Daniel 1:1 - Mbeti ti Nzapa - Tënë so amu fini

¹ Na ya ti ngu ota ni so Yoakim ayeke gbia ti Juda, Nabukodonosor, gbia ti Babilone aga na Jérusalem si lo ngoro gbata ni na bira.

Daniel 1:1 ပူးပေါင်းရင်းမြစ်များ

2 Agbia 23:36

Yoakim ayeke na ngu baleuse na oku si lo ga gbia; lo le-gbia ngu baleoko na oko na Jérusalem. Iri ti mama ti lo ayeke Zebuda, molenge ti Pedaya, zo ti gbata ti Ruma.

2 Agbia 24:13

Nabukodonosor amu amosoro so kue a bata na ya ti kubu ti kota da ti KOTA GBIA, na amosoro so a bata na ya ti kubu ti yangbo ti gbia, lo gue na ni alingbi gi na tënë so KOTA GBIA atene. Lo fâ ya ti aye so kue Salomon, gbia ti Israel aleke na lôro si lo zia na ya ti kota da ti KOTA GBIA so.

Ésaïe 39:7

Na popo ti amolenge ti mo, ala so mo wani, mo du ala, fade a yeke mu ambeni ti gue na ala titene ala ga *ambaiwa na yangbo ti gbia ti Babilone.’ ”

Jérémie 25:1

Tënë ti *KOTA GBIA asi na Jérémie ndali ti azo ti Juda kue; tënë ni asi na lo na ya ti osio ngu so Yoakim, molenge ti Yosias ayeke gbia ti Juda – so ayeke nga kozo ngu so Nabukodonosor ayeke le-gbia na sese ti Babilone laa –.

Jérémie 35:1

Na ngoi ti Yoakim, molenge ti Yosias, gbia ti Juda, tënë ti *KOTA GBIA asi na Jérémie, atene:

Jérémie 35:11

Na ndembe so Nabukodonosor, gbia ti Babilone, aga si asara bira na kodro ni, e tene na be ti e, e tene: ayeke nzoni e gue na Jérusalem si e kpe aturugu ti Babilone na ala ti Sirii. Ndani laa e duti laso na Jérusalem so.”

Jérémie 36:1

Na ngu osio ni so Yoakim, molenge ti Yosias, ayeke gbia ti Juda, tënë ti *KOTA GBIA asi na Jérémie, atene:

Jérémie 45:1

Na ngu osio ni so Yoakim, molenge ti Yosias ayeke gbia ti Juda laa Baruk, molenge ti Neria asu na mbeti atënë so asigigi na yanga ti wayanga-Nzapa Jérémie. Jérémie atene na Baruk:

Jérémie 50:1

Tënë so *KOTA GBIA atene na ndö ti Babilone nga na ndö ti kodro ti azo ti Kalde na lege ti wayanga-Nzapa Jérémie laa:

Jérémie 52:12

Na lango baleoko ti nze oku ni, so ti tene na ngu baleoko na gumbaya ni so Nabukodonosor, gbia ti Babilone ayeke le-gbia, Nebuzaradan aga na Jérusalem. Nebuzaradan ayeke makonzi ti aturugu ti batango gbia si lo yeke mbeni kota zo na yangbo ti gbia ti Babilone.

Jérémie 52:28

Wungo ti azo so Nabukodonosor agbu ala ague na ala na kodro wande ayeke tongaso: na ngu mbarambara ni: azo ti Juda 3 023;

Daniel 5:13

Tongaso azo ague, aga na Daniel na dawa ti gbia. Gbia ahunda lo, atene: “Mo laa Daniel? Oko ti azuife so gbia, babâ ti mbi agbu ala na sese ti Juda si aga na ala so?