Daniel 11:11 - Mbeti ti Nzapa - Tënë so amu fini

¹¹ Ngonzo ayeke gbu gbia ti Mbongo sioni sioni si lo yeke gue ti sara bira na gbia ti Banga. Gbia ti Banga ayeke bongbi aturugu gbani gbani, me ala yeke ti na gbe ti gbia ti Mbongo.

Daniel 11:11 ပူးပေါင်းရင်းမြစ်များ

1 Agbia 20:13

Tongaso mbeni wayanga-Nzapa aga abaa Akab, gbia ti Israel si atene na lo: “Tënë so *KOTA GBIA atene ayeke so: ‘Mo baa gba ti aturugu so? Gi laso laso, mbi yeke zia ala na maboko ti mo, tongaso si mo hinga, mo tene, mbi laa mbi yeke KOTA GBIA.’ ”

1 Agbia 20:28

Wayanga-Nzapa akiri aga abaa Akab, gbia ti Israel, lo tene: “Tënë so KOTA GBIA atene ayeke so: ‘Ndali ti so azo ti Sirii atene mbi KOTA GBIA, mbi yeke Nzapa ti ahoto, me Nzapa ti kpangbara sese pepe, fade mbi yeke zia gba ti azo so na maboko ti mo. Tongaso si ala azo ti Israel, ala hinga atene, mbi yeke KOTA GBIA.’ ”

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Jérémie 27:6

Fadeso, mbi zia akodro so kue na maboko ti zo ti kua ti mbi Nabukodonosor, gbia ti Babilone. Ataa anyama ti ngonda, mbi mu ala na lo titene ala sara kua na lo.

Daniel 11:12

So gbia ti Mbongo abaa atene ni kinda azo gbani gbani awe, baba ayeke hon ndö ti lo. Me ataa so lo yeke fâ aturugu kutu kutu, lo yeke so benda pepe.

Daniel 11:40

‘Na lango ti ndani, gbia ti Mbongo ayeke kiri ti sara bira na lo. Me gbia ti Banga ayeke mu pusu ti bira, na azo ti kpengo na mbarata na amangboko mingi si lo yeke ga na ndö ti lo tongana kota pupu. Lo yeke li na ya ti akodro nde nde; lo yeke li na ya ti mbeni kodro tongana ngu so asuku si amu ndo kue.

Daniel 11:44

Me ambeni sango ayeke londo na mbage ti To nga na mbage ti Banga; asango ni ayeke zia kota mbeto na be ti lo. Nilaa ngonzo ti wâ ayeke londo na be ti lo si lo yeke gue ti fâ azo gbani gbani ti hunzi ala kue.

Daniel 11:5

‘Fade gbia so ayeke na Mbongo ayeke ga ngangu. Me mbeni turugu ti kota kamba ti lo oko ayeke duti ngangu ahon lo; komandema ti turugu ni ayeke hon ti gbia ni.

Daniel 2:38

Lo zia na gbe ti komandema ti mo azo, anyama ti ngonda na andeke ti nduzu na ndo so kue ala yeke daa. Lo zia mo na li ti ala kue. Mo laa mo yeke li ni so ayeke na lôro so!

Daniel 8:7

Mbi baa lo ga nduru na tere ti koli-taba ni; ngonzo alondo na be ti lo tongana wâ na tere ti lo. Lo pika koli-taba ni si lo fâ adidi ti lo use so. Me koli-taba ni ayeke na ngangu pepe ti gbu le ni na koli-ngasa ni. Lo bi lo na sese, lo do lo si zo oko so alingbi ti zi koli-taba ni na gbe ti koli-ngasa ni ayeke daa pepe.