Daniel 1:19 - Mbeti ti Nzapa - Tënë so amu fini

¹⁹ Gbia asara lisoro na ala. Na popo ti amaseka-koli so kue, lo wara mbeni zo oko so alingbi na Daniel, Hanania, Mishael na Azaria pepe. Tongaso amaseka-koli ni aga azo ti sarango kua na gbia.

Daniel 1:19 ပူးပေါင်းရင်းမြစ်များ

Tongo nda ti aye 41:46

Joseph ayeke na ngu baleota na ndembe so lo si na tere ti Faraon, gbia ti Ezipte. Na pekoni, lo sigigi lo tambula na ya ti kodro ti Ezipte kue.

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

Amato 22:29

Mo baa mbeni zo so ayeke sara kua ti lo nzoni? Fade lo yeke ngba ti sara kua na asenge zo pepe, me lo yeke gue ti sara kua na agbia.

Jérémie 15:19

Ndani laa, tënë so KOTA GBIA atene ayeke so: “Tongana mo kiri na mbage ti mbi, fade mbi yeke kiri na mo na kua ti mbi. Tongana mo yeke tene anengo tënë, me abuba tënë pepe, fade mo yeke duti zo ti tenengo peko ti atënë ti yanga ti mbi. Alingbi azo ti Juda laa akiri na mbage ti mo; me ayeke ti mo ti gue na mbage ti ala pepe.

Daniel 1:18

Ngoi so gbia Nabukodonosor afa titene a ga na amaseka-koli so kue a soro ala lani so alingbi awe. Makonzi ti ambaiwa amu amaseka-koli ni si ague na ala na lo.

Daniel 1:4

Alingbi mbeni ye ti tere ti amaseka-koli ni oko abuba pepe; ala yeke pendere mingi; ala si singo na ndara, ala yeke azo ti hingango mbeti na azo ti hingango ndo. Tongaso, fade ala yeke sara kua na yangbo ti gbia; fade a yeke fa na ala agere ti mbeti nga na yanga ti kodro ti azo ti Babilone.

Daniel 1:5

Gbia amu yanga titene a mu lakue na amaseka-koli ni gi oko kobe so lo yeke te, na oko samba so lo yeke nyon. Lo mu yanga titene a bata ala nzoni na ya ti ngu ota. Na pekoni, fade ala yeke londo ti sara kua na lo.

Daniel 1:6

Andaa amaseka-koli osio ti mara ti Juda ayeke na popo ti amaseka-koli so a soro ala so: Daniel, Hanania, Mishael na Azaria.

Daniel 1:7

Makonzi ti ambaiwa azia fini iri na ndö ti ala. Lo di iri ti Daniel, Beltasar; lo di iri ti Hanania, Shadrak; lo di iri ti Mishael, Meshak si lo di iri ti Azaria, Abed-Nego.

Daniel 2:13

Gbia asigigi na mbela ti fango azo ti nganga ni. Tongaso azo ague, amu Daniel na amba ti lo si aga na ala titene a fâ nga ala.

Daniel 3:29

Ndani laa, mbi mu yanga fadeso, mbi tene: ‘Zo so ayeke tene sioni tënë ti Nzapa ti Shadrak, ti Meshak na ti Abed-Nego, ataa zo ni ayeke ti mara wa, wala ti yanga ti kodro wa, fade a yeke fâ ya ti zo ni nduru nduru; fade da ti zo ni aga ndo ti azende. Biani, mbeni nzapa nde ti soo zo na kuâ tongaso ayeke daa pepe.’ ”