Daniel 11:21 - Mbeti ti Nzapa - Tënë so amu fini

²¹ “ ‘Zo so ayeke ga na peko ti lo ayeke duti mbeni mbumbuse zo so azo amu na lo nengo ti gbia pepe. Lo yeke ga na ndembe so siriri ayeke daa si lo yeke mu kodro ni na lege ti sarango aye ti handa.

Daniel 11:21 ပူးပေါင်းရင်းမြစ်များ

Abia (Psaumes) 12:8

KOTA GBIA, mo so mo yeke sara ye alingbi na tënë ti yanga ti mo, fade mo yeke bata e kpu na kpu si mara ti azo tongaso asara sioni na e pepe.

Abia (Psaumes) 15:4

Zo so Nzapa ake tënë ti lo, na le ti lo, lo baa zo ni tongana mbumbuse zo, me lo yeke ne zo so ayeke kpe mbeto ti KOTA GBIA. Tongana lo mu zendo ti sara mbeni ye, ataa so zendo ni ayeke ga na kpale na tere ti lo, lo yeke sara ni.

Abia (Psaumes) 55:21

Zo so asara sioni na amba ti lo awe, amba ti lo so lo na ala aduti na siriri; lo buba ya ti *mbuki ti lo awe.

Ésaïe 32:5

A yeke kiri ti di iri ti zo ti buba pepe, atene “ne-ne zo”. A yeke kiri ti tene na zo ti handango ndo pepe, atene “zo ti nzoni be.”

Daniel 11:20

Zo so ayeke ga gbia na peko ti lo ayeke tokua ande mbeni zo ti nzi aye ti pendere da ti kodro ni. Me lango kete na pekoni, a yeke fâ fini gbia ni; a yeke fâ lo na ngonzo pepe wala na ya ti bira pepe.’ ”

Daniel 11:32

Na lege ti sarango aye ti mayere, fade gbia ni ayeke handa azo ti ke lege ti mbuki ti ala na Nzapa. Me azo so angba na lege ti Nzapa, fade ala ngba ti luti ngangu na ya ti asarango ye ti ala.

Daniel 11:34

Na ndembe ti aye ti ngangu ni so, azo ayeke mu maboko na ala gi kete. Me na lege ti atënë ti handa, azo gbani gbani ayeke bongbi na ala.

Daniel 11:7

Mbeni zo ti sewa ti molenge-wali ni laa ayeke ga gbia na peko ti babâ ti lo. Zo ni ayeke gue ti gi yanga ti aturugu so ayeke na Banga. Lo yeke li taa na ya ti ngangu gbagba ti aturugu ni; lo yeke sara bira na ala si lo yeke kinda ala.

Daniel 4:17

Mo baa keke so akono si aga ngangu, li ni ague ngbii akpo le ti nduzu si azo ti dunia kue alingbi ti baa ni;

Daniel 7:8

So mbi ngba ti gbu li ti mbi na ndö ti adidi ni, mo ye ti baa, mbeni fini didi so ayeke kete ato nda ti sigigi na popo ti adidi ni. Na dawa ti kete didi ni, a gboto didi ota ti akozo didi ni. Le ti fini didi ni ayeke daa tongana ti zo si yanga ni ayeke daa so ayeke tene gba ti atënë ti baba.

Daniel 8:23

Lango ti ala ti dutingo gbia ayeke hunzi si azo ayeke sara siokpari ngbii ahon ndoni. Na pekoni mbeni gbia ayeke londo ande so be ti lo ayeke sioni mingi; zo ti hinga lege ti handango azo tongana lo ayeke daa pepe.

Daniel 8:25

Ndali ti so lo yeke na mayere mingi, lo yeke wara lege ti handa azo. Ndali ti baba so asi be ti lo singo, lo yeke fâ gba ti azo so aduti si ala hinga atene, mbeni sioni ye ayeke ga na ndö ti ala pepe so. Lo yeke londo ti sara bira na Makonzi ti amakonzi. Na ndembe ni so, fade a yeke fâ lo, me zo laa ayeke fâ lo pepe.

Daniel 8:9

“Na ya ti oko ti adidi osio so, mbeni kete didi asigigi daa si aga kota mingi na mbage ti Mbongo, na mbage ti To nga na mbage ti pendere kodro.

Nahum 1:14

Ti mo, gbia ti Ninive, yanga so KOTA GBIA amu na ndö ti mo ayeke so: “Mbeni *hale ti mo oko ti sara si iri ti mo angba na gigi ayeke duti daa pepe. Ayanda so mo leke na keke nga na wen si ayeke na ya ti da ti anzapa ti mo so, fade mbi yeke buba ni kue. Mbi yeke leke du ti kuâ ti mo, ngbanga ti so mo kiri mo ne na le ti mbi pepe.”

1 Samuel 3:13

Mbi tene na Heli, mbi tene, fade mbi yeke fâ ngbanga na li ti azo ti sewa ti lo lakue ndali ti sioni so amolenge ti lo asara: lo hinga kue atene, ala yeke zonga Nzapa, me lo kanga lege na ala pepe.