Daniel 11:15 - Mbeti ti Nzapa - Tënë so amu fini

¹⁵ Gbia ti Banga ayeke ga, lo yeke bongbi sese aga *koto na tere ti mbeni gbata so ngangu gbagba ayeke na tere ni si lo yeke mu gbata ni. Aturugu ti Mbongo, ataa so ala yeke akpengba turugu mingi, ala yeke gbu le ni na lo pepe, ngbanga ti so ngangu ti ala alingbi pepe.

Daniel 11:15 ပူးပေါင်းရင်းမြစ်များ

Jérémie 33:4

Biani, tënë so KOTA GBIA, Nzapa ti Israel atene ndali ti ada ti gbata so nga ndali ti ada ti agbia ti Juda so azo akungbi na sese ti kanga lege na sese so awato abongbi si aga *koto, ndali ti bira ayeke so:

Jérémie 5:10

Ala mondee na li ti agbagba ti azo ti mara ni, ala buba aye; me ala buba ye kue pepe! Ala fâ gi amaboko ti *vinye ti azo ni; amaboko ni so ayeke ti KOTA GBIA pepe.

Jérémie 52:4

Na nze baleoko ni ti ngu gumbaya ni so Sedesias ayeke le-gbia, Nabukodonosor, gbia ti Babilone, lo na aturugu ti lo kue aga ti sara bira na Jérusalem. Lo sara bâbâ ti lo na tere ti gbata ni; azo ti lo abongbi sese aga *koto na tere ti gbagba ti gbata ni, angoro ni kue.

Jérémie 6:6

Tënë so *KOTA GBIA so ayeke na ndö ti dunia kue atene ayeke so: “Ala de akeke na sese, ala bongbi sese aga *koto na tere ti Jérusalem.” Nda ti gbata ni asigigi awe: na ya ni kue, gi sarango ngangu na zo.

Ezekiel 17:17

Na ndembe ti bira ni, na ndembe so azo ti Babilone ayeke bongbi sese na tere ti gbagba titene aga *koto si ala yeke zi adu na gbe ti gbagba ni ti fâ na gba ti azo, ataa Faraon ti Ezipte aga na gba ti aturugu nga na gba ti azo, lo yeke sara ye oko pepe ndali ti gbia ti Israel.

Ezekiel 4:2

Na pekoni, mo leke ambeni ye so afa atene, awato angoro gbata ni ti mu na bira; mo koro du na gbe ti sese na tere ni kue, mo bongbi sese aga *koto na tere ni, mo zia abâbâ ti aturugu nga na amasini ti bira angoro ni kue.

Daniel 11:14

Na ngoi ni kâ, azo gbani gbani ayeke londo ti tiri bira na gbia ti Mbongo. Ataa ambeni zo ti mara ti mo Daniel, ala so kua ti ala ayeke ti sarango ngangu na azo, ala yeke londo nga ti tiri bira na gbia ni ti sara si ye so azo abaa na ya ti mbeni ye tongana bango-li aga taa-tënë; me a yeke kinda ala.

Daniel 11:6

Ngu kete na pekoni, ala yeke ga ambuki: molenge ti gbia ti Mbongo ayeke ga wali ti gbia ti Banga ti sara si songo aduti na popo ti ala. Me molenge ni ayeke bata komandema ti lo ni pepe. Koli ti lo ayeke ngba na fini pepe; molenge ti ala nga ayeke ngba na fini pepe. Lo nga, lo yeke kui na ngoi ni kâ, lo na azo so ague na peko ti lo nga na babâ ti lo na koli ti lo.

Daniel 8:7

Mbi baa lo ga nduru na tere ti koli-taba ni; ngonzo alondo na be ti lo tongana wâ na tere ti lo. Lo pika koli-taba ni si lo fâ adidi ti lo use so. Me koli-taba ni ayeke na ngangu pepe ti gbu le ni na koli-ngasa ni. Lo bi lo na sese, lo do lo si zo oko so alingbi ti zi koli-taba ni na gbe ti koli-ngasa ni ayeke daa pepe.

Josué 1:5

Na lango so kue mo ngba na fini, fade mbeni zo ti gbu le ni na mo ayeke daa pepe. Fade mbi yeke na mo tongana ti so mbi yeke ando na Moïse; mbi yeke do mo ti zia mo pepe, mbi yeke zia mo oko pepe.