Daniel 11:26 - Mbeti ti Nzapa - Tënë so amu fini

²⁶ Biani, gi azo so gbia ti Mbongo ayeke te kobe na ala oko laa ayeke sara si lo ti. Ya ti aturugu ti lo ayeke kangbi kirikiri si ala mingi ayeke kui.

Daniel 11:26 ပူးပေါင်းရင်းမြစ်များ

2 Agbia 8:14

Hazael azia Élisée si lo kiri na tere ti kota zo ti lo. Gbia ti Sirii ahunda lo, atene: “Tënë ti nyen laa Élisée atene na mo, nyen?” Hazael akiri tënë: “Lo tene na mbi, lo tene, fade mo yeke ngba na fini!”

Abia (Psaumes) 41:9

Ala yeke tene: “Lo wara sioni kobela awe! So lo lango na gbogbo awe so, lo yeke kiri ti londo pepe!”

Daniel 11:10

‘Fade amolenge ti gbia ti Banga ayeke londo ti sara bira; ala yeke bongbi aturugu gbani gbani. Mbeni oko ti amolenge ni ayeke ga na aturugu ti lo si ala yeke mu akodro mingi. Na kiringo ti gbia ni na kodro ti lo, lo yeke li na ya ti mbeni gbata tongana ngu so asuku si amu ndo kue; lo yeke sara bira na ya ti mbeni gbata so ngangu gbagba ayeke na tere ni.

Daniel 11:22

Aturugu gbani gbani so amu ndo tongana ngu so asuku alingbi ti kinda lo pepe; lo yeke nika ala kue. Lo yeke fâ nga makonzi ti azo ti *mbuki.

Daniel 11:40

‘Na lango ti ndani, gbia ti Mbongo ayeke kiri ti sara bira na lo. Me gbia ti Banga ayeke mu pusu ti bira, na azo ti kpengo na mbarata na amangboko mingi si lo yeke ga na ndö ti lo tongana kota pupu. Lo yeke li na ya ti akodro nde nde; lo yeke li na ya ti mbeni kodro tongana ngu so asuku si amu ndo kue.

Matthieu 26:23

Jésus akiri tënë na ala: “Zo so mbi na lo, e yeke yoro maboko oko na ya ti sembe, lo laa lo yeke ka mbi.

Marc 14:20

Jésus atene na ala: “Ayeke mbeni oko ti adisiple baleoko na use, lo so mbi na lo, e yeke yoro maboko oko na ya ti sembe.

Jean 13:18

Mbi yeke tene tënë so ndali ti ala kue pepe; mbi hinga azo so mbi soro ala. Mbeti ti Nzapa atene: ‘Zo so mbi na lo, e yeke te kobe, lo laa lo yo gere ti lo ti do mbi.’ Alingbi tënë so aga taa-tënë.