B. ti abia 7:4 - Mbeti ti Nzapa - Tënë so amu fini

⁴ Ame ti mo use ayeke tongana amolenge use ti wuga, ayeke tongana amolenge ti dengbe so a du ala angbo.

B. ti abia 7:4 ပူးပေါင်းရင်းမြစ်များ

Tongo nda ti aye 15:2

Abram akiri tënë, atene: “Kota Gbia NZAPA, nyen laa mo ye ti mu na mbi, nyen? Mbi du molenge pepe ngbii si mbi yeke kui so. Zo so ayeke mu ande aye ti peko ti mbi, ayeke Eliezer, zo ti gbata ti Damas.

2 Samuel 8:6

David azia agovoronere na ndö ti ala, ala ga azo ti gbe ti lo si ala yeke futa lapo na lo. *KOTA GBIA asara si David aso benda na ndö ti awato ti lo na ndo so kue lo yeke gue daa.

1 Agbia 10:18

Gbia asara mbeni kota mbata ti gbia na pembe ti doli, a zia lôro ti nzoni ni na tere ni.

1 Agbia 10:22

Biani, gbia ayeke na amangboko ti Tarsis so ayeke tambula na le ti kota ngu-ingo legeoko na amangboko ti gbia Hiram. Lakue na peko ti ngu ota ota, amangboko ti Tarsis ayeke yo gba ti lôro, wen ti nginza, pembe ti doli, amakako nga na apendere ndeke ti ga na ni.

1 Agbia 22:39

Tanga ti atënë na ndö ti Akab, aye so kue lo sara, tënë ti yangbo so lo leke na pembe ti doli nga na agbata so lo leke ni, a su tënë ni na ya ti “Mbeti ti aye so agbia ti Israel asara”.

1 Agbia 7:2

Lo sara kozoni mbeni da so iri ni “Gbako-ti-Liban”. Yongoro ti da ni ayeke metere baleoku, konongo ni ayeke metere baleuse na oku, yongo ni na nduzu ayeke metere baleoko na oku. Lo sara da ni na ndö ti angbongboro gere ni osio so ayeke na keke ti sedre. Ayongoro keke ti gbungo-li ti da ni ayeke nga na keke ti sedre si aduti na ndö ti angbongboro gere ti da ni so.

1 Agbia 9:19

Lo kiri lo leke nga agbata so kue lo yeke bata akobe daa, na agbata so lo yeke bata apusu ti bira ti lo na ambarata ti lo daa. Aye so kue be ti Salomon aye ti leke, lo leke ni na Jérusalem, na ndö ti hoto ti Liban nga na ya ti akodro so kue ayeke na gbe ti komandema ti lo. Lege so Salomon agbu azo na ngangu ti sara akua laa:

2 Mbai 8:6

Lo kiri lo leke gbata ti Baalat, na agbata so kue lo yeke bata akobe daa, na agbata so lo yeke bata apusu ti bira ti lo na ambarata ti lo daa. Aye so kue be ti Salomon aye ti leke, lo leke ni na Jérusalem, na ndö ti hoto ti Liban nga na ya ti akodro so kue ayeke na gbe ti komandema ti lo.

Abia (Psaumes) 144:12

Ayeke nzoni amolenge ti e ti koli akono nzoni na ya ti maseka ti ala tongana akeke so akono nzoni! Amolenge ti e ti wali aga tongana angbongboro têne so a sara ni na kode si ayeke sara pendere ti ya ti yangbo ti agbia!

Abia (Psaumes) 45:8

Mo ye sarango ye ti mbirimbiri, mo ke sarango ye ti sioni. Ndani laa, Nzapa, Nzapa ti mo asoro mo na popo ti amba ti mo kue ti ga gbia si lo tuku mafuta ti matanga na li ti mo.

B. ti abia 1:10

So pendere ngbangba laa mo yeke na ni na popo ti aye ti mê so! So pendere go laa mo yeke na ni na popo ti aye ti go so!

B. ti abia 4:1

Mo pendere mingi, mo so mbi ye mo so, mo pendere mingi! Na gbe ti mapia-bongo so mo bi na li ti mo, le ti mo apendere tongana ambipa. Kua ti li ti mo ayeke tongana gba ti angasa so alondo na li ti hoto ti Galaad ti zu na sese.

B. ti abia 4:4

Go ti mo ayeke tongana da ti David so lo sara ni pendere mingi, da so a sara ni ti bata aye ti bira daa. A kanga *avala saki oko na tere ni, kue gi angbongboro vala ti angangu turugu.

B. ti abia 4:5

Ame ti mo use ayeke tongana amolenge use ti wuga, amolenge ti dengbe so a du ala angbo, so ayeke te pere na popo ti kongo.

B. ti abia 6:5

Kiri mo baa mbi pepe, ngbanga ti so le ti mo asara si li ti mbi aga kirikiri. Kua ti li ti mo ayeke tongana gba ti angasa so alondo na ndö ti hoto ti Galaad ti zu na sese.

Ésaïe 54:4

Sara mbeto pepe, ngbanga ti so kamene ayeke kiri ti sara mo pepe. Sara kamene pepe, ngbanga ti so azo ayeke kiri ti zonga mo pepe. Kamene so ando mo ngba maseka si ayeke sara mo so, fade mo yeke girisa ni. So lani mo yeke wali-mua si azo ayeke zonga mo so, fade mo yeke girisa zongango ndo ni.

Ahebro 5:14

Kpengbango kobe ayeke ndali ti akangba, ngbanga ti so na lege ti sarango ye so ala yeke sara lakue, le ti ala azi awe ti hinga ye ti nzoni na ye ti sioni.