Daniel 10:16 - Mbeti ti Nzapa - Tënë so amu fini

¹⁶ Me mbeni ye so akpa zo andu poro ti yanga ti mbi; yanga ti mbi azi si mbi to nda ti tene tënë. Mbi tene na zo so aluti na dawa ti mbi so, mbi tene: ‘Babâ, ye so mbi baa tongana bango-li so asara si be ti mbi ayeke na siriri pepe; mbi woko kue awe.

Daniel 10:16 ပူးပေါင်းရင်းမြစ်များ

Sigingo 4:10

Moïse atene na KOTA GBIA: “KOTA GBIA, mbi gbu gere ti mo! Ngbene ye ngbii asi laso, ataa so mo ngba ti tene tënë na mbi fadeso, mbi hinga ti tene tënë nzoni pepe. Yanga ti mbi na menga ti mbi ane nengo na tenengo tënë.”

Sigingo 4:13

Moïse atene: “KOTA GBIA, mbi gbu gere ti mo! Tokua mbeni zo nde so mo ye!”

Zo ti bongbingo azo 1:18

Zo so ayeke na ndara mingi, lo yeke na vundu mingi. Zo so ayeke gi hingango ndo mingi, pasi ti lo ayeke ga mingi.

Ésaïe 6:7

Lo ndu yanga ti mbi na le ti wâ ni si lo tene: “Gi so ye so andu yanga ti mo awe, a zi sioni ti mo awe, a zi siokpari na li ti mo awe.”

Jérémie 1:9

Na pekoni, KOTA GBIA ayoro maboko ti lo, lo ndu yanga ti mbi si lo tene: “Baa, mbi zia tënë ti mbi na yanga ti mo.

Ezekiel 1:26

Na ndö ti ye ni so kâ, mbi kiri mbi baa mbeni ye so ayeke tongana têne ti safir; ye ni akpa mbata ti gbia. Na ndö ti mbata ni, taa na mbage ti li ni, mbeni ye ayeke daa so akpa zo.

Ezekiel 3:27

Mbeni lâ, tongana mbi yeke na mbeni tënë ti tene na ala na lege ti mo, fade mbi yeke zi yanga ti mo si mo tene na ala, mo tene: ‘Tënë so Kota Gbia NZAPA atene ayeke so.’ Zo so aye ti ma, ayeke nzoni lo ma; zo so ake ti ma, ayeke nzoni lo ke ti ma! Biani, ala yeke azo ti mara ti ngangu li.”

Ezekiel 33:22

Na lakui, kozoni si zo so asi, maboko ti KOTA GBIA ayeke na ndö ti mbi. Na ndade ni, na ndaperere, tongana zo ni asi, andaa Nzapa azi yanga ti mbi awe, mbi yeke buburu mbeni pepe.

Daniel 12:8

“Mbi Daniel, mbi ma tënë so, me mbi hinga nda ni pepe. Ndani laa mbi hunda ndo, mbi tene: ‘Babâ, aye so kue ayeke hunzi ande tongana nyen?’

Daniel 4:19

Gbia, keke so ayeke mo, ngbanga ti so mo ga kota si mo ga ngangu; kota ti mo ni ague ngbii akpo le ti nduzu si ngangu ti mo ti sara komandema asi na nda ti sese kue.

Daniel 7:15

“Mbi Daniel, be ti mbi afun kue ndali ti abango-li so; aye so mbi baa azia mbeto mingi na be ti mbi.

Daniel 7:28

“Tënë ni ahunzi na ndo so. Me ti mbi Daniel, be ti mbi agi mbi mingi, mbi woko kue si mbi ngba ti gbu li ti mbi daa.”

Daniel 8:15

“So mbi Daniel, mbi ngba ti baa ye so na ya ti mbeni ye tongana bango-li si mbi ye ti hinga nda ni, mbeni zo so akpa koli aga aluti na le ti mbi.

Daniel 8:17

Gabriel aga na tere ti mbi na ndo so mbi yeke daa so. Mbeto agbu mbi mingi tongana lo yeke ga nduru na mbi. Mbi ti mbi kpo li ti mbi na sese. Me lo tene na mbi, lo tene: ‘Daniel, mo yeke gi senge zo. Ayeke nzoni mo hinga, mo tene, ye so mo baa na ya ti mbeni ye tongana bango-li so abaa tënë ti lango ti ndani.’

Daniel 8:18

So Gabriel angba ti tene tënë na mbi, le ti mbi ayeke gi na sese si mbi hon na ndö ti yingo ti mbi. Lo ndu mbi si lo yo mbi na nduzu na ndo so mbi yeke daa.

Daniel 8:27

Tongaso, mbi Daniel, mbi woko kue si mbi ti na kobela aninga lango kete. Na pekoni, so tere ti mbi akai awe, mbi kiri na kua so gbia amu na mbi. Mbeto asara mbi mingi ndali ti ye so mbi baa na ya ti mbeni ye tongana bango-li so, ngbanga ti so mbi ma ya ni pepe.”

Daniel 9:21

So mbi ngba ti sambela, Gabriel, koli so mbi baa lo na ya ti kozo ye tongana bango-li so, ahuru hio na le ti nduzu si asi nduru na tere ti mbi. Lo si na tere ti mbi na ndembe so a yeke mu *sandaga ti peko ti bekombite.

Nzoni Tënë so Luc asu na mbeti 1:64

Gi na pekoni, yanga ti Zakarii azi, lo to nda ti tene tënë si lo gonda Nzapa.

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Jean 20:28

Thomas akiri tënë na lo, atene: “*Kota Gbia ti mbi na Nzapa ti mbi!”

Josué 5:14

Koli ni akiri tënë: “Mbi yeke na mbage ti zo oko pepe; me mbi yeke makonzi ti aturugu ti *KOTA GBIA. Gango ti mbi laa.” Tongaso Josué ati, lo kpo li ti lo na sese si lo tene: “Nyen laa kota zo ti mbi aye ti tene na mbi, zo ti gbe ti lo?”

Aye so Nzapa afa 1:13

Na popo ti agere ti lamba ni, mbi baa lo so akpa zo. Lo yu mbeni yongoro bongo, lo kanga na kate ti lo kamba ti ndö ti bongo so a sara na lôro.

Awafango-ngbanga 13:8

Tongaso, Manoa asambela KOTA GBIA, lo tene: “KOTA GBIA, mbi gbu gere ti mo, zia zo ti Nzapa so mo tokua lo so akiri aga na tere ti e titene lo fa na e ye so e lingbi ti sara na molenge-koli so e yeke du ande so.”

Awafango-ngbanga 6:13

Gédéon atene na lo: “Babâ, mbi gbu gere ti mo! Tongana KOTA GBIA ayeke na e, ngbanga ti nyen laa aye so kue asi na e? Aye ti dongo be so lo sara si akotara ti e atene tënë ni ando so ayeke na ndo wa? Ala yeke tene ka na e biani, ala tene: ‘KOTA GBIA laa asara si e sigigi na sese ti Ezipte!’ Fadeso, KOTA GBIA ado e azia awe; lo zia e na maboko ti azo ti Madian!”

Awafango-ngbanga 6:15

Gédéon akiri tënë na lo: “Kota Gbia, mbi gbu gere ti mo! Fade mbi yeke soo azo ti Israel ni tongana nyen? Mara ti mbi ayeke kete mara na popo ti mara ti Manase. Ti mbi, mbi yeke gi ndangba molenge ti ya ti sewa ti mbi.”