Daniel 11:30 - Mbeti ti Nzapa - Tënë so amu fini

³⁰ Azo ti mbage ti Do ayeke mu amangboko si ayeke ga ti tiri bira na lo. Be ti lo ayeke woko si lo yeke mu lege ti kiri. Na kiringo ni, lo yeke de ngonzo ti be ti lo na ndö ti azo so Nzapa aga mbuki na ala. Me azo so azia lege ti mbuki ti ala na Nzapa, lo na ala ayeke ma tere.

Daniel 11:30 ပူးပေါင်းရင်းမြစ်များ

Tongo nda ti aye 10:4

Amolenge ti Yavan ayeke so: Elisha, Tarsis, Kitim na Rodanim.

1 Mbai 1:7

Amolenge ti Yavan ayeke Elisha, Tarsis, Kitim na Rodanim.

Néhémie 6:12

Mbi ma ya ni si mbi hinga so Nzapa laa atokua lo ti tene tënë na mbi so pepe. Me Tobia na Sanebalat laa apete goro na lo titene lo ga lo tene tënë so na mbi.

Ésaïe 23:1

Nengo tënë na ndö ti Tir. “Ala amangboko ti Tarsis, ala he bia ti demango tere! Biani, a buba ndo ti lutingo ti amangboko ti Tir awe, ada ayeke daa mbeni pepe.” So ala londo na zoa ti Shipre, ala kiri laa ala ma tënë ni.

Ésaïe 23:12

Lo tene: “Ala azo ti Sidon, ngia ti ala ahunzi awe, ala yeke tongana maseka-wali so koli asuru lo awe. Ataa ala gue, afâ kota ngu-ingo ngbii ala si na Shipre, kâ, ala lingbi nga ti wu tere ti ala pepe.

Jérémie 2:10

“Ala gue na zoa ti Kitim, ala baa ye si! Ala tokua azo na Kedar titene ala hunda ndo mbirimbiri si! Tongaso si ala baa wala mbeni ye tongana ti so asi kâ awe.

Ezekiel 27:6

Ala mu akeke ti shene ti Bashan si ala sara na akâî ti mo; ala mu akeke ti sedre ti azoa ti agreke, ala zia pembe ti doli na tere ni si ala leke na ndö ti mo.

Daniel 11:28

Fade gbia ti Banga ayeke kiri na kodro ti lo na gba ti mosoro. Na kiringo ti lo, lo yeke sara ye so lo leke na be ti lo ti sarango ni na azo so Nzapa aga mbuki na ala. Na pekoni, lo yeke kiri na kodro ti lo.

Daniel 11:29

‘Tongana lango so a diko alingbi awe, gbia ti Banga ayeke kiri ti gue na kodro so ayeke na Mbongo. Me ti so ni, aye ni ayeke duti nde na ti kozoni.

Daniel 7:25

lo yeke tene asioni tënë na tere ti Nzapa so ayeke na yayu kâ na ndö ti aye kue si lo yeke sara ngangu na azo so Nzapa asoro ala. Lo yeke leke na be ti lo ti sanze alango ti nze nga na andia ti azo ti Nzapa. Fade a yeke zia azo ti Nzapa na maboko ti gbia ni na ya ti ngu ota na ndambo.

Wungo ti azo 24:24

Amangboko alondo na mbage ti zoa ti Shipre ti ga. Azo ayeke sara ngangu na azo ti mara ti Asirii nga na azo ti mara ti Eber. Ataa azo ti mara ti Eber ni kue, gigi ti ala ayeke gue ande ti buba.”

Matthieu 24:10

Na ngoi ni so, azo mingi ayeke zia lege ti mabe ti ala; ala yeke ka amba ti ala na popo ti ala si ala yeke ke tere na popo ti ala.

Aye so Nzapa afa 12:12

Ndani laa, ala, yayu na ala so ayeke duti na yayu, ala duti na ngia! Mawa na ala, sese na kota ngu-ingo, ngbanga ti so Zabolo azu na ala kâ awe! Ngonzo agbu lo ngangu, ngbanga ti so ngoi ti lo angba mingi pepe.”