Daniel 10:1 - Mbeti ti Nzapa - Tënë so amu fini

¹ Na ngu ota ni so Sirus ayeke gbia ti Perse, a fa na Daniel, lo so a di iri ti lo Beltasar, mbeni tënë so alondo na Nzapa. Tënë ni ayeke taa-tënë si afa tënë ti kota ye ti mawa so ayeke si. Daniel agbu li ti lo daa mingi si lo hinga nda ti tënë ni na lege ti ye so lo baa na ya ti mbeni ye tongana bango-li.

Daniel 10:1 ပူးပေါင်းရင်းမြစ်များ

Tongo nda ti aye 41:32

Tongana Nzapa asara si gbia Faraon abaa li ti lo fani use, ayeke mbeni ye so Nzapa aleke ni awe. Lo yeke sara titene ye ni asi fafadeso.

2 Mbai 36:22

Na kozo ngu so Sirus ayeke gbia ti Perse, *KOTA GBIA aye ti sara si tënë ti lo so lo zia ando na yanga ti Jérémie ti tene, aga taa-tënë. Nilaa KOTA GBIA azia na be ti Sirus ti mu yanga titene a to mbela na tënë ti Sirus na ya ti kodro ti lo kue; a su nga atënë ni na mbeti, atene:

Esdras 3:7

Ala mu nginza na azo ti dengo tere ti têne nga na asarapande. Ala mu kobe ti tengo ni, ye ti nyongo ni nga na mafuta na azo ti Sidon na ti Tir titene ala tokua ndo si a mu akeke ti sedre ti Liban aga na ni na le ti kota ngu-ingo ngbii asi na Zafa. Ala sara tongaso, ngbanga ti so Sirus, gbia ti Perse amu lege na ala.

Esdras 4:3

Me Zorobabel, Yeshua na tanga ti azo ti li ti asewa ti azo ti Israel akiri tënë na ala: “Ala laa alingbi ti mu maboko na e ti sara da ndali Nzapa ti e pepe; gi e oko laa e lingbi ti leke ni, ngbanga ti so ayeke kota da ti KOTA GBIA, Nzapa ti Israel. Sirus, gbia ti Perse laa amu yanga na e ti leke ni.”

Esdras 4:5

Ti londo na ngoi so kue Sirus ayeke gbia ti Perse ngbii asi na ngoi so Darius aga gbia ti Perse, awato ni amu nginza na awamungo-wango ti gbia ti sara titene pialo ti azuife ali ngu.

Esdras 6:14

*Akangba ti azuife angba ti sara kota da ni si akua ni ayeke tambula nzoni, alingbi na atënë ti mungo ngangu na be so wayanga-Nzapa Aggée na Zakarii, molenge ti Ido atene na ala. Ala hunzi ti sara da ni, alingbi na yanga so Nzapa ti Israel amu nga alingbi na ambela ti agbia ti Perse so ayeke Sirus, Darius na Artakzerses.

Esdras 6:3

“Na ya ti kozo ngu so Sirus ayeke gbia, lo mu mbela so, lo tene: Kota da ti Nzapa so ayeke na Jérusalem, alingbi a leke ni titene aga ndo ti yango asandaga na Nzapa. A yeke leke ni na ndo so akozo gere ni ayeke ando daa. Yongo ti da ni na nduzu ayeke duti metere baleota si konongo ni metere baleota.

Ésaïe 44:28

Tënë so mbi tene na ndö ti Sirus ayeke so: ‘Lo yeke wabatango-taba ti mbi. Ye so mbi ye, fade lo yeke sara si aga nzoni. Lo yeke mu yanga titene a kiri aleke Jérusalem, titene a kiri alu gere ti kota da ti Nzapa.’ ”

Daniel 1:17

Nzapa asara si amaseka-koli osio so ahinga nda ti aye. Lo sara si ala hinga mbeti si ala duti nga na ndara mingi. Ti Daniel, lo hinga nda ti aye so ayeke ga na le ti zo tongana bango-li nga na abango-li kue.

Daniel 1:21

Daniel asara kua na gbia ngbii asi na ngu so Sirus aga gbia.

Daniel 1:7

Makonzi ti ambaiwa azia fini iri na ndö ti ala. Lo di iri ti Daniel, Beltasar; lo di iri ti Hanania, Shadrak; lo di iri ti Mishael, Meshak si lo di iri ti Azaria, Abed-Nego.

Daniel 10:14

Fadeso mbi ga ti sara si mo hinga ye so ayeke si gbanda na azo ti mo. Baa, ye so mo baa tongana bango-li so ayeke kiri ti duti daa ndali ti alango so.’

Daniel 11:2

Fadeso, mbi yeke fa na mo taa-tënë.’ ” “ ‘Baa, ambeni gbia ota ayeke kiri ti ga na li ti kodro ti Perse; osio ni ayeke ga nga. Me osio ni ayeke wara mosoro mingi ahon ambeni so kue. Tongana lo baa so mosoro ti lo ni amu na lo ngangu so alingbi awe, fade lo yeke londo ti sara bira na kodro ti Grese.

Daniel 12:4

‘Me ti mo Daniel, mo honde tënë so hondengo. Kozo si lango ti ndani alingbi, tënë so a su na ya ti mbeti so, mo fa ni na gigi pepe. Fade gba ti azo ayeke diko mbeti ni si hingango ndo ti ala ayeke kono.’ ”

Daniel 12:9

Lo kiri tënë na mbi, lo tene: ‘Daniel, mo gue! Tënë so ayeke ngba na hondengo ni, a yeke kpo nzoroko daa, angba tongaso ngbii asi na lango ti ndani.

Daniel 2:21

Lo laa lo yeke leke angoi nde nde; lo yeke leke akapa ti aye nde nde; lo yeke tumba agbia na ndö ti mbata si lo yeke zia ala na ndö ti mbata. Lo laa lo yeke mu ndara na azo ti ndara si lo yeke sara titene zo ahinga ndo.

Daniel 4:8

Keke ni angba ti kono si akpengba: li ni ague ngbii akpo le ti nduzu si azo ti dunia kue alingbi ti baa ni.

Daniel 5:12

Azo abaa lo tongana zo so ahinga ndo ahon azo mingi, so ahinga nda ti aye si ayeke na ndara so ayeke nde; lo lingbi ti fa nda ti abango-li, nda ti aye so ahonde na nda ti aye so akara azo. Ala iri Daniel ni aga, lo so gbia adi iri ti lo Beltasar so. Fade lo yeke fa na mo nda ti mbeti so a su na tere ti dere ti da so.”

Daniel 5:17

Daniel akiri tënë na gbia, atene: “Gbia, ayeke nzoni mo bata akadoo ni ndali ti mo wani, wala mo lingbi ti mu ni na mbeni zo nde. Ti mbi, mbi yeke diko mbeti ni si mbi yeke fa nda ni na mo.

Daniel 6:28

Lo yeke zi azo si lo yeke soo azo na kuâ; lo yeke sara aye ti dongo be na aye ti kpene, lo yeke sara ni na yayu nga na sese. Lo laa lo zi Daniel na yanga ti abamara.”

Daniel 8:16

Mbi ma mbeni go so alondo na mbage ti ngu ti Ulai; go ni adekongo, atene: ‘Gabriel, ye so zo so abaa tongana bango-li so, ayeke nzoni mo fa nda ni na lo.’

Daniel 8:26

Ye so mo baa na ya ti mbeni ye tongana bango-li na ndö ti asandaga ti lakui na ti ndaperere si a tene tënë ni so ayeke taa-tënë. Me ti mo, ayeke nzoni mo honde ye so mo baa so hondengo, ngbanga ti so ye so a tene ni so, lango ni ade yongoro.’

Nzoni Tënë so Luc asu na mbeti 1:20

Me mo yeda na tënë ti mbi pepe; tënë ti mbi so ayeke ga ande taa-tënë tongana ndembe ni alingbi. Tongaso, fade mo yeke ga buburu, mo yeke tene tënë pepe, ngbii asi na ndembe so aye ni kue ayeke si.”

Aye so Nzapa afa 19:9

*Ange ni atene na mbi: “Su tënë so na mbeti: ‘Ti ala nzoni, azo so a tisa ala ti gue na matanga ti mungo wali ti Molenge ti Taba!’ ” Ange ni akiri atene: “So taa atënë so alondo na Nzapa.”