Daniel 11:19 - Mbeti ti Nzapa - Tënë so amu fini

¹⁹ Gbia ti Banga ayeke zia le ti lo na mbage ti agbata ti kodro ti lo wani so angangu gbagba ayeke na tere ni. Me lo yeke baa nzoni daa pepe; lo yeke kui si zo ayeke kiri ti baa lo pepe.

Daniel 11:19 ပူးပေါင်းရင်းမြစ်များ

Mbeti ti Job 20:8

Lo yeke hon tongana bango-li, zo ayeke kiri ti wara lo pepe; lo girisa tongana mbeni ye so zo abaa na ya ti bango-li.

Mbeti ti Job 34:24

Lo yeke kinda angangu gbia, lo hunda nda ni pepe, lo yeke zia ambeni zo nde na plase ti ala.

Abia (Psaumes) 27:2

Tongana azo ti sioni aga ti tiri na mbi, ti doroko mbi tongana nyama ti ala, ala so ayeke awato ti mbi, ala so ake mbi, fade ala wani ayeke woko si ala ti na sese.

Abia (Psaumes) 37:35

Mbi baa zo ti sioni so amu ngangu ti lo ti sara gi sioni na azo; lo kono ngbii lo ga tongana kota keke so angba fini ni.

Abia (Psaumes) 37:36

Me lo hon awe, lo yeke daa mbeni pepe; mbi gi lo, me mbi wara lo pepe.

Ésaïe 24:20

Sese ayeke hon mbage na mbage tongana zo so samba ahon ndö ti lo, ayeke yingi tongana mbeni kete da. Siokpari ti azo ane na ndö ti lo si lo ti, lo lingbi ti londo pepe.

Jérémie 46:6

Zo so ahinga ti kpe loro mingi, lo lingbi ti kpe pepe ti hon! Zo so ayeke ngangu zo ti bira, lo lingbi ti soo fini ti lo pepe! Kâ na Banga, na yanga ti bale ti Efrate, ala pika gere ti ala, ala ti.

Ezekiel 26:21

Mbi yeke sara titene tere ti azo kue ado na mbeto ndali ti mo, ngbanga ti so mo yeke daa mbeni pepe. Azo ayeke gi mo, me zo oko ayeke wara mo laoko pepe. So tënë ti yanga Kota Gbia NZAPA laa.”

Daniel 11:7

Mbeni zo ti sewa ti molenge-wali ni laa ayeke ga gbia na peko ti babâ ti lo. Zo ni ayeke gue ti gi yanga ti aturugu so ayeke na Banga. Lo yeke li taa na ya ti ngangu gbagba ti aturugu ni; lo yeke sara bira na ala si lo yeke kinda ala.