B. ti abia 3:3 - Mbeti ti Nzapa - Tënë so amu fini

³ Asanziri so ayeke hon na ya ti gbata awara mbi si mbi hunda ala, mbi tene: “Lo so be ti mbi aye lo so, ala baa lo?”

B. ti abia 3:3 ပူးပေါင်းရင်းမြစ်များ

B. ti abia 1:7

Mo so mbi ye mo so, fa na mbi ndo so mo yeke gue na anyama ti mo daa titene ala wu tere na bekombite. Tongaso si mbi tambula kirikiri pepe na tere ti anyama ti amba ti mo.

B. ti abia 5:7

Asanziri so ayeke tambula na ya ti gbata awara mbi, asanziri so ayeke bata ngangu gbagba so; ala pika mbi, ala zia ka na tere ti mbi, ala zi mapia-bongo so ayeke na ndö ti go ti mbi.

Ésaïe 56:10

Asanziri ti Israel kue ayeke awaziba, ala hinga ye oko pepe. Ala yeke ambo so ayeke buburu, ala lingbi ti dekongo pepe. Ala yeke lango na sese, ala yeke baa li ti ala; ala ye gi ti lango.

Ésaïe 62:6

Jérusalem, na ndö ti gbagba ti mo ti bira, mbi zia asanziri. Na kota lâ wala na bi, ala lingbi ti duti kpoo pepe. “Ala so ayeke dabe ti KOTA GBIA na Jérusalem, ala wu tere ti ala pepe!

Ezekiel 3:17

“Molenge ti zo, mbi zia mo sanziri ndali ti azo ti Israel. Tongana mo ma mbeni tënë na yanga ti mbi, fade mo yeke gboto mê ti ala na iri ti mbi.

Jean 20:15

Jésus ahunda lo: “Wali, mo yeke toto ngbanga ti nyen? Zo wa laa mo yeke gi lo?” Marie abaa ti lo atene so walekengo-ndo ni so laa si lo tene: “Pakara, tongana mo laa mo mu lo, mo hon na lo, fa na mbi ndo so mo zia lo daa si mbi gue, mbi mu lo.”

Ahebro 13:17

Ala ma yanga ti azo ti li ti Eglize, ala sara ye so azo ni ahunda na ala. Azo ni ayeke baa ndo na ndö ti ala, ngbanga ti so fade Nzapa ayeke hunda ala ndali ni. Tongana ala yeke ma yanga ti azo ti li ti Eglize, fade azo ni ayeke sara kua ti Nzapa na nzerengo be si ala dema tere ti ala pepe. Me tongana azo ni adema tere, fade ala a-ita, ala yeke baa nzoni pepe.