Daniel 10:13 - Mbeti ti Nzapa - Tënë so amu fini

¹³ Me *ange so ayeke bata kodro ti Perse agbanzi lege na mbi na ya ti lango baleuse na oko. Na pekoni, Michel, oko ti akota makonzi ti a-ange aga ti mu maboko na mbi. Tongaso mbi ngba kâ na tere ti agbia ti Perse.

Daniel 10:13 ပူးပေါင်းရင်းမြစ်များ

Esdras 4:24

Na Jérusalem, akua ti lekengo kota da ti Nzapa aluti; akua ni aluti ngbii asi na ngu use ni so Darius ayeke gbia ti Perse.

Daniel 12:1

“*Ange ni akiri atene na mbi: ‘Na ngoi ni kâ, Michel, kota makonzi ti a-ange so ayeke bata azo ti mara ti mo ayeke si. Fade ngoi ni ayeke duti ngoi ti ngangu. Ti londo na ngoi so amara nde abaa gigi ngbii asi na lâ ni kâ, mara ti ngoi so ade ti duti daa laoko pepe. Na ngoi ni so, fade azo ti mara ti mo, ala so a su iri ti ala na mbeti ti fini, ayeke soo kuâ.

Efeze 6:12

Biani, e yeke tiri bira ni na azo pepe, me na ayingo so ayeke na komandema, ala so ayeke na ngangu na ndö ti dunia so ayeke na ya ti vukongo ndo, so ti tene asioni yingo so ayeke na le ti nduzu.

Kolose 2:10

Na lege ti Christ so ayeke na li ti ayingo so kue ayeke na komandema, ala wara fini so ye oko atia na ya ni pepe.

1 Tesalonike 2:18

Ndani laa, e ye ti gue na ndo ti ala kâ; mbi Paul, mbi gi lege fani mingi ti gue kâ, me Satan akanga lege na e.

1 Pierre 3:22

Lo gue na yayu, lo duti na tere ti Nzapa na mbage ti maboko ti lo ti koli si *a-ange, ayingo so ayeke na komandema na ala so ayeke na ngangu ayeke na gbe ti lo.

Jude 1:9

Ataa Michel, makonzi ti a-ange asara mara ti ye so laoko pepe. Ando, tënë alondo na popo ti lo na Zabolo si ala yeke papa ndali ti mungo kuâ ti Moïse. Me titene lo fâ ngbanga ti sioni na li ti Zabolo, Michel abaa tere ti lo tongana zo so akpa pepe. Gi tënë so lo tene na Zabolo ayeke so: “Ayeke nzoni Kota Gbia afâ ngbanga na li ti mo!”

Aye so Nzapa afa 12:7

Na yayu kâ, mbeni kota bira alondo. Michel na a-ange ti lo atiri na sioni nyama ni. Sioni nyama ni nga amu *a-ange ti lo na tere ti lo ti tiri na bira ni.