Daniel 11:29 - Mbeti ti Nzapa - Tënë so amu fini

²⁹ ‘Tongana lango so a diko alingbi awe, gbia ti Banga ayeke kiri ti gue na kodro so ayeke na Mbongo. Me ti so ni, aye ni ayeke duti nde na ti kozoni.

Daniel 11:29 ပူးပေါင်းရင်းမြစ်များ

Ésaïe 14:31

Ala ayanga ti gbata, ala dema tere ti ala ma! Ala agbata, ala dekongo ma! Sese ti Filistii kue awoko kue awe: mbeni ngbongboro guru ti wâ alondo na Banga si ayeke ga. Na mbage ti awato, ala kue abongbi tere ti ala, zo oko angba na peko pepe.

Daniel 10:1

Na ngu ota ni so Sirus ayeke gbia ti Perse, a fa na Daniel, lo so a di iri ti lo Beltasar, mbeni tënë so alondo na Nzapa. Tënë ni ayeke taa-tënë si afa tënë ti kota ye ti mawa so ayeke si. Daniel agbu li ti lo daa mingi si lo hinga nda ti tënë ni na lege ti ye so lo baa na ya ti mbeni ye tongana bango-li.

Daniel 11:23

Na peko ti so azo mingi ayeke ma tere na lo, lo yeke sara mayere ti handa azo. Ngangu ti lo ayeke gue gi na nduzu, ataa so li ti azo ti lo awu mingi pepe.

Daniel 11:25

‘Lo yeke gbu ngangu, lo yeke sara ye ti koli si lo yeke mu gba ti aturugu ti gue ti tiri bira na gbia so ayeke na Mbongo. Gbia ti Mbongo na aturugu so awu ahon ndoni si ala yeke ngangu mingi ayeke leke tere ti ala ti tiri bira. Me ala yeke gbu le ni na gbia ti Banga pepe, ngbanga ti so a yeke leke mbeni tënë na hondengo ni na tere ti gbia ti Mbongo ni.

Daniel 11:28

Fade gbia ti Banga ayeke kiri na kodro ti lo na gba ti mosoro. Na kiringo ti lo, lo yeke sara ye so lo leke na be ti lo ti sarango ni na azo so Nzapa aga mbuki na ala. Na pekoni, lo yeke kiri na kodro ti lo.

Daniel 11:30

Azo ti mbage ti Do ayeke mu amangboko si ayeke ga ti tiri bira na lo. Be ti lo ayeke woko si lo yeke mu lege ti kiri. Na kiringo ni, lo yeke de ngonzo ti be ti lo na ndö ti azo so Nzapa aga mbuki na ala. Me azo so azia lege ti mbuki ti ala na Nzapa, lo na ala ayeke ma tere.

Daniel 8:19

Na pekoni, lo tene na mbi: ‘Mbi ye ti fa na mo ye so ayeke si ande na lango ti ndani, lango so ngonzo ti Nzapa ayeke hunzi na ni, ngbanga ti so a fa lango so ye kue ayeke hunzi na ni awe.

Awatokua 17:26

Na lege ti zo oko, lo sara azo ti amara kue si lo zia ala na ndö ti sese kue. Lo leke angoi ti dutingo ti amara oko oko na ndö ti dunia so, lo fa katikati ti sese ti ala.

Galasii 4:2

Na ndembe so lo de molenge, lo yeke na gbe ti ambeni zo so ayeke bata lo na aye ti lo ni kue, ti ku na lango so babâ ti lo afa.