Daniel 11:12 - Mbeti ti Nzapa - Tënë so amu fini

¹² So gbia ti Mbongo abaa atene ni kinda azo gbani gbani awe, baba ayeke hon ndö ti lo. Me ataa so lo yeke fâ aturugu kutu kutu, lo yeke so benda pepe.

Daniel 11:12 ပူးပေါင်းရင်းမြစ်များ

2 Agbia 14:10

Yoas akiri atene: “Mo fâ azo ti Edom awe si mo yeke pika kate ti mo. Mo lingbi ti gonda tere ti mo senge, me ayeke nzoni mo ngba na ndo ti mo! Ngbanga ti nyen si mo ye ti to nda ti bira so ayeke ga ande kpale na ndö ti mo, titene a fâ mo si a fâ nga aturugu ti Juda so?”

2 Mbai 25:19

Yoas akiri atene: “Taa-tënë, mo fâ azo ti Edom awe; mo yeke pika kate ti mo si mo yeke gonda tere ti mo. Me ayeke nzoni titene mo ngba na ndo ti mo fadeso! Ngbanga ti nyen si mo ye ti to nda ti bira so ayeke ga ande kpale na ndö ti mo, titene a fâ mo si a fâ nga aturugu ti Juda so?”

2 Mbai 26:16

Ndali ti so lo ga ngangu awe, lo ga zo ti baba; baba ni ague na lo ngbii abuba lo. Lo ga zo ti ke KOTA GBIA, Nzapa ti lo si mbeni lâ, lo li na ya ti kota da ti KOTA GBIA ti zö dukani na ndö ti gbalaka.

2 Mbai 32:25

Me Ezekias ahinga pepe nzoni so KOTA GBIA asara na lo. Baba ahon ndö ti lo si ndali ti baba ni, lo sara si ngonzo ti KOTA GBIA ati na ndö ti lo, na ndö ti kodro-gbia ti Juda nga na ndö ti gbata ti Jérusalem.

Amato 16:18

Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

Ezekiel 28:17

Be ti mo asuku na baba ndali ti pendere ti mo; mo zia lege na anzoni ye so mo wara ti buba ndara ti mo. Ndani laa, mbi bi mo na sese, mbi zia mo titene mo ga ye ti ngia na le ti agbia.

Ezekiel 28:2

“*Molenge ti zo, tene na makonzi ti Tir, mo tene: Tënë so Kota Gbia NZAPA atene ayeke so: Be ti mo asuku na baba si mo tene: ‘Mbi yeke nzapa, mbi duti na ndö ti mbata ti gbia na popo ti anzapa na be ti kota ngu-ingo.’ Mo tene na be ti mo, mo tene, mo lingbi na nzapa, andaa mo yeke gi senge zo, mo yeke nzapa pepe.

Ezekiel 28:5

Na lege ti kota mayere ti mo na ya ti dengo buze, mo kiri mo wara gba ti mosoro ahon ndoni. Tongaso, be ti mo asuku na baba.

Daniel 11:11

Ngonzo ayeke gbu gbia ti Mbongo sioni sioni si lo yeke gue ti sara bira na gbia ti Banga. Gbia ti Banga ayeke bongbi aturugu gbani gbani, me ala yeke ti na gbe ti gbia ti Mbongo.

Daniel 11:13

Gbia ti Banga ayeke kiri ti bongbi aturugu gbani gbani ahon ti kozo. Na peko ti ngu mingi, lo yeke mu gba ti aturugu na akungba ti bira mingi ti ga na ni.

Daniel 5:23

Mo londo ti ke Nzapa so ayeke na yayu: azo ague, amu aye ti da ti lo aga na ni si mo na akota zo ti mo, na awali ti mo so mo ne ala mingi nga na ala so mo ne ala mingi pepe, ala tuku samba na ya ni, ala nyon. Na pekoni, mo gonda anzapa so a sara na wen ti nginza na lôro, ala so a sara na bengba wen, na wen, na keke nga na têne. Anzapa ni ayeke baa ndo pepe, ala yeke ma tënë pepe si ala hinga ye pepe. Me mo ke ti gonda Nzapa so pupu ti ya ti mo ayeke na maboko ti lo si lo yeke bata tambula ti mo.

Daniel 8:25

Ndali ti so lo yeke na mayere mingi, lo yeke wara lege ti handa azo. Ndali ti baba so asi be ti lo singo, lo yeke fâ gba ti azo so aduti si ala hinga atene, mbeni sioni ye ayeke ga na ndö ti ala pepe so. Lo yeke londo ti sara bira na Makonzi ti amakonzi. Na ndembe ni so, fade a yeke fâ lo, me zo laa ayeke fâ lo pepe.

Ndia ti fani use ni 8:14

Tongana ala wara aye tongaso, ala sara hange si ala ga azo ti baba pepe; be ti ala agirisa na KOTA GBIA Nzapa ti ala pepe, lo so lo sara si ala sigigi na Ezipte, ndo so lani ala yeke angbaa daa.

1 Timothée 3:6

Alingbi zo ti li ti Eglize ayeke zo so ama na be fini fini pepe; tongaso pepe, fade baba ayeke hon ndö ti lo si Nzapa ayeke fâ ngbanga na li ti lo tongana ti so lo fâ na li ti Zabolo.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”