B. ti abia 8:9 - Mbeti ti Nzapa - Tënë so amu fini

⁹ Tongana lo yeke fade ngangu gbagba, ka e mu wen ti nginza, e sara na aye ti pendere na ndö ti gbagba ni. Tongana lo yeke fade yanga ti gbagba, ka e mu keke ti sedre, e kanga na ni.

B. ti abia 8:9 ပူးပေါင်းရင်းမြစ်များ

Awatokua 15:16

‘Na pekoni, fade mbi yeke kiri ti leke da ti David so ati. Aye ti da so atuku, fade mbi yeke leke ni, mbi yeke kiri ti mu da ni na nduzu.

Awatokua 14:27

So ala si na Antioshe, ala bongbi azo ti Eglize ni si ala fa na ala peko ti aye so kue Nzapa asara na lege ti ala. Ala fa nga na azo ni lege so Nzapa azi lege na azo ti amara nde ti ma na be.

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Ésaïe 61:4

Ada so akungbi aninga awe so, fade ala yeke kiri ti leke ni; ada so akungbi ngbene ye aninga so, ala yeke kiri ti mu ni na nduzu. Agbata so abuba si aga ngonda ngu na ngu so, fade ala yeke kiri ti leke ni.

Ésaïe 60:17

Mbi yeke sara titene ala ga na lôro na plase ti bengba wen, ala ga na wen ti nginza na plase ti wen, ala ga na bengba wen na plase ti keke, ala ga na wen na plase ti têne. Mbi yeke sara titene siriri ale-gbia na ndö ti ala, mbirimbiri asara komandema na ndö ti ala.

Ésaïe 58:12

Ndali ti mo, azo ayeke kiri ti leke ada so akungbi aninga awe; agere ti da so azo ado azia ngbene ye aninga, fade mo yeke kiri ti leke ada na ndö ni. Azo ayeke iri mo: “Zo ti kangango adu ti gbagba ti bira, zo ti lekengo alege ti gbata titene azo alango na ya ti gbata ni.”

B. ti abia 2:9

Kamba ti be ti mbi ayeke tongana dengbe, lo yeke tongana molenge ti wuga. Baa, lo laa lo yeke na peko ti dere ti da ti e so, lo yeke baa ndo na le ti fenetere, lo yeke baa ndo na popo ti wen ti le ti fenetere.

1 Agbia 6:15

A mu akeke ti sedre so le ni akono konongo si a pika na tere ti adere ti kota da ni na mbage ti ya ni, ti londo na sese ngbii asi na nduzu na tere ti plafon. A leke sese ti ya ti kota da ni na akeke ti sipre.

Ndia ti fani use ni 22:8

Tongana mo sara fini da, alingbi mo leke kete gbagba angoro li ti da ni na nduzu. Tongaso, fade tënë ayeke ga na li ti mo pepe, tongana mbeni zo alondo na li ti da ni ati akui.

B. ti abia 1:11

E yeke mu lôro ti sara na aye ti mê na mo, e yeke kpo anzoroko ti wen ti nginza na tere ni.