Daniel 11:27 - Mbeti ti Nzapa - Tënë so amu fini

²⁷ Agbia use so ayeke wara tere na tere ti meza oko. Me ndali ti so sioni ye laa asi be ti ala, ala yeke tene gi atënë ti mvene na popo ti ala. Atënë ti ala ni ayeke sara ye oko pepe, ngbanga ti so tënë ni ayeke ko ndani gi na lango so a diko awe.

Daniel 11:27 ပူးပေါင်းရင်းမြစ်များ

2 Samuel 13:26

Absalom atene: “Zia lege na ita ti mbi Amnon, e na lo, e gue ma!” Gbia akiri tënë na lo: “Lo gue na ndo ti mo ngbanga ti nyen?”

Abia (Psaumes) 12:2

*KOTA GBIA, soo mbi maa! Azo so angba na lege ti mo ayeke daa mbeni pepe; azo ti mbirimbiri ayeke daa fadeso pepe.

Abia (Psaumes) 52:1

Bia so ayeke ndali ti makonzi-bia; bia ti fango ye na zo; bia ti David.

Abia (Psaumes) 58:2

Ala akota zo, fango ngbanga so ala yeke fâ so, ala fâ ni mbirimbiri laa? Fango ngbanga so ala yeke fâ so, ala fâ biani na legeni laa?

Abia (Psaumes) 62:9

Ala azo, ala zia be ti ala lakue na ndö ti lo, ala fa tënë ti be ti ala na lo. Nzapa ayeke ndo so e yeke kpe daa ti bata tere ti e. Luti kete

Abia (Psaumes) 64:6

Ala yeke mu ngangu na be ti amba ti ala ti sara sioni, ala yeke tene tënë ti kuku so ala ye ti zia na hondengo ni, ala tene: “Zo wa laa ayeke baa ni, zo wa?”

Amato 12:20

Azo so aleke na be ti ala ti sara sioni, be ti ala asi singo na tënë ti handa; me azo so ayeke mu wango ndali ti siriri, ala yeke na ngia.

Amato 19:21

Apialo asi singo na ya ti be ti zo; me ye so KOTA GBIA aleke na be ti lo ti sara, ni laa ayeke si.

Amato 26:23

Tongana zo ti sioni be atene tënë ti ndoye, akpa wen ti nginza so puru ni angba daa si a mu ni ti zia na tere ti ta ti sese.

Ezekiel 17:9

“Mo tene: Tënë so Kota Gbia NZAPA atene ayeke so: ‘Vinye so ayeke mai ande laa? Kozo ngoalo ni ayeke gboto agunda ti vinye ni pepe? Lo yeke buba ale ni si akete keke so asigigi na tere ni ahole pepe? Lo yeke hunda titene mbeni ngangu zo wala gba ti azo si agboto ni pepe.

Daniel 10:1

Na ngu ota ni so Sirus ayeke gbia ti Perse, a fa na Daniel, lo so a di iri ti lo Beltasar, mbeni tënë so alondo na Nzapa. Tënë ni ayeke taa-tënë si afa tënë ti kota ye ti mawa so ayeke si. Daniel agbu li ti lo daa mingi si lo hinga nda ti tënë ni na lege ti ye so lo baa na ya ti mbeni ye tongana bango-li.

Daniel 11:28

Fade gbia ti Banga ayeke kiri na kodro ti lo na gba ti mosoro. Na kiringo ti lo, lo yeke sara ye so lo leke na be ti lo ti sarango ni na azo so Nzapa aga mbuki na ala. Na pekoni, lo yeke kiri na kodro ti lo.

Daniel 11:29

‘Tongana lango so a diko alingbi awe, gbia ti Banga ayeke kiri ti gue na kodro so ayeke na Mbongo. Me ti so ni, aye ni ayeke duti nde na ti kozoni.

Daniel 11:35

Fade azo mingi na popo ti azo so le ti ala ahan ayeke kui. Kuâ ti ala ayeke sara si a *sukula sioni ti azo ti kodro, ala ga nzoni si ala vuru nzoni ti ku na lango ti ndani. Lango ti ndani ayeke si gi na ngoi so a diko awe.

Daniel 11:40

‘Na lango ti ndani, gbia ti Mbongo ayeke kiri ti sara bira na lo. Me gbia ti Banga ayeke mu pusu ti bira, na azo ti kpengo na mbarata na amangboko mingi si lo yeke ga na ndö ti lo tongana kota pupu. Lo yeke li na ya ti akodro nde nde; lo yeke li na ya ti mbeni kodro tongana ngu so asuku si amu ndo kue.

Daniel 8:17

Gabriel aga na tere ti mbi na ndo so mbi yeke daa so. Mbeto agbu mbi mingi tongana lo yeke ga nduru na mbi. Mbi ti mbi kpo li ti mbi na sese. Me lo tene na mbi, lo tene: ‘Daniel, mo yeke gi senge zo. Ayeke nzoni mo hinga, mo tene, ye so mo baa na ya ti mbeni ye tongana bango-li so abaa tënë ti lango ti ndani.’

Daniel 8:19

Na pekoni, lo tene na mbi: ‘Mbi ye ti fa na mo ye so ayeke si ande na lango ti ndani, lango so ngonzo ti Nzapa ayeke hunzi na ni, ngbanga ti so a fa lango so ye kue ayeke hunzi na ni awe.

Habakuk 2:3

Ye so mo baa na ya ti mbeni ye tongana bango-li so ayeke si na ngoi so alingbi, ngoi ni ayeke ga nduru nduru; tënë ni ayeke mvene pepe. Me tongana ye ni angba ti ninga, mo ku ni, ngbanga ti so nyen na nyen kue, ye ni ayeke si tongana ngoi ni alingbi.

Awatokua 1:7

Jésus akiri tënë na ala: “So ayeke tënë ti ala pepe ti hinga ngoi ni na ndembe ni. Biani, Babâ oko laa aleke na be ti lo na lege ti komandema ti lo.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

1 Tesalonike 5:1

A-ita, tongana ayeke tënë ti ngoi wala lango so ye ni ayeke si ande na ni, so ayeke mbeni ye titene zo akiri asu mbeti na ala ndali ni pepe.