B. ti abia 2:9 - Mbeti ti Nzapa - Tënë so amu fini

⁹ Kamba ti be ti mbi ayeke tongana dengbe, lo yeke tongana molenge ti wuga. Baa, lo laa lo yeke na peko ti dere ti da ti e so, lo yeke baa ndo na le ti fenetere, lo yeke baa ndo na popo ti wen ti le ti fenetere.

B. ti abia 2:9 ပူးပေါင်းရင်းမြစ်များ

2 Samuel 2:18

Yoab, Abishai na Asael, so iri ti mama ti ala ayeke Seruya ayeke lani kâ. Gere ti Asael ayapu na loro tongana ti dengbe.

Amato 5:19

Lo yeke woko be ti mo tongana tagba; lo yeke pendere tongana dengbe. Ayeke nzoni pendere ti tere ti lo azia ngia na be ti mo lakue! Ayeke nzoni nzara ti lo asara mo lakue tongana ti so samba ayeke sara zo!

Amato 6:5

Zi tere ti mo na ya ti kuku ni tongana dengbe; zi tere ti mo na ya ti gbanda ni tongana ndeke.

Amato 7:6

Mbeni lâ, mbi luti na fenetere ti da ti mbi si mbi yeke baa ndo na du ti fenetere ni.

B. ti abia 1:16

Kamba ti be ti mbi, mo pendere mingi, mo pendere ahon ndoni! Fini pere laa ayeke gbogbo ti e.

B. ti abia 2:17

Kozo titene pupu ti lakui alondo si gbe ti de ahon, mo kamba ti be ti mbi, mo kiri ma! Mu loro tongana dengbe, tongana molenge ti wuga na ndö ti ahoto so akangbi tere.

B. ti abia 2:7

Ala amaseka-wali ti Jérusalem, mbi voro ala na iri ti adengbe nga na iri ti awuga ti ngonda, wali ti mbi so mbi ye lo so, ala zingo yengo tere pepe, ala zingo yengo tere so ayeke na be ti mbi so pepe kozo titene yengo tere ni ayeda.

B. ti abia 3:5

Ala amaseka-wali ti Jérusalem, mbi voro ala na iri ti adengbe nga na iri ti awuga ti ngonda, ala zingo yengo tere pepe, ala zingo yengo tere so ayeke na be ti mbi so pepe kozo titene yengo tere ni ayeda.

B. ti abia 8:14

“Mo so mo yeke kamba ti be ti mbi so, mu loro tongana dengbe wala tongana molenge ti wuga na ndö ti ahoto so yombo ayeke daa.”

Nzoni Tënë so Luc asu na mbeti 24:35

Adisiple use so atene tënë ti ye so asi na ala na lege so. Ala fa nga lege so ala hinga Jésus na ni, na ndembe so lo fâ ya ti mapa si lo mu na ala.

Jean 12:41

Ésaïe atene ando tënë so, ngbanga ti so lo baa gonda ti Jésus si lo tene tënë ti lo.

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Jean 5:46

Tongana ala yeda fade na tënë ti Moïse biani, ka ala yeda nga na tënë ti mbi, ngbanga ti so Moïse asu mbeti na ndö ti mbi.

1 Korente 13:12

Ti fadeso, ye so e yeke baa ayeke tongana ye so zo ayeke baa na ya ti tatara; e yeke baa ye ni nzoni kue pepe. Me gbanda, e yeke baa Nzapa le na le. Ti fadeso, mbage ti hingango ye ti mbi atia; me gbanda, mbi yeke hinga ye kue tongana ti so Nzapa ahinga na mbi so.

Kolose 2:17

Ye so kue ayeke tongana gbe ti de ti ye so ayeke ga gbanda, me taa ye ni ayeke Christ.

Ahebro 10:1

Aye so ayeke daa, *Ndia ti Moïse ayeke fa ni mbirimbiri kue pepe; Ndia ni ayeke gi limo ti anzoni ye so ayeke ga. Ngu na ngu, azo ayeke mu *sandaga ndali ti asiokpari ti ala, ala yeke mu gi oko sandaga ni lakue lakue; ala yeke zia ni pepe. Ataa so ala yeke sara tongaso, Ndia alingbi ti sara si azo so aye ti ga nduru na Nzapa, aga nzoni kue pepe.

Aye so Nzapa afa 19:10

Mbi kuku na gbe ti ange ni ti voro lo, me lo tene na mbi: “Sara ye tongaso pepe! Mbi yeke gi mba ti mo, zo ti kua; mbi yeke nga mba ti a-ita ti mo na ti azo so kue abata taa-tënë so Jésus afa. Mo voro gi Nzapa!” Taa-tënë so Jésus afa, ni laa amu ngangu na awayanga-Nzapa ti sara na kua ti ala.

Awafango-ngbanga 5:28

Mama ti Sisra aluti na da si lo yeke baa ndo na gigi na le ti fenetere, lo yeke baa ndo na popo ti awen ti fenetere ni si lo yeke dema tere ti lo, lo tene: ‘Ngbanga ti nyen laa pusu ti mbarata ti lo asi hio pepe so-oo? Ngbanga ti nyen laa agere ti pusu ti mbarata ti lo ayeke hara harango so-oo?’