Daniel 1:4 - Mbeti ti Nzapa - Tënë so amu fini

⁴ Alingbi mbeni ye ti tere ti amaseka-koli ni oko abuba pepe; ala yeke pendere mingi; ala si singo na ndara, ala yeke azo ti hingango mbeti na azo ti hingango ndo. Tongaso, fade ala yeke sara kua na yangbo ti gbia; fade a yeke fa na ala agere ti mbeti nga na yanga ti kodro ti azo ti Babilone.

Daniel 1:4 ပူးပေါင်းရင်းမြစ်များ

Tongo nda ti aye 41:46

Joseph ayeke na ngu baleota na ndembe so lo si na tere ti Faraon, gbia ti Ezipte. Na pekoni, lo sigigi lo tambula na ya ti kodro ti Ezipte kue.

2 Samuel 14:25

Na Israel kue, mbeni zo so apendere si azo ayeke gonda lo tongana Absalom ayeke daa pepe. Ti londo na gere ti lo asi na li ti lo, mbeni sioni ye oko ayeke daa pepe.

Amato 22:29

Mo baa mbeni zo so ayeke sara kua ti lo nzoni? Fade lo yeke ngba ti sara kua na asenge zo pepe, me lo yeke gue ti sara kua na agbia.

Zo ti bongbingo azo 7:19

Ndara ayeke sara si zo ti ndara ayeke na ngangu mingi ahon amakonzi baleoko so ayeke na ya ti mbeni gbata.

Ésaïe 36:11

Tongaso Eliakim, Shebna nga na Yoa atene na makonzi ti aturugu ti batango gbia, atene: “E gbu gere ti mo, mo tene tënë na e, azo ti gbe ti mo, na yanga ti arameen, ngbanga ti so e yeke ma ni. Me mo tene tënë ni na yanga ti hebro pepe, ngbanga ti azo so aduti na ndö ti gbagba ti gbata ni.”

Jérémie 5:15

So tënë ti yanga ti KOTA GBIA laa: Ti ala azo ti Israel, mbi yeke tokua mbeni mara so alondo na yongoro ndo ti ga na tere ti ala; ayeke mara so ala lingbi ti kinda ni pepe, mara ni ayeke ando giriri; ala hinga yanga ti kodro ti azo ti mara ni pepe, ala ma ya ti atënë so ala yeke tene pepe.

Daniel 2:10

Azo ti nganga ni atene na gbia, atene: “Gbia, ye so mo hunda so, zo oko na ndö ti sese so alingbi ti sara ni pepe. Mbeni gbia oko, ataa lo yeke kota wala lo yeke ngangu tongana nyen, lo de ti hunda mara ti ye tongaso laoko pepe na mbeni zo ti nganga, wala na mbeni zo ti bango nda ti aye.

Daniel 2:2

Tongaso lo mu yanga titene a iri azo ti nganga, azo ti mazi, azo ti yoro na azo nde nde so ayeke baa nda ti aye. Lo iri ala titene ala fa na lo bango-li so lo baa so. So ala si awe, ala gue na dawa ti gbia

Daniel 3:8

Kete na pekoni, ambeni zo ti Babilone aga si abi tënë na li ti azuife.

Daniel 4:7

So mbi ngba ti lango na ndö ti gbogbo ti mbi, mbi baa li ti mbi tongaso: Mbi baa mbeni keke so aluti taa na be ti sese; keke ni ayo na nduzu ahon ndoni.

Daniel 5:11

Na ya ti kodro ti mo so, mbeni koli ayeke daa so yingo ti anzapa so ayeke nde si ayeke nzoni kue asi lo singo. Lani so babâ ti mo angba gbia, azo abaa lo tongana zo so le ti lo ahan mingi, so ahinga ye mingi si ayeke na ndara tongana anzapa. Ndani laa, babâ ti mo Nabukodonosor azia lo makonzi na li ti azo ti nganga, azo ti yoro, azo ti mazi na azo ti bango nda ti aye.

Daniel 5:7

Lo dekongo ngangu si lo mu yanga titene azo airi azo ti nganga ti Babilone, azo ti mazi, azo ti yoro na azo ti bango nda ti aye ti ga. So azo ti bango nda ti aye ni aga awe, gbia atene na ala, atene: “Zo so ayeke diko mbeti so si lo fa na mbi nda ni, fade a yeke yu na lo bongo ti agbia so abe bengo; a yeke zia na go ti lo ye ti go so ayeke na lôro si lo yeke duti oko ti akota zo ota ti ya ti govoroma ti kodro ni.”

Daniel 9:1

Darius, molenge ti Zerses, zo ti mara ti Medii laa ayeke gbia na ndö ti kodro ti Babilone.

Zakarii 2:4

Mbi hunda ndo, mbi tene: “Ala ga ti sara nyen?” Lo kiri tënë na mbi, lo tene: “Azo ti pikango ndao ni aga ti zia mbeto nga ti tumba angangu mara so akangbi azo ti Juda na ando nde nde; mbeni zo oko so agbu le ni na angangu mara ni ayeke daa pepe.”

Awatokua 7:20

Na ngoi so laa a du Moïse, lo yeke pendere na le ti Nzapa. A bata lo na ya ti da nze ota.

Awatokua 7:22

Moïse amanda akode kue ti azo ti Ezipte. Lege ti tenengo tënë ti lo na sarango aye ti lo ayeke fa so lo yeke kpengba zo.

Efeze 5:27

ngbanga ti so lo ye si Eglize ni aluti na le ti lo, pendere, sarate ayeke daa pepe, le ti lo akpa ti mbakoro pepe, mbeni sioni ye oko ayeke daa pepe. Lo ye si Eglize ni aduti nde si aduti nzoni kue, tënë ayeke na li ti lo pepe.

Awafango-ngbanga 8:18

Na pekoni, Gédéon ahunda Zeba na Salmuna, atene: “Akoli so ala fâ ala lani na hoto ti Tabor so ayeke tongana nyen?” Ala kiri tënë, atene: “Ala yeke tongana mo. Ala kue akpa gi amolenge ti gbia!”