu mbage ti mbeni zo pepe, zo alingbi ti pete goro na lo pepe.

2 Tesalonike 2:3

Ala zia zo oko ahanda ala na mbeni tënë pepe. Biani, kozoni si lango so alingbi, fade ambeni ye ayeke si: gba ti azo ayeke zia lege ti Nzapa, Zo ti sioni ayeke si, lo so a yeke buba ande lo na ndo so wâ ayeke gbi daa lakue.

2 Tesalonike 2:4

Zo ti sioni so ayeke londo ti tiri bira na aye so kue azo ayeke baa ni tongana anzapa, na aye so kue azo ayeke voro ni. Lo yeke gue ande ngbii ti duti na ya ti kota da ti Nzapa si lo yeke tene, ni wani laa ni yeke Nzapa.

2 Tesalonike 2:8

Fade Zo ti sioni ayeke si, Kota Gbia Jésus ayeke fâ lo biani biani na pupu ti yanga ti lo. Lo yeke mingo lo biani biani na lege ti zango ndo ti gango ti lo.

Josué 22:22

“Nzapa, Nzapa, KOTA GBIA! Nzapa, Nzapa, KOTA GBIA! Lo yeke Nzapa so ayeke na ndö ti anzapa kue. Lo hinga nda ti ye so e sara. Fade azo ti Israel kue ayeke hinga nda ti ye ni. Tongana e sara ngangu li wala e sara mbeni ye so ayeke sioni mingi ti ke KOTA GBIA, ayeke nzoni lo soo e na lango ni so pepe!

Aye so Nzapa afa 10:7

Me na ndembe so mbarambara ange ni ayeke huru tatalita ti lo, fade Nzapa ayeke sara aye so lo leke na hondengo ni ando. Lo yeke sara ye ni alingbi gi na tënë so lo tene na azo ti kua ti lo, awayanga-Nzapa.”

Aye so Nzapa afa 12:14

Me a mu *akpangi use ti kota *ngoalo na wali ni titene lo huru na ni, lo gue na benyama. Lo gue na ndo so a leke ndali ti lo titene lo duti yongoro na tere ti sioni nyama ni. Kâ, a yeke mu kobe na wali ni na ya ti ngu ota na ndambo.

Aye so Nzapa afa 13:1

Na pekoni, mbi baa mbeni nyama so alondo na ya ti kota ngu-ingo si ayeke sigigi. Lo yeke na adidi baleoko, ali ti lo ayeke mbarambara. Akpoto ti gbia ayeke na ndö ti adidi ti lo ni oko oko kue; a su airi ti zongango Nzapa na ndö ti li ti lo oko oko kue.

Aye so Nzapa afa 17:17

Biani, Nzapa azia na be ti ala titene ala sara gi ye so lo wani, lo ye. Fade tënë ti be ti ala ayeke gi oko, ala yeke mu komandema ti ala na nyama ni ngbii ye kue asi alingbi na tënë ti Nzapa.

Aye so Nzapa afa 17:3

Yingo ti Nzapa agbu mbi si ange ni amu mbi ague na mbi na benyama. Mbi baa mbeni wali kâ, lo yeke duti na ndö ti mbeni bengba nyama. A su a-iri ti zongango Nzapa na tere ti nyama ni kue; ali ti nyama ni ayeke mbarambara si adidi ti lo ayeke baleoko.