Daniel 11:16 - Mbeti ti Nzapa - Tënë so amu fini

¹⁶ Zo so ayeke ga ti mu kodro ni ayeke sara ye tongana ti so be ti lo aye, ngbanga ti so zo ti kanga lege na lo ayeke daa pepe. Lo yeke duti na ya ti pendere kodro ni si lo yeke buba aye kue.

Daniel 11:16 ပူးပေါင်းရင်းမြစ်များ

Ésaïe 8:8

Ngu ni ayeke sua na ya ti kodro ti Juda, ayeke suku, ayeke mu ya ti kodro ni, ayeke suku ngbii agbu zo na go ti lo. Ngu ni ayeke suku mbage na mbage si ayeke mu ndö ti kodro ti mo kue, Emmanuel.”

Jérémie 3:19

“Mbi tene na be ti mbi, mbi tene: Ae, mbi ye fade ti zia mo na kota ndo na popo ti amolenge ti mbi! Mbi ye fade ti mu na mo pendere kodro so ayeke pendere mingi ahon akodro ti dunia kue! Mbi ye fade ti mu kodro ni titene aga ye ti mo. Mbi tene nga na be ti mbi, mbi tene: Fade mo yeke di iri ti mbi ‘Babâ’, mo yeke kiri ti zia peko ti mo na mbi pepe.

Daniel 11:3

Me kâ na Grese, mbeni ngangu gbia ayeke londo; komandema ti lo ayeke duti ngangu si lo yeke sara ye so be ti lo aye.

Daniel 11:36

‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.

Daniel 11:41

Lo yeke li na ya ti pendere kodro ni. Kâ, fade azo mingi ayeke kui. Me azo ti kodro ti Edom, ti Moab na akpengba zo ti mara ti Amon laa ayeke kpe na maboko ti lo.

Daniel 11:45

Fade lo yeke zia ada ti lo ti bongo ti gbia na popo ti kota ngu-ingo na hoto so ayeke nde si ayeke nzoni kue si ayeke na pendere kodro. Na ndo so laa lango ti lo ayeke hunzi, me zo oko ayeke mu maboko na lo pepe.’ ”

Daniel 5:19

Ndali ti so Nzapa asara si lo ga kota zo mingi, azo kue, azo ti amara nde nde kue na azo ti ayanga ti kodro nde nde kue ayeke do na mbeto na le ti lo. Lo yeke fâ zo so be ti lo aye si lo yeke zia zo so be ti lo aye ti ngba na fini; lo yeke zia na kota ndo zo so be ti lo aye si lo yeke zia na kete ndo zo so be ti lo aye.

Daniel 8:4

Mbi baa koli-taba ni ayeke pika ye na didi ti lo na mbage ti Do, na mbage ti Banga nga na mbage ti Mbongo. Mbeni nyama so alingbi ti gbu le ni na lo ayeke daa pepe; mbeni zo so alingbi ti zi zo na maboko ti lo ayeke daa pepe. Koli-taba ni ayeke sara gi ye so be ti lo aye si lo yeke kono lakue.

Daniel 8:7

Mbi baa lo ga nduru na tere ti koli-taba ni; ngonzo alondo na be ti lo tongana wâ na tere ti lo. Lo pika koli-taba ni si lo fâ adidi ti lo use so. Me koli-taba ni ayeke na ngangu pepe ti gbu le ni na koli-ngasa ni. Lo bi lo na sese, lo do lo si zo oko so alingbi ti zi koli-taba ni na gbe ti koli-ngasa ni ayeke daa pepe.

Daniel 8:9

“Na ya ti oko ti adidi osio so, mbeni kete didi asigigi daa si aga kota mingi na mbage ti Mbongo, na mbage ti To nga na mbage ti pendere kodro.

Josué 1:5

Na lango so kue mo ngba na fini, fade mbeni zo ti gbu le ni na mo ayeke daa pepe. Fade mbi yeke na mo tongana ti so mbi yeke ando na Moïse; mbi yeke do mo ti zia mo pepe, mbi yeke zia mo oko pepe.