Daniel 10:6 - Mbeti ti Nzapa - Tënë so amu fini

⁶ Tere ti lo ayeke tongana têne ti ngere ngangu so a iri ni krizolite; le ti lo aza tongana wâ ti bekpa; le so lo yeke baa na ndo ayeke tongana *tanda so aza wâ; maboko ti lo na gere ti lo aza mingi tongana bengba wen so akpaka tere ni. Tongana lo tene tënë, mo baa mo tene gba ti azo laa ayeke tene tënë.

Daniel 10:6 ပူးပေါင်းရင်းမြစ်များ

Sigingo 28:20

Na osio molongo ni, ala yeke zia krizolite, kornaline na zaspe. Ala yeke zia têne oko oko na ya ti kadere so a sara na lôro.

B. ti abia 5:14

Maboko ti lo ayeke tongana aye ti maboko ti lôro so a zia topaze na tere ni. Tere ti lo ayeke tongana pembe ti doli so a zia safir na tere ni.

Ezekiel 1:14

Aye so ayeke na fini so ague na loro asi na li ni, akiri na peko tongana wâ ti bekpa.

Ezekiel 1:16

Aruu ni osio kue akpa tere si tere ti ala ayeke za tongana têne ti krizolite. Na bango aruu ni, mo baa mo tene, ala li na ya ti amba ti ala si ala gbu tere.

Ezekiel 1:24

Tongana aye ni ayeke tambula, mbi yeke ma toto ti akpangi ti ala. Toto ni ayeke tongana toto ti kota ngu-ingo; akpa go ti KOTA GBIA so ngangu ti lo ahon angangu kue; akpa wuluwulu ti gba ti aturugu. Tongana aye so ayeke na fini aluti, ala yeke kiri na akpangi ti ala na tere ti ala.

Ezekiel 1:7

Angbongo ti ala aluti mbirimbiri, agere ti ala akpa sokoto ti bagara si ayeke za zango tongana bengba wen so a kpaka ni.

Ezekiel 10:9

Mbi baa ndo: na tere ti asheruben ni, aruu osio ayeke daa; ruu oko na tere ti sheruben oko, ruu oko na tere ti sheruben oko. Aruu ni so ayeke za tongana têne ti krizolite.

Ezekiel 40:3

KOTA GBIA amu mbi, ague na mbi kâ si mbi baa mbeni koli so tere ti lo ayeke tongana bengba wen, lo luti lutingo na tere ti yanga ti gbagba. Lo gbu na maboko ti lo aye use ti hakango na ye: mbeni kamba so a sara na *len nga na mbeni keke.

Ezekiel 8:2

Na ya ti mbeni ye tongana bango-li, mbi baa mbeni zo so akpa wâ. Ti londo na ye so akpa ngbonda ti lo asi na gbeni, tere ti lo ayeke za tongana wâ; ti londo na ngbonda ti lo asi na nduzu, tere ti lo ayeke za ngrengre tongana lôro so a yoro ni na ya ti wâ.

Matthieu 17:2

Tere ti Jésus akiri aga nde na le ti ala: ndö ti le ti lo aza tongana lâ, abongo ti lo avuru si ayeke za zango.

Matthieu 28:3

Tere ti lo ayeke za tongana wâ ti bekpa si bongo ti lo avuru ahon ndoni.

Nzoni Tënë so Luc asu na mbeti 9:29

So lo yeke sambela, le ti lo aga nde si bongo ti lo avuru aza tongana wâ ti bekpa.

Aye so Nzapa afa 10:1

Mbi kiri mbi baa mbeni ngangu *ange, lo londo na yayu si lo yeke zu. Lo yu mbinda na tere ti lo tongana bongo, *kongö angoro li ti lo; le ti lo ayeke tongana lâ, angbongboro gere ti lo tongana menga ti wâ.

Aye so Nzapa afa 19:12

Le ti lo ti bango na ndo ayeke za tongana menga ti wâ, akpoto mingi ti gbia ayeke na li ti lo. A su mbeni iri na tere ti lo so zo oko ahinga nda ni pepe, me gi lo oko.

Aye so Nzapa afa 2:18

“Su mbeti so, mo tokua na *ange so ayeke na li ti *Eglize ti gbata ti Tiatire: “Molenge ti Nzapa, lo so le ti lo ti bango na ndo aza tongana menga ti wâ si agere ti lo akpa bengba wen so a kpaka ni si aza zango, lo tene:

Aye so Nzapa afa 21:20

oku gere ni na oniks, omene gere ni na sardoane, mbarambara gere ni na krizolite, miombe gere ni na berile, gumbaya gere ni na topaze, baleoko gere ni na krizopraze, baleoko na oko gere ni na turkoaze, baleoko na use gere ni na ametiste.