Daniel 10:12 - Mbeti ti Nzapa - Tënë so amu fini

¹² Lo kiri lo tene: ‘Daniel, sara mbeto pepe. Ti londo na kozo lango so lani mo mu be ti mo titene mo hinga ye so asi si mo sara tere ti mo kete so, Nzapa ama sambela ti mo awe. Nilaa mbi ga na mbage ti mo ti kiri tënë na mo.

Daniel 10:12 ပူးပေါင်းရင်းမြစ်များ

Abia (Psaumes) 69:10

Biani, nzara ti da ti mo agbi mbi tongana wâ, zongango so azo azonga mo ati na ndö ti mbi.

Ésaïe 35:4

Ala tene na azo so be ti ala awoko so, atene: “Ala gbu ngangu, ala sara mbeto pepe! Baa, Nzapa ti ala laa. Lo ga ti kiri peko ti sioni na azo so asara sioni, ti futa awato ti ala ndali ti sioni so awato ni asara na ala. Lo wani, lo ga ti soo ala.”

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 41:14

“Jacob, sara mbeto pepe, mo so mo yeke tongana ngusu, Israel, mo so mo yeke tongana makongo. Mbi yeke ga ti mu na mo maboko, so tënë ti yanga ti *KOTA GBIA laa. Mbi laa mbi yeke zi mo, mbi Nzapa ti Israel so mbi yeke nde si mbi yeke nzoni kue.

Ésaïe 58:9

Na ndembe so mo yeke iri ndo, KOTA GBIA ayeke yeda; na ndembe so mo yeke dekongo, lo yeke tene: “Mbi laa!” Tongana mo zi zuge na ya ti kodro ti mo, tongana mo zia ti yoro maboko na le ti azo, tongana mo zia ti tene sioni tënë na iri ti azo,

Ésaïe 65:24

Kozo titene ala di iri ti mbi, mbi, mbi yeke kiri tënë na ala; tënë angba ngbango na yanga ti ala, mbi ma ala awe.

Daniel 10:11

Zo ni atene na mbi, atene: ‘Daniel, mo so Nzapa aye mo mingi: mo ma ya ti tënë so nzoni. Mo luti na nduzu mbirimbiri, ngbanga ti so a tokua mbi fadeso na mo.’ Gi so lo tene tënë so na mbi, mbi luti na nduzu, tere ti mbi ayeke do.

Daniel 10:19

Na pekoni, lo tene na mbi, lo tene: ‘Mo koli so Nzapa aye lo mingi so, mo sara mbeto pepe! Ayeke nzoni mo duti na siriri! Wara ngangu, kpengba tere ti mo!’ So lo yeke tene tënë na mbi, ngangu ti mbi ato nda ti ga daa si mbi tene na lo, mbi tene: ‘Babâ, mo lingbi ti tene tënë senge, ngbanga ti so mo mu na mbi ngangu awe.’

Awayango-sandaga 16:29

“So ayeke mbeni ndia so ayeke ngba kpu na kpu ndali ti ala: na lango baleoko ti nze mbarambara ni, fade ala yeke ke kobe ti sambela, ala yeke sara kua oko pepe, ataa ala azo ti Israel, ataa awande so aduti na popo ti ala.

Awayango-sandaga 16:31

Lango ni so ayeke *lango ti wungo tere, lango so ala yeke wu tere ti ala si ala yeke ke kobe. Ndia so ayeke ngba kpu na kpu.

Wungo ti azo 29:7

“Na lango baleoko ti nze mbarambara ni, ala yeke bongbi tere ti ala ti voro KOTA GBIA; ala yeke ke kobe, ala yeke sara nga mbeni kua oko pepe.

Matthieu 28:10

Tongaso Jésus atene na ala: “Mbeto asara ala pepe. Ala gue, atene na a-ita ti mbi ti gue na Galile: kâ laa ala yeke baa ande mbi.”

Matthieu 28:5

Me ange ni atene na awali ni: “Mbeto asara ala pepe; mbi hinga so ala yeke gi Jésus, lo so a fâ lo na ndö ti keke ti kroa.

Marc 16:6

Maseka-koli ni atene na ala: “Mbeto asara ala pepe! Ala yeke gi Jésus ti Nazaret, lo so a fâ lo na ndö ti keke ti kroa; lo zingo na kuâ awe, lo yeke na ndo so pepe. Baa, ndo so a zia lo lani daa laa.

Nzoni Tënë so Luc asu na mbeti 1:13

Me ange ni atene na lo: “Zakarii, sara mbeto pepe, ngbanga ti so Nzapa ama sambela ti mo awe: fade Élisabeth, wali ti mo ayeke du na mo molenge-koli si mo yeke di iri ti lo Jean.

Nzoni Tënë so Luc asu na mbeti 1:30

Ange ni atene na lo: “Marie, sara mbeto pepe, ngbanga ti so Nzapa asara nzoni be na mo.

Nzoni Tënë so Luc asu na mbeti 2:10

Me ange ni atene na ala: “Ala sara mbeto pepe, ngbanga ti so mbi ga ti tene mbeni nzoni tënë na ala, tënë ni ayeke zia ngia na be ti azo kue.

Nzoni Tënë so Luc asu na mbeti 24:38

Jésus ahunda ala, atene: “Ala yeke gi be ti ala ngbanga ti nyen? Ala yeke dekite na be ti ala ngbanga ti nyen?

Awatokua 27:24

si lo tene na mbi: ‘Paul, mbeto asara mo pepe! Alingbi mo gue, mo si na gbe ti kota gbia ti Rome titene lo fâ ngbanga ti mo. Ndali ti mo, fade Nzapa ayeke bata azo so kue ayeke na ya ti mangboko ni.’

Aye so Nzapa afa 1:17

So mbi baa lo, mbi ti na gbe ti lo tongana zo so akui awe. Me lo zia maboko ti lo ti koli na ndö ti mbi si lo tene: “Sara mbeto pepe! Mbi yeke lo so lo yeke kozo ni na lo so lo yeke ndangba ni,